林家謙的詳細訪問內容，將於3月14日中午12時30分新城廣播知訊台《勁爆樂勢力》節目內播出，敬請期待！
歌手林家謙日前接受新城廣播「知訊台」黎莉主持的《勁爆樂勢力》節目錄音訪問，宣傳由他一手包辦「曲詞編監」的新歌《無答案》。
林家謙接受黎莉主持的《勁爆樂勢力》訪問。
林家謙在節目表示早在去年前已開始寫《無答案》這首歌，比《萬一你是個好人》更早，而靈感就來自創作《小林不動產》時，想承接「夜晚躺平時另一種的空虛」，因為當人無法入眠時，總會反覆地想很多的「如果」，當「心有很多個如果」，又找不到「答案」？無答案或許就是答案。
林家謙透露早在去年前已開始寫《無答案》。
觀看相關影片按連結：https://youtu.be/4VO_ZJ3H8E8?si=7b5XiLJYW6TQDLfT
林家謙自言年輕時我們很愛問「點解」？他說：「我們可能會經常問自己『點解會咁㗎』、『點解有啲唔開心發生喺我身上』、『點解個社會會咁對我』等等，但人應該開始要學懂一些《無答案》的人生旅程，有些事情當知道答案後，可能更傷心、更殘酷，到不如讓它留白、無答案、無完結。」而歌曲最尾加入風鈴聲更是林家謙的神來之筆，他解釋風鈴聲主要是加強孤寂感。
林家謙自言年輕時我們很愛問「點解」，但人應該開始要學懂一些《無答案》的人生旅程。
林家謙解釋歌曲最尾的風鈴聲主要是加強孤寂感。
林家謙為這次演唱會相當用心！
林家謙成功解鎖倫敦O2， 10月22日在O2 舉行了「L*underground」演唱會，限定只開一場，移民英國的黃偉文、好友Serrini，以及他的家人及移民海外的親友家人均有前去棒場。
林家謙成就解鎖倫敦O2， 10月22日在O2 舉行了「L*underground」演唱會，限定只開一場
首次登錄倫敦，演唱會由頭到尾觀眾反應熱烈，令林家謙非常感動，網上視頻中看到他唱到《想創》時，有點咽哽，是次為倫敦的觀眾，他特別唱了《One Way》及因演出當日時近重陽節，他又揀了《重陽》一曲，讓黃偉文也感動不矣。Wyman看騷後網上貼合照，寫道， 「無人知道雙子座 難道喜歡處女座， 在O2空中的這一秒，其實係有史以來第一張合照....」又指7月時收到家謙邀請睇騷，當知道是重陽前一日，即問家謙：「咁你會唔會唱……」當時家謙指要同導演研究，結果這晚家謙真的唱了《重陽》，令他十分感動，因為這是他自己的私房歌，有特別感情，所以特別想作曲的「生父(林家謙)」唱一次，為他圓夢。
演唱會由頭到尾觀眾反應熱烈
他又揀了《重陽》一曲
他唱到《想創》時，有點咽哽
是次為倫敦的觀眾，他特別唱了《One Way》
演唱會上，林家謙為倫敦場特別揀選了寫給艾粒的《One Way》，台上他坦言這首歌是特別留給倫敦站的觀眾，「呢首歌入面係好多好有勇氣冇買到回程機票嘅你哋，所以我之前澳門死都唔肯唱，唱咗就冇咗作用。」令觀眾非常開心及感動。更有不少觀眾網上留言聽到落淚。
林家謙相當用心
他又解釋《One Way》的demo其實叫《Reunion》，「其實自細對移民冇咩特別感覺 ，因為我屋企過半嘅親戚，好早已去咗地球另一端生活，所以對我嚟講，佢好似住喺九龍同新界咁樣囉，所以我唔覺得係一件大嘅事。但大個之後，慢慢發覺大家因為某些原因，搬去新的環境生活，我都會有少少感觸，覺得好似明明喺度出世，點解要離開佢嘅土生之地、去同自己嘅親屬分離呢？後來發現其實都唔係乜嘢天大嘅事，就算去到邊度生活都好，我哋都好清楚自己嘅根其實喺邊度，所以我哋仍然有好多重聚機會。好多謝今次L*underground俾我一個re-u機會，同地球另一端好多親戚朋友重聚，無論漂流喺世界邊個角落、邊一個地市都好，我都希望大家可以喺你嗰一片天空下，繼續追尋你所嚮往嘅生活，繼續好好carry on。」全場即大力拍掌歎呼回應。
他又解釋《One Way》的demo其實叫《Reunion》
林家謙又向倫敦觀眾表示，決定開騷前其實心情好忐忑，「唔係講笑，我係掙扎咗好耐，猶豫咗好幾個月，因為開O2對我嚟講真係太遙不可及，自己有少少唔係太qualified，喺香港以外開一個大嘅場館，我覺得其實好難㗎，都淆底㗎，即係要掟壽包呀嘛，唔想.....但很感激大家不相信我和團隊的渺小，跨過萬里於O2一起築起我們的L*underground小國 ,今次呢架列車代表我哋生命嘅旅程，出世就由underground開始，慢慢去達到唔同嘅高度，慢慢開始遁地飛天咁流離喺呢個世界，經歷各式各樣嘅高低。我哋喺呢一刻，可能身處唔同地方，感覺未必好有衣歸，但我覺得呢個世界好似繽紛樂園，任你行，所以好好捉緊每一個留腳印嘅機會。安歌時，家謙唱了《邊一個發明了Encore》和《時光倒流一句話》，第二度安歌更清唱《壞與更壞》，送給倫敦站的觀眾。
觀眾好熱情
來到英國第一天，林家謙就已經周圍行，並非常搞鬼有趣於地鐵月台上先行預演了一小段歌舞, 演出當天，他又遇上隧道封閉，本來去 O2 場館，五分鐘的車程，變成一個鐘，於是貼地的他，馬上就決定改乘地鐵過去，並且係地鐵月台上錄影了一條通知觀眾今日觀眾交z通情況的影片，令歌迷大樂。
