劍擊港隊「大師兄」張小倫首個網上清談節目 《大師兄Friend嚟喇》不經不覺就做了八集，第八集亦係最後一集，導演為大師兄制造驚喜，欺騙他這集嘉賓除了 18項香港紀錄保持者，香港女子游泳選手兼藝人歐鎧淳外，另一位是蝦頭（楊詩敏）。於是大師兄刻意為蝦頭煮了蝦頭湯，還放埋蝦頭係湯入面，讓蝦頭有驚喜，但結果來的是Stephy（鄧麗欣），大師兄由細到大傾慕的女神，驚訝之外更是手騰腳震，但聊天到最後，他再也忍不住衝動，向Stephy 示愛，坦言細個曾經幻想過，如果第日大個Stephy 仲係單身，好想追佢。
張小倫首個網上清談節目 《大師兄Friend嚟喇》第八集，邀請Stephy（鄧麗欣）同歐鎧淳做嘉賓。
大師兄一直視Stephy為女神 ！
大師兄當日進錄影棚，見到坐著的兩位女嘉賓當中，其中一個竟然係Stephy ，隨即驚訝大叫：「嘩！嘩！嘩！點解 ....係佢…我上次出席一個活動，本來話可以見到佢，最後冇，幾失望。嘩，今日見到...面都紅埋....」Stephy 笑道，「我係蝦頭喎，哈哈哈....你諗住問我咩問題....」大師兄隨即口啞啞，笑住話，「哎哋！佢地呃住我，我連問題呀乜都未有，我都覺得有古怪㗎啦 .......」
點擊看圖輯
張小倫首個網上清談節目 《大師兄Friend嚟喇》第八集，邀請Stephy（鄧麗欣）同歐鎧淳做嘉賓。
張小倫坦言細個曾經幻想過，如果第日大個Stephy 仲係單身，好想追佢。
仲當眾向Stephy示愛！
張小倫化身廚神主持！
對著兩個靚女，大師兄埋位真正開工面對鏡頭，都有返專業態度，不過唔知係咪對住心目中女神，比平日多咗少少拘謹，「佢地話有個嘉賓食素同白肉、所以我整咗波菜千層面，同煲咗個海鮮湯...」飲湯時Stephy大讚，「嘩，好飲喎！」令大師兄十分開心，到節目差不多尾聲，他再也按不住興奮的小fans情緒，向著鏡頭坦白說，「節目組問過我，鐘意訪問咩女藝人，我話我中學時真係好鐘意佢，（望向Stephy）我仲話，我好想追佢呀，假如佢依家仲單身嘅話。」Stephy就笑道，「我都話，最唔想就係啲人見到我，同我講細細個就鐘意我囉.....哈哈... 」大師兄，「真係好多謝你肯上我個節目，傾完計，好舒服，好開心，你哋唔明㗎啦，哈哈！」
張小倫坦言細個曾經幻想過，如果第日大個Stephy 仲係單身，好想追佢。
兩個靚女嘉賓。
節目過後， 大師兄仍留在與女神相見的興奮中，他直言今天真的很開心，從小到大喜歡一個人，真的沒想到會見到，問到他是否覺得相逢恨晚了？因為雖然Stephy 仍是單身，他卻已經為人夫。大師兄笑道，「想追Stephy 只係小時侯年少無知夢想啦，哈哈哈......。依家當然就係唔敢亦唔會，我都好愛老婆。老婆係我成長之後的女神嘛。」
究竟節目之中 大師兄仲同歐鎧淳，Stephy傾咗咩，今個星期四（7月20日）ChillGOOD節目《大師兄Friend嚟喇》會出Season 1 最後一集。
天后鄭秀文（Sammi）為鼓勵新晉歌手，身體力行，分享自己紅館「You & Mi 鄭秀文世界巡迴演唱會2023」（Rescheduled ）舞台，讓更多人認識他們。
日前在第五場（7月17日）演唱會，Sammi邀請「第42屆香港電影金像獎」「最佳原唱歌曲」得獎電影《填詞L》主題曲《填詞魂》作曲兼主唱者謝雅兒擔任表演嘉賓。當晚視后佘詩曼、陳健安與唱片監製賴映彤、電影《填詞L》導演兼《填詞魂》作詞人黃綺琳、何嘉莉Lillian、陳嘉寶Anjaylia、蔡皓然Scott、洪瑞珙、DJ主持森美、吳嘉熙Cheronna與賴慰玲和KOL薑檸樂等捧場。
陳嘉寶、吳嘉熙、賴慰玲
佘詩曼
Sammi身穿Monica Ivena香檳色水晶高級訂製晚裝亮相介紹謝雅兒出場，雅兒說：「阿媽，我得咗啦！」全場歡呼。Sammi攬住她說：「嘩，你緊張到成個人震晒，起晒雞！唔使驚，大家都會支持你，每個人都有做過新人嘅階段，每個人都需賈被肯定、被認可，今晚舞台就同你分享，希望你盡情展現自己。」即使Sammi的長裙不便走動，但她仍不理儀態一手抽起裙擺，一手拖住雅兒走勻舞台合唱《默契》。
Sammi身穿Monica Ivena香檳色水晶高級訂製晚裝亮相.
Sammi攬住謝雅兒。
Sammi拖住雅兒走勻舞台合唱《默契》。
之後雅兒激動感謝Sammi提攜，並說：「我細個屋企比較窮，只收藏一隻唱片，就係Sammi嘅《終身美麗》。我媽媽依家應該喊晒！」Sammi開心表示：「你咁有taste，所以今晚得到呢個機會。今年金像獎頒獎禮見到你攞獎我好感動，諗返我自己喺金像獎呢個旅途上都掙扎咗好多年，見到你攞獎嘅激動、真情流露，唱歌時嘅真摯，深深打動我！我哋都係追夢、都係夢想成真嘅人，所以唔好放棄！」雅兒獨唱《填詞魂》時，觀眾大叫「加油」，場面感人。
雅兒感激Sammi提攜。
Sammi開心表示今年金像獎頒獎禮見到雅兒攞獎她亦好感動。
雅兒獨唱《填詞魂》時獲觀眾大叫「加油」。
至於昨晚（7月19日）Sammi第六場演唱會，好友梁詠琪GiGi、電影美術指導兼導演文念中、馮允謙、雲浩影、譚旻萱Mandy、劉沛蘅Hillary、林熙彤Hazel、許恩怡Natalie和ANSONBEAN等捧場。其中Sammi回顧過去十次提名而落選金像獎最佳女主角獎的電影歌曲和感言時，觀眾席上GiGi感動落淚。
梁詠琪
馮允謙、梁詠琪
馮允謙
劉沛蘅、譚旻萱、許恩怡、林熙彤
ANSONBEAN
Sammi昨晚又換新裝，她穿著Robert Wun Couture特別訂造的紫色長裙，介紹表演嘉賓鄧麗欣（Stephy）出場合唱《親密關係》，唱畢Sammi笑指Stephy新封號，「你依家叫『蜜桃臀』喎，咁勁嘅，係咪執過嚟？（我要學你嘛！）我邊有？我巨臂、我大隻之嘛！（我練錯咗地方）」兩人大笑。她們雖然工作上幾乎沒有交流，但私下卻經常IG私訊分享飲食喜好。
Sammi穿著Robert Wun Couture特別訂造的紫色長裙登場。
與嘉賓鄧麗欣合唱《親密關係》。
Sammi與Stephy雖然工作上幾乎沒有交流，但私下卻經常IG私訊分享飲食喜好。
Sammi拿出禮物盒，「平時係嘉賓送禮物畀我，但我今日有嘢送畀你。你同我一樣好鍾意食啲又脆又乾嘅嘢，又唔鍾意飲水，濕嘅嘢、有汁嘅嘢我唔鍾意食。」 原來是一串Sammi親手製作的水泡餅頸鏈，還即場替Stephy戴上，「係咪好有心思？我親手揀、親手串，搞成晚架啦！」Stepy好欣賞，「中間有窿嗰啲特別好食架！」Sammi鼓勵她：「聽講你復出唱返歌，大家畀多啲掌聲！」然後Stephy演唱《不要離我太遠》。
Sammi送Stephy親手製作的水泡餅頸鏈。
還親手替Stephy戴上。
Sammi亦鼓勵Stephy復出唱歌。
完騷後，Sammi走出紅館與歌迷打招呼，還替他們帶來的新唱片《SOUND OF MI》簽名，然後來回跑向逾百歌迷講晚安，場面熱鬧。
Sammi完Show後更走出紅館與歌迷打招呼。
