拍廣告親身上陣拉枱布 許廷鏗一Take成功即沾沾自喜

厲害！

許廷鏗（Alfred）最近為某啤酒拍攝廣告，上次要「滑住唱」，今次就要「滑住拍」，事關今次廣告中他不但要坐在櫈上滑來滑去，當中Alfred更要表演有一定難度的「拉枱布」。

Alfred再度為啤酒品牌拍攝全新一輯廣告。

要把放滿食物的枱布拉出來，事前Alfred以為是事後用電腦效果完成，怎料去到現場才知自己「諗多咗」；是要由自己親身上陣拍攝，幸好身手敏捷的Alfred一Take完成，難怪拍完一刻他也立即沾沾自喜。

要親身上陣拍拉枱布。

一take成功好開心！

Alfred表示在新冠疫情下仍有廣告拍攝是十分感恩，至於廣告中他亦跟幾位演員飾好朋友聚首，Alfred笑謂：「我哋好似朋友咁傾偈，其實我哋喺現場亂噏無厘頭嘢，不過出嚟效果又幾過癮。希望廣告出街後，疫情都快啲過去，大家朋友可以一齊相聚飲返杯。」 

在疫情下仍有廣告拍，心存感恩。

Alfred（左二）跟幾位演員扮成好友相聚暢飲。

許廷鏗表示當實體唱片是自己的卡片。

許廷鏗（Alfred）日前舉辦新歌試聽會及簽名會，由中午2點簽到晚上九時，Fans沿途各站上車見偶像，Alfred簽名都簽到手軟：「電車做新歌試聽會及簽名會，我之前好忍手唔幫Fans簽名，因為想等到今日先簽名，可以喺電車度同大家傾吓計，我同歌迷之間似朋友多啲，佢地已經唔會簽叫，所以呢日都會以親民為主。」

Alfred日前在電車舉辦新歌試聽會及簽名會。

Alfred新歌《多多指教》推出在即，亦宣布即將海外宣傳：「廣東話有時頗限制，但如果令其他地方了解多啲廣東話，呢個講法有啲偉大，但最想自己嘅音樂去到唔同嘅地方。」呢日雖然舉行「簽名會」，但中途發生「哈碌」情況：「我本來準備咗十幾枝簽名筆，不過呢一刻應該仲喺我張床度！簽名會唔記得帶筆真係癲咗線，好彩我有個美麗嘅Fans借咗枝筆比我，應該都頂到兩站嘅，不過都叫同事幫手去撲筆。」

Alfred宣布即將海外宣傳新歌。

Alfred笑言自己與Fans沒距離，仲話自己不時「周圍去」，希望與大家貼近：「希望用自己嘅影響力比其他人聽到，所以好多時作品源自Fans嘅DM，成為創作嘅養份。而出碟係因為自己『老餅』、『老派』，想要有實物喺手，我都當唱片係自己嘅卡片，不過張卡片嘅製作費好貴，只要有人買同想我簽名，所以都會製作。」佢就話同贊助品牌熟絡，碰巧對方電車有空檔，Alfred即時借用舉行互動簽名會，仲話有機會巡唱，叫歌迷跟住一齊出Trip。

Alfred笑言自己與Fans沒距離。

雖然實體碟製作費好貴，但Alfred指只要有人買同要他簽名，他都會製作。