蔚雨芯與兩大型男合作各有尷尬位 感激李日朗拍床戲前教就位減低緊張感

由王偉仁（Simon）監製、譚翠珊編審的《靈戲逼人》，逢周一至五晚8 點半翡翠台播映，主要演員包括張振朗、龔嘉欣、劉穎鏇、阮浩棕、吳子冲、蔚雨芯、李成昌、江欣燕、謝雪心、阮嘉敏及魯振順等。《靈戲》連續兩晚劇情都集中突顯李日朗飾演Eric的渣男面，之前公開指責Ivan（張振朗飾）抄歌的Eric，原來自己才是抄歌之人；Eric有次趁Karen（蔚雨芯飾）與Ivan吵架喝醉之際與女方發生關係，並因而偷聽到Ivan新作並動了盜用念頭…11日Eric欲趁Karen與Ivan冷戰再度乘虛而入，除當著Ivan臉捉Karen手仔，更連環出言挑釁：「你諗住打我？你繼續吖！兩邊臉可以揀喎」，句句有骨之餘亦面目可憎。

Rainky同李日朗有唔少對手戲。

李日朗演渣男獲讚入型入格。

難忘與張振朗Kiss戲勁多「觀眾」

蔚雨芯（Rainky）飾演的Karen出場後一直是焦點，Rainky受訪時指是次角色有突破，並笑言最不習慣是「耍肉麻」：「今次終於可以拍好sweet嘅場口，但我平時拍拖唔會講啲咁肉麻嘅嘢，因為我骨子裏係男仔頭；但原來做骨痺情侶都幾好玩，喺現場有忍唔住爆笑。」Rainky指與「女鬼」龔嘉欣有不少對手戲，由於要配合後期製作，拍攝時需花時間等埋位，但看到成果後感到很值得：「尤其嘉欣企車頂嗰幕，真係估唔到可以咁拍，我覺得好得意，好多謝Simon畀我試今次個角色。」並大讚嘉欣「話喊就喊」：「佢啲眼淚一嚟就好似鑽石係咁跌落嚟。」

Rainky搞笑自封同張振朗係「骨痺CP」。

佢話拍攝現場有張振朗喺度，大家絕對開心又放心。

Rainky大讚龔嘉欣話喊就喊。

雖然Rainky生日當晚要開通宵，但有咁多好友一齊慶祝，相信佢好開心。

蔚雨芯靚相系列（照片由蔚雨芯提供）

談到與張振朗有Kiss戲，Rainky笑指很尷尬：「因為我少接觸呢類戲，拍時搞到我面都紅埋，因為現場有好多人望住我kiss。振朗好好，喺現場會take care好多嘢，有佢喺度會淡定啲，真係『阿朗喺大廳，咩都唔使驚』。」至於與李日朗的床上戲，Rainky坦言更是緊張：「一來係床戲、二來又要驚走光各樣，阿Don好好，佢有教我點就位會冇咁尷尬。」 

Rainky話感激李日朗拍床戲前有教佢點就位，幫佢減輕緊張感。

Rainky話最緊張自己演出自唔自然，同埋佢笑指自己現實中絕不會借酒澆愁。

談到劇中與振朗有唔少kiss場口，Rainky笑指拍時「紅都面晒」，因為好多人望住。

Eric當住Ivan面錫佢女朋友Karen隻手，認真過份。

Rainky大讚的龔嘉欣飛上車頂坐順風車回家一幕網民亦甚為受落，大讚有新意；雖然該幕配以詹天文（Windy飾）主唱的插曲《白金升降機》感覺輕鬆愉快，但實質拍攝相當大陣仗，由嘉欣疾走街頭追車、到跳上車頂、到愉快夜遊再到平安返家、短短2分鐘戲拍了足足兩晚通宵，嘉欣受訪時透露單是街頭喪跑已跑足四小時，並謂由跳上車頂一刻開始，整個場口劇組都要求吊威也確保安全，嘉欣說：「監製同導演有幫我安排替身，因為佢哋話跳上車嗰吓太危險；其他大部分都係我自己企喺車頂度拍，劇組話呢幕要實拍係想出嚟效果逼真同好睇。」嘉欣又指由於行車穩定性影響演員及替身安全，故連揸車的司機也由特技指導擔任，嘉欣續指：「其實嗰兩晚通宵，好多時間都用咗嚟Set位同搞威也，仲出動埋航拍希望拍多啲靚景畀觀眾睇，劇組製作好用心。」嘉欣笑言自己也是首次以如此特別方式看夜景，感覺特別自由愉快涼爽，並笑言很難忘：「知道有呢場戲時，開頭係興奮嘅，但係到拍攝時都真係有啲驚，因為始終架車係喺行駛途中，轉彎時都驚會跌，要紮馬。拍嗰時係夏天，真係好熱，喺車頂上邊好涼爽，可以乘機抖涼。」

大家睇到嘉欣喺唔同拍攝角度不停係咁跑，仲要街頭跑到街尾，就知佢跑得有幾咁辛苦啦。

大家睇到嘉欣喺唔同拍攝角度不停係咁跑，仲要街頭跑到街尾，就知佢跑得有幾咁辛苦啦。

為咗安全起見，呢幕戲有啲鏡頭係由替身頂上。

不過嘉欣有唔少鏡頭都親身上陣，佢話劇組安排晒Wire好安全。

不過嘉欣有唔少鏡頭都親身上陣，佢話劇組安排晒Wire好安全。

咁樣睇夜景法，嘉欣都係第一次。

拍攝現場花絮照。

嘉欣嘅替身離遠睇真係同嘉欣幾似。

「林雪兒」慘死下線惹「民」憤，姚子羚爆遭「意難平」網民留言「詐型」

由騰訊視頻和TVB聯合製作，王娟、鍾澍佳擔任總監製、方浤酌擔任監製的警匪劇《大棧即食蟲草燕窩特約：反黑英雄》，本週一至五晚8點半翡翠台播映結局周，主要演員包括陳山聰、張振朗、袁偉豪、張頴康、朱晨麗、姚子羚、傅嘉莉、黃子恆、林景程、何沛珈等。24日播出的第23集，女主角林雪兒（姚子羚飾）竟慘死在大奸角陳祖耀（袁偉豪飾）手上 ！劇情講述林雪兒殺了「太子」（謝可逸飾）後遭「太子」父親「金爺」（李家鼎飾）追殺，為爭取時間逃亡，林雪兒向金爺開出十億港元「換命條件」…經過一輪追逐，心知大限已到的雪兒，向初戀情人徐國賢（張振朗飾）道出殺死「太子」真相其實是為了保護對方，就在徐國賢自責難過的一刻，林雪兒選擇「告別」，最終於停機坪遭突然殺出的陳祖耀活活勒死！

林雪兒畀金爺叮到實一實。

原本佢諗到「移形換影」大法甩身。

但都係畀金爺悉穿咗，搞到畀人追殺。BTW，子羚開槍好型。

好彩阿賢喺最危急時趕到。

呢個動作型！

張振朗姚子羚獲封「白月光CP」。

張振朗姚子羚獲封「白月光CP」。

子羚呢幕被勒死戲做得相當逼真。

呢個情景加埋啲林雪兒徐國賢回憶Flashback，真係好淒美。

姚子羚同袁偉豪第一次正式合作，就係畀對方殺死。

對於女主角「逆光環」下線，不少網民大感難過兼難以置信，責怪編劇「殺死」林雪兒的同時，又直指振朗與子羚這對「白月光CP」既浪漫又虐心，是令人「一看就上癮」的CP配：「最愛他們這一對，眼裏好有愛，都很深情」、「他倆很般配，完全不夠看」；據知，林雪兒雖然已死，但餘下兩集還會曝光更多關於雪兒和徐國賢的虐心浪漫位，有搶先看過大結局的網民留言直指：「最後三集很好哭」，絕對值得期待。對於與振朗CP配成功入屋，姚子羚受訪時笑言多謝觀眾支持：「啲網民都戥我哋緊張，特別係已經睇埋結局嘅內地網民，佢哋都仲有留言畀我哋話『意難平』，話好唔相信個結局係咁。子羚續指今次是首次真正跟振朗合作演感情戲：「我哋本身都熟嘅，所以演起嚟都有默契。」又甜笑著大讚振朗眼神確實深情：「有唔少人讚佢Bling Bling眼。」談到昨晚被振朗拖著逃亡的場口拍得十分唯美，子羚透露劇組拍時落足功夫、心機及時間：「我記得導演拍嗰時想唯美同淒美啲，所以佢哋都花咗唔少時間去拍啲Shot，仲擺咗一條好長嘅車軌去褦住我哋拍，我好少見有咁長車軌，就係為咗追住個日落。佢哋有拍手又有拍剪影，我覺得都係呢啲咁唯美嘅鏡頭，令到呢對CP嘅感情線更加豐富。」至於與振朗型到爆裂的「一跪一企」開槍畫面，子羚笑言有「諗過度過」：「我有思考要型啲定係生疏啲，因為林雪兒人設上冇殺過人，除咗太子，又唔係好識打，但為咗配合番型到咁嘅振朗，我都決定咗要型番少少，好開心網民都好滿意個效果，林雪兒終於有個型啲嘅Shot。」

呢段咁唯美浪漫嘅逃亡戲，係台前幕後花咗好多心思拍。

影手係佢哋嘅重點。

呢幕強忍傷痛同強裝歡顏嘅道別戲好正！徐國賢亦終於向林雪兒坦白咗臥底嘅身份。

除了振朗，子羚與袁偉豪Ben原來亦是首度正式合作，子羚更笑言與Ben劇中唯一一場對手戲就是遭對方勒死，並大讚Ben很照顧對手：「拍呢場戲前有同武術組溝通，佢哋話會用鋼絲勒死我，但就做足安全措施喺鋼絲度套咗條膠管，等我唔會𠝹親，阿Ben好錫我，因為場戲講我被勒到要瞓落佢度，我哋試位時阿Ben有用隻腳頂住我，等我唔會跌低。到正式拍時，我都有叫Ben放心畀力，等我可以演得真實啲。因為勒頸個反應其實幾難演，因為要有嗰種窒息感覺先至真，武指有畀貼士我話拍時可以閉一陣氣，令自己缺氧，當你缺氧暈暈地時就係嗰種感覺，咁先有啲生理反應配合到，所以拍嗰陣我都有忍住呼吸。」

姚子羚同袁偉豪第一次正式合作，就係畀對方殺死。

昨晚另一焦點，是當雪兒與徐國賢進行移形換影計劃蒙騙金爺時，在劇中飾演雪兒「背替」的曹銦玲，除了因為其背影與子羚真的有八成相似外，曹銦玲於22集閃現時，亦早已吸引不少網民關注大讚靚女。翻查資料，透過第31屆藝員訓練班加入娛樂圈的曹銦玲，除了是兒童節目《Hands Up》主持、並在節目中飾演「蚌蚌公主」，也曾出演處境劇《愛·回家之開心速遞》「綠茶婊」小瑤一角。被指樣子酷似年輕版前「電波少女」梁雪湄的曹銦玲，以可愛路線及甜美笑容見稱，加上樣子清純、身材姣好及GFable，難怪贏得不少網民歡心。銦玲受訪時，笑言為子羚擔任「背替」絕對是機緣巧合：「嗰場原本唔係我做替身，但因為原本個替身髮色同子羚唔一樣，佢哋覺得唔似，咁啱我頭髮顏色同子羚接近啲，所以先轉咗我做替身，都係嗰日臨時發生嘅。」對於首度與「電眼張振朗」有對手戲，銦玲坦言很開心，原因是能近距離目睹對方拍攝埋身打戲：「佢同武指傾咗兩、三吓點樣去，就可以即刻做到成個效果出嚟。」

姚子羚同袁偉豪第一次正式合作，就係畀對方殺死。

曹銦玲IG靚相。

曹銦玲有演出過《愛‧回家》。

仲係《Hands Up》女主持之一。

佢之前讀藝訓班時，袁偉豪係導師之一。

曹銦玲細細已經好靚女，仲有啲似唐寧添。