李凱賢最難忘拍《俏郎君》向姜皓文噴口水 周祉君羅浩銘大讚古天樂係好老闆

古天樂公司旗下藝人周祉君(Aaron)、羅浩銘(Ken)、李凱賢(Brian)有份演出ViuTV劇《極度俏郎君》，組合廿四味成員Brian最難忘向姜皓文(黑哥)噴口水；Ken唔使晒肌，但要對住黑哥流男兒淚；而Aaron就會有動作鏡頭，仲跟張慧儀有感情戲。

周祉君(左起)、羅浩銘、李凱賢有份拍ViuTV劇《極度俏郎君》。

周祉君(左起)、羅浩銘、李凱賢好合拍。

劇中Brian激動向黑哥大噴口水。

Aaron跟張慧儀有感情戲。

三人好珍惜跟黑哥的合作機會，亦開心從他身上獲益良多，Brian多年前跟黑哥曾合作電影《全力扣殺》，所以都有偈傾：「劇中我以為佢整跛咗我隻腳，有場戲講我搵佢報復，喺條街扯佢件衫大聲鬧佢，火遮眼噴到佢一面口水。呢場戲導演都話好自然流暢，口水花四濺可以接受到，但疫情下難免會令人有啲避忌，不過黑哥好專業，零投訴。」Ken取笑Brian：「你梗ok啦，人哋尷尬啫。」

周祉君(左起)、羅浩銘、李凱賢合作愉快。

周祉君喺新劇有發揮。

李凱賢係型男。

古天樂支持Brian多創作短片。

黑哥身上獲益良多

Ken飾演跟黑哥多年的好兄弟，接黑哥出獄時，要他激動流淚，要平日習武的Ken收起肌肉拍喊戲大感困難：「因為喊唔出，NG咗好多次，最後設法令到自己眼都乾埋流眼水，最慘之後要轉角度拍。我喺黑哥身上學會專業，佢可以Keep住情緒，下一秒就能爆喊，好犀利。」曾做過替身嘅Aaron，有場戲要喺貨車上用槍伏擊黑哥，可大展身手。另外，三人均大讚古天樂係一位好有誠意的好老闆，唔止經常為佢哋爭取工作機會，仲會鼓勵他們作多方面發展，如支持Ken做動作設計及電影策劃，甚至有好劇本可以掟出嚟研究，Aaron說：「古生想我哋有獨立性及自信，咁先有力量幫我哋推出去。」

羅浩銘收起肌肉拍喊戲大感困難。

Ken收起六塊腹肌，演男人感情戲更有難度。

操到一身腹肌嘅Ken都有做武指。

古天樂係大家公認嘅好老闆。

疫情高峯後，今年古仔舉行公司春茗，要求所有藝人都出席聯誼。

周祉君羅浩銘讚古仔係好老闆，李凱賢拍《俏郎君》向黑哥噴口水。

《東呃西騙》防騙貼士話你知：世上並沒有「咁大隻蛤乸隨街跳」。

HOY TV全新資訊性節目《東呃西騙》由歐陽偉豪（Ben Sir）及七仙羽師傅主持，聯同林希靈、林泳淘、黃愷怡及一眾演員，包括李文意、黃星叡、馮熙庭、梁寶怡、吳嘉禧、徐頴堃、林嘉宏、鍾曦南、譚偉權、黃僥霖、李賢、李煥林、何求、鍾建威、梁茵等以獨特角度拆解各式各樣的社會騙案。節目由即日起，逢星期一至五晚上8時30分於HOY TV 77台播映。

飾演騙徒的吳嘉禧向飾演苦主的周祉君聲稱中了獎，惟須親身到公司收聽講座才可領獎。

周祉君上到公司後，隨即被吳嘉禧疲勞轟炸購買價值十萬的旅遊會藉方可離開。

今晚（10月25日）播出第十三集【中獎騙案】。歐陽偉豪(Ben sir)與七師傅為大家拆解兩種騙徒常用的手法，如何令苦主中獎變中招。飾演騙徒的吳嘉禧向飾演苦主的周祉君聲稱中了獎，有免費酒店套票，惟須親身到公司收聽講座才可領獎。不虞有詐的周祉君上到公司後，隨即被騙徒疲勞轟炸購買價值十萬的旅遊會藉方可離開。為榨盡苦主金錢，騙徒再次聲稱有禮品送予苦主周祉君，並再邀約他到公司兼再次推銷旅遊會藉，飾演財務部職員的騙徒徐浩昌(肥腸)更指可幫周祉君做借貸，可幸周祉君堅持離開騙徒才無從入手，但自此卻不停被騙徒的電話滋擾，嚴重影響生活。

吳嘉禧為榨盡苦主金錢，再次聲稱有禮品送予周祉君，邀約他到公司兼再次推銷旅遊會藉。

飾演財務部職員的騙徒肥腸更指可幫周祉君做借貸。

在另一個【中獎騙案】中，飾演騙徒的徐浩昌(肥腸)及周祉君偽造了假中獎彩票，向飾演苦主的譚天寶指彩票中了二獎，獎金多達50萬，但因自己是旅客需趕飛機而不能及時領取款項，難得與苦主有緣，便提出將偽造出來假中獎彩票用1萬元賣予苦主譚天寶。正所謂「博一博 單車都變摩托」，想以1萬元博取50萬獎金的譚天寶將錢交予騙徒後，到投注中心領錢時才知墮入騙局，惟騙徒已逃之夭夭。

肥腸及周祉君偽造了假中獎彩票。

根據資料顯示，於2022年，有事主收到抽中120萬大獎的電郵，其後被騙徒要求先付律師費及稅款，最後共損失約82萬。

將偽造出來假中獎彩票用1萬元賣予苦主譚天寶。

譚天寶將錢交予騙徒後，到投注中心領錢時才知墮入騙局。