網友呻$1600位天價鐵板燒質素差 涉事餐廳：與實際點餐不符

廚師發辦（Omakase）蔚然成風，一名食客於討論區訴說指，一家人日前到尖沙嘴一間日本料理鐵板燒用餐，點了廚師發辦（Omakase）套餐，每位需1600元，惟質素卻強差人意，不但牛肉非常堅韌，食客向侍應反映時，對方竟稱「有時供應商會俾啲次貨我哋」，最後更看漏單沒有上主菜，令食客十分不滿，直言「當我水魚咁樣」。事件引起一眾網民討論，而餐廳負責人陳先生回應《星島日報》查詢時表示，食客於網上分享的照片與當日實際點的套餐並不相符，懷疑事主於食評網截取其他食客的照片，認為相關投訴僅屬單方的指控。

食客一家人點了每位1600元的Omakase套餐。連登討論區圖片

該名網民於連登討論區發文指，日前一家人欲慶祝母親節，故到尖沙嘴一間日本料理鐵板燒用餐，由於母親「唔食牛唔食生嘢」，餐廳則推薦一個每位1600元的 Omakase套餐，價錢較平時套餐貴約300元至700元左右，「平時$900美牛餐，$1300和牛餐」，其後才發現Omakase套餐比900元套餐，「多咗啖海膽同北寄貝，但少咗一隻蝦同一碗蛤湯」。

樓主形容食物質素差。連登討論區圖片

樓主指，十分不滿該店的食物餐廳，「一嚟啲牛肉，堅韌過我條命」，形容肉質「無味、無肥膏、無口感」，「仲要同我玩well done（全熟）」。樓主隨即向餐廳反映，惟侍應稱「有時供應商會俾啲次貨我哋，等我同佢哋反映下先」，樓主對回覆大感不滿，「做餐廳唔識睇咩肉唔畀得客食㗎咩？」、「個客食完就一句反映下就ok? 」。

樓主形容食物質素差。連登討論區圖片

樓主續指，當晚等待至晚上9時仍未上主菜，故向侍應詢問情況，沒料對方竟稱「唔記得咗，sorry囉」，並指時間將近10時，「我哋都諗緊點趕啲客走，簡單啲我收你$1200啦」。如此回應令樓主一家亦非常無奈，「我媽咪只係食咗沙律，前菜，簿切無味熟鮑魚一隻，一個熟蟹蓋，幾啖海膽，炒飯，甜品，成餐就完咗」，餐廳的服務態度更是最令樓主感氣憤地方。

樓主形容食物質素差。連登討論區圖片

帖文引起網民嘩然，「連個main（主菜）都俾人走埋數」、「明知係次貨都拎畀客食」；亦有網民分享指，「我上次都喺呢間垃圾做咗水魚俠」；有人則翻查食評網發現「依間啲負評，睇得出啲食客係真心嬲」。另外，有網民質疑樓主一家不適合於此類型的餐廳用膳，「唔食生嘢唔食牛走去食鐵板燒？」。

餐廳負責人陳先生指相關投訴僅屬單方的指控。連登討論區圖片

而餐廳負責人陳先生回覆《星島日報》查詢表示，該名食客於網上分享的照片與當日實際點的套餐並不相符，質疑事主於食評網截取其他食客的照片，強調事發當時有經理曾了解情況，惟對方一口咬定食物質素不佳。他又指，相關投訴僅屬單方的指控，Omakase套餐的價錢亦難與其他套餐比較，強調若餐廳發現牛肉的質素欠佳，十分樂意更換予顧客。

餐廳負責人指相關投訴僅屬單方指控。連登討論區圖片

大埔老翁疑偷豬肉斷正，被店員攔截，他為求脫身即施展「碰瓷式」跌倒引公憤。有街坊認出是「慣犯」。

(FB影片截圖）

老翁偷豬肉，當場斷正

有網民於Facebook群組「大埔 TAI PO」上載影片，並表示「路過大埔墟佳寶門口豬肉檔，唔知發生咩事？有人話偷肉唔畀錢⋯」影片顯示，大埔墟佳寶門前有一名戴口罩及拉著手推車的老翁，疑似於豬肉檔偷肉後被發現，於是落荒而逃，一名年青及一名年長的店員即上前阻止。

(FB影片截圖）

店員以手推撞，老翁「碰瓷式」倒地

年長店員疑似正在報警，一邊打電話一邊攔著老翁。年青店員則用手推撞老翁，阻止其離開，老翁退後幾步又想逃離，年青店員再以手推撞，老翁即以「碰瓷式」姿勢慢慢倒地。老翁坐在地上作狀受傷，兩店員不知所措，路人疑勸不要硬碰「豬肉佬見佢跌坐，唔敢再接觸佢」，二人於是返回店內。老翁即乘機站起來，快步離開。

(FB影片截圖）

街坊認出是「慣犯」，但有網民批評店員出手不妥

影片曝光後，有街坊認出涉事老翁，指他是慣犯「又係呢個阿叔，之前佢早上六點喺佳寶旁邊偷香蕉」；有網民則批評店員出手推撞的行為「唔使郁手郁腳啊」、「唔使郁手郁腳啊。冇人有頭髮要做癩痢頭」、「咁多cctv報警啦，出手推人，阿叔一陣後腦落地死咗，坐監唔係阿叔」。

(FB影片截圖）

兩派網民意見分歧

有網民表示「唔係咩大件事，就原諒個阿伯啦。都咁老啦，當做下好心啦」，此留言一出，即引來其他網民反擊「發神經，老人家大哂？」、「咁你做吓好心好無，派啲物資比老人家啦...」、「香港地好多恃老賣老」、「個個唔洗返工去偷野就得啦」、「可以去乞，可以問人攞，但唔係去偷，如果好似你咁教下一代就死得」。

帖文來源：Facebook群組「大埔 TAI PO」