（Stephy）近排忙於住拍新戲。她為自己打氣，於IG貼出邊欣賞日出美景邊吃杯麵的照片，曝光了她家外面一望無際的無敵海景。
Stephy最近忙拍戲，成日通頂
又做到日出
Stephy先貼出「咸蛋黃」道：「最近都會是日入而作，日出而息，收工雖然攰，但係見到咁靚嘅太陽，彷彿同我說加油！驟然都精神番少少 #和太陽伯伯講晚安」之後又晒早餐，寫道：「收工太肚餓，唯有望住個日出，食埋個烏冬先沖涼瞓覺啦。」Stephy從寓所窗外影出去海景超廣闊超美，不少網民猜她所住的豪宅應該價值不菲，又笑指出她近年工作不斷，應是圈中小富婆。
咁就食埋早餐先沖涼瞓覺，望住靚景個人都鬆啲~
屋企露台看出去個景真係無敵！
舊愛「王子」都來過打卡
室內都好是正同闊落
成廿人開Party都無問題！
Stephy所住的豪宅其實是位於大埔比華利山的4,000呎獨立屋，多年前以6萬租住至今，有指她一直與媽咪同住。她曾於2009年以港幣700萬購入香港仔南灣御園一個高層單位，用來放租。除了有物業揸手收租，又有過百萬保時捷跑車代步，相信她身家至少達半億。
天后鄭秀文（Sammi）為鼓勵新晉歌手，身體力行，分享自己紅館「You & Mi 鄭秀文世界巡迴演唱會2023」（Rescheduled ）舞台，讓更多人認識他們。
日前在第五場（7月17日）演唱會，Sammi邀請「第42屆香港電影金像獎」「最佳原唱歌曲」得獎電影《填詞L》主題曲《填詞魂》作曲兼主唱者謝雅兒擔任表演嘉賓。當晚視后佘詩曼、陳健安與唱片監製賴映彤、電影《填詞L》導演兼《填詞魂》作詞人黃綺琳、何嘉莉Lillian、陳嘉寶Anjaylia、蔡皓然Scott、洪瑞珙、DJ主持森美、吳嘉熙Cheronna與賴慰玲和KOL薑檸樂等捧場。
陳嘉寶、吳嘉熙、賴慰玲
佘詩曼
Sammi身穿Monica Ivena香檳色水晶高級訂製晚裝亮相介紹謝雅兒出場，雅兒說：「阿媽，我得咗啦！」全場歡呼。Sammi攬住她說：「嘩，你緊張到成個人震晒，起晒雞！唔使驚，大家都會支持你，每個人都有做過新人嘅階段，每個人都需賈被肯定、被認可，今晚舞台就同你分享，希望你盡情展現自己。」即使Sammi的長裙不便走動，但她仍不理儀態一手抽起裙擺，一手拖住雅兒走勻舞台合唱《默契》。
Sammi身穿Monica Ivena香檳色水晶高級訂製晚裝亮相.
Sammi攬住謝雅兒。
Sammi拖住雅兒走勻舞台合唱《默契》。
之後雅兒激動感謝Sammi提攜，並說：「我細個屋企比較窮，只收藏一隻唱片，就係Sammi嘅《終身美麗》。我媽媽依家應該喊晒！」Sammi開心表示：「你咁有taste，所以今晚得到呢個機會。今年金像獎頒獎禮見到你攞獎我好感動，諗返我自己喺金像獎呢個旅途上都掙扎咗好多年，見到你攞獎嘅激動、真情流露，唱歌時嘅真摯，深深打動我！我哋都係追夢、都係夢想成真嘅人，所以唔好放棄！」雅兒獨唱《填詞魂》時，觀眾大叫「加油」，場面感人。
雅兒感激Sammi提攜。
Sammi開心表示今年金像獎頒獎禮見到雅兒攞獎她亦好感動。
雅兒獨唱《填詞魂》時獲觀眾大叫「加油」。
至於昨晚（7月19日）Sammi第六場演唱會，好友梁詠琪GiGi、電影美術指導兼導演文念中、馮允謙、雲浩影、譚旻萱Mandy、劉沛蘅Hillary、林熙彤Hazel、許恩怡Natalie和ANSONBEAN等捧場。其中Sammi回顧過去十次提名而落選金像獎最佳女主角獎的電影歌曲和感言時，觀眾席上GiGi感動落淚。
梁詠琪
馮允謙、梁詠琪
馮允謙
劉沛蘅、譚旻萱、許恩怡、林熙彤
ANSONBEAN
Sammi昨晚又換新裝，她穿著Robert Wun Couture特別訂造的紫色長裙，介紹表演嘉賓鄧麗欣（Stephy）出場合唱《親密關係》，唱畢Sammi笑指Stephy新封號，「你依家叫『蜜桃臀』喎，咁勁嘅，係咪執過嚟？（我要學你嘛！）我邊有？我巨臂、我大隻之嘛！（我練錯咗地方）」兩人大笑。她們雖然工作上幾乎沒有交流，但私下卻經常IG私訊分享飲食喜好。
Sammi穿著Robert Wun Couture特別訂造的紫色長裙登場。
與嘉賓鄧麗欣合唱《親密關係》。
Sammi與Stephy雖然工作上幾乎沒有交流，但私下卻經常IG私訊分享飲食喜好。
Sammi拿出禮物盒，「平時係嘉賓送禮物畀我，但我今日有嘢送畀你。你同我一樣好鍾意食啲又脆又乾嘅嘢，又唔鍾意飲水，濕嘅嘢、有汁嘅嘢我唔鍾意食。」 原來是一串Sammi親手製作的水泡餅頸鏈，還即場替Stephy戴上，「係咪好有心思？我親手揀、親手串，搞成晚架啦！」Stepy好欣賞，「中間有窿嗰啲特別好食架！」Sammi鼓勵她：「聽講你復出唱返歌，大家畀多啲掌聲！」然後Stephy演唱《不要離我太遠》。
Sammi送Stephy親手製作的水泡餅頸鏈。
還親手替Stephy戴上。
Sammi亦鼓勵Stephy復出唱歌。
完騷後，Sammi走出紅館與歌迷打招呼，還替他們帶來的新唱片《SOUND OF MI》簽名，然後來回跑向逾百歌迷講晚安，場面熱鬧。
Sammi完Show後更走出紅館與歌迷打招呼。
