許廷鏗造型師寸爆回應撞衫事件 稱對C AllStar無興趣

許廷鏗前晚（25日）為林家謙紅館個唱擔任嘉賓，但事後卻被網民發現，他與20日擔任林家謙紅館個唱嘉賓的C AllStar成員King（吳崇銘）疑撞衫，網民批評許廷鏗的造型師沒有做好功課，留意前幾晚嘉賓身穿甚麼衣服，事件成為網絡熱話。許廷鏗今日（27日）都大方於IG分享二人的卡通畫，明顯對事件一笑置之，並Tag阿King的IG留言表示：「其實撞衫又有咩好怕？」而阿King亦於IG限時動態分享同一幅卡通畫，似乎未有因撞衫而尷尬，更稱雖然撞外套，但內膽有唔同。

林家謙紅館個唱請咗好多歌手擔任嘉賓。

許廷鏗前晚（25日）為林家謙紅館個唱擔任嘉賓。

許廷鏗（左）被發現與20日才剛做完林家謙個唱嘉賓的C AllStar成員King撞衫。 ​

雖然兩位當事人不介意被比較，但許廷鏗的造型師則寸爆回應，引起網民關注，今日有網民於「連登討論區」上載許廷鏗造型師的IG截圖，該造型師稱：「我製造咗一個史詩級錯誤，Sorry，因為我對C AllStar完成無興趣，無聽佢哋嘅歌，更加唔會留意佢哋，亦都完全唔知佢哋係嘉賓，我依然覺得牙鏗（許廷鏗）着得好睇好多。」更指畫卡通畫的人有錯處，「你畫錯咗，牙鏗（許廷鏗）件恤衫係無扣鈕，同埋入面仲有件透視Tee。」而這位造型師的IG則設定為非公開，未知是否見發言引來批評而有此舉動。

C AllStar的King（右一）同樣穿藍色外套登場，撞衫事件引起網民討論。

許廷鏗對於撞衫事件非常高EQ。

許廷鏗嗰位事前冇做好功課的造型師，態度引來網民批評。 ​

對於此造型師的言論，不少網民都覺得沒有禮貌，「唔使Sorry，炒得啦」、「條友同許廷鏗有仇？」、「係咪有咩仇口？」、「個人咁都請……」更有網民批評此造型師的態度非常影響許廷鏗形象。

網民問個造型師係咪同許廷鏗有仇。

網民都覺得位造型師好寸吓……

網民關注許廷鏗（右）仲會唔會用呢位造型師。

網民關注許廷鏗（右）仲會唔會用呢位造型師。

許廷鏗表示當實體唱片是自己的卡片。

許廷鏗（Alfred）日前舉辦新歌試聽會及簽名會，由中午2點簽到晚上九時，Fans沿途各站上車見偶像，Alfred簽名都簽到手軟：「電車做新歌試聽會及簽名會，我之前好忍手唔幫Fans簽名，因為想等到今日先簽名，可以喺電車度同大家傾吓計，我同歌迷之間似朋友多啲，佢地已經唔會簽叫，所以呢日都會以親民為主。」

Alfred日前在電車舉辦新歌試聽會及簽名會。

Alfred新歌《多多指教》推出在即，亦宣布即將海外宣傳：「廣東話有時頗限制，但如果令其他地方了解多啲廣東話，呢個講法有啲偉大，但最想自己嘅音樂去到唔同嘅地方。」呢日雖然舉行「簽名會」，但中途發生「哈碌」情況：「我本來準備咗十幾枝簽名筆，不過呢一刻應該仲喺我張床度！簽名會唔記得帶筆真係癲咗線，好彩我有個美麗嘅Fans借咗枝筆比我，應該都頂到兩站嘅，不過都叫同事幫手去撲筆。」

Alfred宣布即將海外宣傳新歌。

Alfred笑言自己與Fans沒距離，仲話自己不時「周圍去」，希望與大家貼近：「希望用自己嘅影響力比其他人聽到，所以好多時作品源自Fans嘅DM，成為創作嘅養份。而出碟係因為自己『老餅』、『老派』，想要有實物喺手，我都當唱片係自己嘅卡片，不過張卡片嘅製作費好貴，只要有人買同想我簽名，所以都會製作。」佢就話同贊助品牌熟絡，碰巧對方電車有空檔，Alfred即時借用舉行互動簽名會，仲話有機會巡唱，叫歌迷跟住一齊出Trip。

Alfred笑言自己與Fans沒距離。

雖然實體碟製作費好貴，但Alfred指只要有人買同要他簽名，他都會製作。