娛圈事
許廷鏗稱想過把自己的歌變成NFT。
許廷鏗今晚到中環為一個藝術戶外展覽擔任壓軸表演嘉賓，他表示很開心能做戶外騷，覺得更有氣氛，加上這個展覽又有NFT元素，笑謂想過把自己的歌變成NFT：「之前哥哥結婚，我寫咗首歌送他，但就無公開過，不知大家會不會有興趣，今次都有展出我的作品，是之前首歌《我的志願》，由我自己畫的storyboard，有無人有興趣買就隨緣啦。」
許廷鏗透露年尾再出碟，並計劃搞音樂會。
許廷鏗希望辦戶外騷，粉絲可以除罩相見。
早前推出新碟的許廷鏗，透露年尾會再出碟，非常勤力，亦計劃搞音樂會，他笑言希望是戶外騷，大家能除罩相見，但不會揀現在這個季節，因難以預料天氣，活動後他會為好友鄭欣宜演唱會做嘉賓，笑言已準備在台上為她影相：「我手上有好多她的黑圖，有個咁嘅攝影師朋友，都不知開心定不開心。」
資料圖片
許廷鏗年尾出碟多搞作 想辦戶外騷除罩相見
許廷鏗表示當實體唱片是自己的卡片。
許廷鏗（Alfred）日前舉辦新歌試聽會及簽名會，由中午2點簽到晚上九時，Fans沿途各站上車見偶像，Alfred簽名都簽到手軟：「電車做新歌試聽會及簽名會，我之前好忍手唔幫Fans簽名，因為想等到今日先簽名，可以喺電車度同大家傾吓計，我同歌迷之間似朋友多啲，佢地已經唔會簽叫，所以呢日都會以親民為主。」
Alfred日前在電車舉辦新歌試聽會及簽名會。
Alfred新歌《多多指教》推出在即，亦宣布即將海外宣傳：「廣東話有時頗限制，但如果令其他地方了解多啲廣東話，呢個講法有啲偉大，但最想自己嘅音樂去到唔同嘅地方。」呢日雖然舉行「簽名會」，但中途發生「哈碌」情況：「我本來準備咗十幾枝簽名筆，不過呢一刻應該仲喺我張床度！簽名會唔記得帶筆真係癲咗線，好彩我有個美麗嘅Fans借咗枝筆比我，應該都頂到兩站嘅，不過都叫同事幫手去撲筆。」
Alfred宣布即將海外宣傳新歌。
Alfred笑言自己與Fans沒距離，仲話自己不時「周圍去」，希望與大家貼近：「希望用自己嘅影響力比其他人聽到，所以好多時作品源自Fans嘅DM，成為創作嘅養份。而出碟係因為自己『老餅』、『老派』，想要有實物喺手，我都當唱片係自己嘅卡片，不過張卡片嘅製作費好貴，只要有人買同想我簽名，所以都會製作。」佢就話同贊助品牌熟絡，碰巧對方電車有空檔，Alfred即時借用舉行互動簽名會，仲話有機會巡唱，叫歌迷跟住一齊出Trip。
Alfred笑言自己與Fans沒距離。
雖然實體碟製作費好貴，但Alfred指只要有人買同要他簽名，他都會製作。
