醒獅腳軟蝦碌向後翻倒地 網民兜返：獅子向後仆今年賺到哭

因為連串蝦碌事件，新春醒獅活動格外受注目。繼紫色獅子跪低叩頭、紅色獅子採青失手，和橙色獅子扯甩假天花後，紅白相間獅子疑因腰腳乏力向後翻，這一瞓身支持也笑翻網民，指「墮馬就有啫，墮獅都有」，並想出相關吉祥語補鑊：「獅子向後翻，生意翻幾翻」、「獅子向後仆，今年賺到哭」等；而同伴醒獅在事發後的萌呆表現，更成為片尾彩蛋。

短片長約20秒，在財神帶領下，兩頭醒獅在鑼鼓聲中生猛跳躍係威係勢，但疊羅漢站起一刻，其中一頭卻疑腰馬無合一，失重心失手，人仰獅翻，滾地葫蘆般一度跌出鏡頭外。旁邊另一頭醒獅疑無察覺同伴出事，繼續落力完成表演，到得回頭過來時，隔著獅頭也見到師傅的驚訝神色。

醒獅腳軟瞓身支持，網民好意頭兜番：獅子向後仆 今年賺到哭。

這幕片尾彩蛋被網民熱烈談論，指「佢老友呆咗」、「個樣好無奈」、「另一隻獅子好有愛心，佢係有用同情眼神看望反轉咗嘅獅子」、「另外隻獅望返轉頭果下好搞笑」、「表情到位」、「個樣好搞笑」、「好得意」、「舞獅問號」、「獅頭問號」、「『舞獅問號』勁過晒d黑人問號呀！」。有網民更配上生動對白：「咦？隔離嗰個呢？」、「咦？？？隔離條友呢？？？」、「What！？？」。

短片長約20秒。網上截圖

醒獅變滾地葫蘆。網上截圖

快要倒地。網上截圖

疊羅漢站起一刻，其中一頭卻疑腰馬無合一，失重心失手。網上截圖

網民予以無限鼓勵

說回失手獅子的表演，網民大都予以無限鼓勵，指「我只會講下次努力，Good show，鼓勵總比負評好」、「而家我見人成功採到青，會比以前更大力拍手，因為要成功完成表演，不受傷都不是必然，要給他們讚美和肯定的掌聲」、「舞獅嘅都好辛苦嘅，失手都冇人想」、「所以要多練習及搵啱人去扮演，唔好上重下輕」、「間中失手，畀D鼓勵啦」、「每位武師人員都用了好多日子經過艱辛練習，為嘅就是要在喜慶日子給大眾歡樂，好值得所有人致敬。感謝每一位表演者，祝各位表演者兔年工作順利，萬事如意，身體健康」、「總體舞得不錯啊！或者多練習及配合會好啲！加油，不要氣餒！」。

另有眼利的網民指「呢道唔似係香港」、「似新加玻樟宜機場一號航樓」。由於網民認為出獅不利成為新常態，估計「今年屬獅犯太歲」，並建議當局「應該要將舞龍舞獅加入搶人才名單」，還提倡「下次獅採青，要用升降台，比交安全」，詳細建議：「強烈要求獅頭高於2米要帶安全帶，於每間店鋪上方加製穩固點（羊眼圈）給安裝帶穩扣，並請合資格人士進行檢查，以免發生工業意外」，和建議搭竹棚，更有人關心到師傅有否買勞保。

網民發現「佢老友呆咗」。網上截圖

網民發現「佢老友呆咗」。網上截圖​

帖文來源：HongKong CarCam

 

網友指現場「似新加坡樟宜機場一號航樓」。網上截圖

大埔老翁疑偷豬肉斷正，被店員攔截，他為求脫身即施展「碰瓷式」跌倒引公憤。有街坊認出是「慣犯」。

(FB影片截圖）

老翁偷豬肉，當場斷正

有網民於Facebook群組「大埔 TAI PO」上載影片，並表示「路過大埔墟佳寶門口豬肉檔，唔知發生咩事？有人話偷肉唔畀錢⋯」影片顯示，大埔墟佳寶門前有一名戴口罩及拉著手推車的老翁，疑似於豬肉檔偷肉後被發現，於是落荒而逃，一名年青及一名年長的店員即上前阻止。

(FB影片截圖）

店員以手推撞，老翁「碰瓷式」倒地

年長店員疑似正在報警，一邊打電話一邊攔著老翁。年青店員則用手推撞老翁，阻止其離開，老翁退後幾步又想逃離，年青店員再以手推撞，老翁即以「碰瓷式」姿勢慢慢倒地。老翁坐在地上作狀受傷，兩店員不知所措，路人疑勸不要硬碰「豬肉佬見佢跌坐，唔敢再接觸佢」，二人於是返回店內。老翁即乘機站起來，快步離開。

(FB影片截圖）

街坊認出是「慣犯」，但有網民批評店員出手不妥

影片曝光後，有街坊認出涉事老翁，指他是慣犯「又係呢個阿叔，之前佢早上六點喺佳寶旁邊偷香蕉」；有網民則批評店員出手推撞的行為「唔使郁手郁腳啊」、「唔使郁手郁腳啊。冇人有頭髮要做癩痢頭」、「咁多cctv報警啦，出手推人，阿叔一陣後腦落地死咗，坐監唔係阿叔」。

(FB影片截圖）

兩派網民意見分歧

有網民表示「唔係咩大件事，就原諒個阿伯啦。都咁老啦，當做下好心啦」，此留言一出，即引來其他網民反擊「發神經，老人家大哂？」、「咁你做吓好心好無，派啲物資比老人家啦...」、「香港地好多恃老賣老」、「個個唔洗返工去偷野就得啦」、「可以去乞，可以問人攞，但唔係去偷，如果好似你咁教下一代就死得」。

帖文來源：Facebook群組「大埔 TAI PO」