許廷鏗捲入撞衫風波 代造型師同King道歉

許廷鏗又訓斥造型師要多聽廣東歌！

許廷鏗（Alfred)與C AllStar成員King 在林家謙不同場數的演唱會上撞衫事件，引發一場公關災難。Alfred的造型師寸爆回應：「Sorry，因為我對C AllStar完成無興趣，無聽佢哋嘅歌，更加唔會留意佢哋，亦都完全唔知佢哋係嘉賓，我依然覺得牙鏗（許廷鏗）着得好睇好多。」有網民批評該造型師的態度非常影響Alfred的形象。

許廷鏗代造型師同King講聲：「對唔住！」

許廷鏗、林奕匡齊為《新城台慶 FABULOUS 4 音樂會》演出。

Alfred昨晚（27日）在會展參與《新城台慶 FABULOUS 4 音樂會》演出，即場向King道歉，「係King着先，我要講聲唔好意思，（造型師那番說話引來網民反感？）始終要代佢講聲對唔住，因為佢係我嘅團隊，但就要鬧一鬧佢唔聽廣東歌，我要督促佢聽多啲，更唔係只聽我嘅歌，更要跟King 同C AllStar嘅Fans 講聲唔好意思。」

對於撞衫事件，許廷鏗嘅造型師回覆真係好寸。

完騷後，許廷鏗再喺社交網發文道歉。

許廷鏗親自向King謝罪，訓斥造型師要多聽廣東歌。

對於有網民指Alfred身形肥，着到好醫院病人的服裝，他說：「我唔覺得，疫情期間唔好攞呢啲嚟開玩笑。」他稱早已將身形放低，而穿着相同衣服的情況經常出現，所以他不會介意。至於服裝由誰決定？Alfred即避開話題，只表示今天所穿這套衫也不錯，但卻經常被朋友問為何着那麼多衫，他笑言：「因我鍾意有層次感，當然就要遮一啲唔想畀人見到嘅嘢，大家都有呢啲經驗。哈哈！」Alfred在台上表示，在這期間出了一些限制，不可以在場館有掛得高的顯示器，所以開騷真是一點也不容易，然而不受限制的就是廣東歌。

許廷鏗身形略胖，被網民嘲似着病人服。

前幾晚King已着同款衫現身林家謙演唱會。

許廷鏗表示當實體唱片是自己的卡片。

許廷鏗（Alfred）日前舉辦新歌試聽會及簽名會，由中午2點簽到晚上九時，Fans沿途各站上車見偶像，Alfred簽名都簽到手軟：「電車做新歌試聽會及簽名會，我之前好忍手唔幫Fans簽名，因為想等到今日先簽名，可以喺電車度同大家傾吓計，我同歌迷之間似朋友多啲，佢地已經唔會簽叫，所以呢日都會以親民為主。」

Alfred日前在電車舉辦新歌試聽會及簽名會。

Alfred新歌《多多指教》推出在即，亦宣布即將海外宣傳：「廣東話有時頗限制，但如果令其他地方了解多啲廣東話，呢個講法有啲偉大，但最想自己嘅音樂去到唔同嘅地方。」呢日雖然舉行「簽名會」，但中途發生「哈碌」情況：「我本來準備咗十幾枝簽名筆，不過呢一刻應該仲喺我張床度！簽名會唔記得帶筆真係癲咗線，好彩我有個美麗嘅Fans借咗枝筆比我，應該都頂到兩站嘅，不過都叫同事幫手去撲筆。」

Alfred宣布即將海外宣傳新歌。

Alfred笑言自己與Fans沒距離，仲話自己不時「周圍去」，希望與大家貼近：「希望用自己嘅影響力比其他人聽到，所以好多時作品源自Fans嘅DM，成為創作嘅養份。而出碟係因為自己『老餅』、『老派』，想要有實物喺手，我都當唱片係自己嘅卡片，不過張卡片嘅製作費好貴，只要有人買同想我簽名，所以都會製作。」佢就話同贊助品牌熟絡，碰巧對方電車有空檔，Alfred即時借用舉行互動簽名會，仲話有機會巡唱，叫歌迷跟住一齊出Trip。

Alfred笑言自己與Fans沒距離。

雖然實體碟製作費好貴，但Alfred指只要有人買同要他簽名，他都會製作。