何廣沛與蔡思貝同期出道,相隔多年首度合作拍攝TVB新劇《你好,我的大夫》,兩人在劇中同樣飾演中醫師。
由方駿釗監製、黎倩儀編審的《農本方25周年呈獻:你好,我的大夫》,將接棒《破毒強人》由9月11日起逢周一至五晚8點半翡翠台播映,主要演員包括蔡思貝、何廣沛、陳嘉慧、吳偉豪、游嘉欣、孔德賢和許俊豪等。
點擊看圖輯
《你好,我的大夫》由9月11日起,逢周一至五晚8點半播映。
一班演員事前獲劇組安排學習中醫知識。(無綫娛樂新聞台圖片)
一班演員事前獲劇組安排學習中醫知識。(無綫娛樂新聞台圖片)
《你好,我的大夫》由9月11日起,逢周一至五晚8點半播映。
思貝同廣沛差唔多同期出道,但今次係兩人首度合作。
思貝同廣沛劇中關係複雜,最終能否開花結果?
《你好,我的大夫》以中醫為題材,故事圍繞程嘉應(蔡思貝飾)和辜清勁(何廣沛飾)這對青梅竹馬發生,兩人本來是情侶兼同屆中醫系畢業生,後來清勁選擇繼續進修而與嘉應分手。十年過去,嘉應已在公營中醫診所晉升為中醫服務主任,身為中醫博士的清勁卻只能應徵當進修中醫師,更會成嘉應的下屬。雖然嘉應、清勁因自身理念在工作上產生磨擦,但兩人都抱着醫者仁心,希望用醫術幫助更多病人。後來兩人有感醫療制度對中醫有不少限制,最後聯同一班新晉醫師路遠志(吳偉豪飾)、袁絲絲(陳嘉慧飾)、唐韶光(游嘉欣飾)和彭晴望(孔德賢飾),一同創業打造心目中的中醫診所,踏上仁醫之路。
廣沛今次挑戰演中醫師,劇中有唔少推拿同針灸場口。
廣沛仲話畀蹺口對白考起。
思貝都係演中醫師,仲係一名女強人。
自針領悟針炙最佳力度
蔡思貝、何廣沛在劇中同樣飾演中醫師,由於在劇中有不少把脈、針灸、推拿等場口,兩人事前獲劇組安排學習中醫知識。在《跳躍生命線》和《白色強人》分別飾演過救護員和西醫的廣沛,受訪時坦言中醫師比較難演,他說:「角色嘅對白係非常難,有好多學術上嘅用詞、四字成語同埋藥材名,都真係幾蹺口巉手,所以背劇本要花好多功力。」提到難忘的場口,廣沛笑言:「第一次畀游嘉欣針灸,大家都好慌失失,游嘉欣仲針到唔見咗支針,情境都好搞笑!之後有一場戲係我幫思貝針,咁啱嗰場戲要喺個難啲嘅穴位到施針,搞到NG咗好多次,我都好唔好意思,因為拮咗佢好多次!」思貝則以「自針」來感受針灸感覺,她說:「拍攝前上咗兩、三堂學習針灸嘅手勢,之後我提議針落自己度感受吓係點,其實只要夠狠一吓針落去,唔好慢慢落針,個痛感只係好似畀人細細力咁搣。」
一班演員事前獲劇組安排學習中醫知識。(無綫娛樂新聞台圖片)
一班演員事前獲劇組安排學習中醫知識。(無綫娛樂新聞台圖片)
兩位主角蔡思貝、何廣沛雖然差不多同期出道,但兩人今次是首次合作,廣沛大讚思貝是好拍檔:「同佢合作係非常之好,大家嘅狀態都好Good,佢係一個好有想法嘅演員,同埋情感都好豐富,今次我哋演嘅角色唔係普通嘅情侶,關係比較複雜,好彩有思貝做我拍檔。」思貝亦指廣沛是好對手,她說:「佢好Nice,會Take Care身邊所有對手,佢會令你覺得同佢拍嘢好舒服,緊張感好快就冇咗。」
思貝同廣沛劇中有唔少針鋒相對場口。
仲有唔少爆喊場口。
仲有唔少爆喊場口。
每日Make Sure頭髮長度有否連戲
在劇中飾演女強人的思貝今次一改以往短髮型格造型,以中長髮仙氣Look大晒女人味,令人耳目一新。思貝還自揭「長髮的秘密」:「開呢套劇時仲未能夠完全用自己嘅真頭髮,所以後尾要用髮片駁長啲頭髮,但呢個係好頭痕嘅事,因為要每日都Make Sure個長度係咪連戲。短頭髮我都唔係唔鍾意,因為容易畀人認得,我都好鍾意百變嘅感覺。」
思貝今次以中長髮造型示人,仙氣飄飄。
《玩轉深中懶人包》本周「好玩隊」的何廣沛、陳曉華和關楓馨,與「夠嘆隊」的張彥博、何沛珈和林正峰,將為Big Boss薛家燕安排精彩行程,製定出獨一無二的「玩轉深中懶人包」。
今(6月27日)、明(6月28日)晚播出的兩集,一眾主持繼續玩轉茂名,還走訪陽江吃盡各種地道美食,誓要讓家燕姐體驗皇后式享受。茂名向來出名盛產海鮮,電白區的博賀港更是廣東三大海港之一,「好玩隊」第一站帶家燕姐到三角墟魚市場,買有名的馬鮫魚丸做手信,陳曉華識趣地爭住埋單博取歡心!
第一站到三角墟魚市場,買馬鮫魚丸做手信。
第一站到三角墟魚市場,買馬鮫魚丸做手信。
第一站到三角墟魚市場,買馬鮫魚丸做手信。
帶頭搵食的「夠嘆隊」帶大家品嚐酒店級傳統茂名海鮮餐,張彥博親自手打電城墨魚餅給家燕姐歎,獲讚夠晒爽口彈牙。食飽後到有「茂名版馬爾代夫」之稱的露天礦生態公園野餐,林正峰和張彥博兩位男丁踩四輪觀光車載家燕姐欣賞美景,「好心湖」青藍相間,賞心悅目;晚上一行人到夜市為家燕姐尋找各省美味小吃,夜市營業時間由晚上七點至凌晨三點,絕對越夜越精彩!
張彥博親自手打電城墨魚餅畀家燕姐歎。
張彥博親自手打電城墨魚餅畀家燕姐歎。
露天礦生態公園有「茂名版馬爾代夫」之稱,「好心湖」一邊藍一邊綠,好靚呀!
露天礦生態公園有「茂名版馬爾代夫」之稱,「好心湖」一邊藍一邊綠,好靚呀!
主持們到夜市為家燕姐尋找各省美味小吃,邊款啱家燕姐心水呢?
中途加入的阮浩棕和徐榮分別頂上何廣沛和林正峰為「好玩隊」和「夠嘆隊」搶分,一眾主持轉戰陽江繼續吃喝玩樂,代表「夠嘆隊」的徐榮介紹陽江農家菜時,竟大膽向家燕姐力推「一夜情(埕)」,嚇得家燕姐耍手擰頭:「我唔會一夜情架!」張彥博續解釋其實是陽江特產,紅衫魚放埕內用鹽醃一晚,故被稱為「一夜埕」。
徐榮、阮浩棕中途加入分別為「夠嘆隊」同「好玩隊」幫手搶分。
前往陽江必經嘅服務區,除咗有大量海產手信任君選擇,仲有直送海鮮餐廳,啱晒海鮮控!
前往陽江必經嘅服務區,除咗有大量海產手信任君選擇,仲有直送海鮮餐廳,啱晒海鮮控!
前往陽江必經嘅服務區,除咗有大量海產手信任君選擇,仲有直送海鮮餐廳,啱晒海鮮控!
徐榮力推「一夜情(埕)」,嚇親家燕姐!
及後「夠嘆隊」再帶大家歎陽春著名的春砂仁宴,春砂仁是養胃中藥材,據說清朝皇帝乾隆愛妃茶飯不思久久未癒,服過春砂仁後精神飽滿,容光煥發,春砂仁宴既美味又有養顏功效,難怪家燕姐吃得如此開心!
一行人大歎春砂仁宴。
春砂仁有養胃同美顏功效。
內地不少人愛自駕遊穿州過省,前往陽江必經的服務區成為網紅打卡熱點,除了有大量海產手信任君選擇,直送海鮮餐廳更提供本地海鮮即揀即煮服務,鮮味無窮。飲飽食醉後,「好玩隊」帶家燕姐回酒店麻雀耍樂,大殺四方;「夠嘆隊」則在酒吧享受手工啤酒放題,每位只需19.9元人民幣便能喝到醉,抵玩過香港happy hour!
酒店手工啤酒放題,每位20蚊人仔都唔使!
仲有得麻雀耍樂。
一眾主持喺溫泉度假酒店玩得好開心!
一眾主持喺溫泉度假酒店玩得好開心!
一眾主持喺溫泉度假酒店玩得好開心!
一眾主持喺溫泉度假酒店玩得好開心!
一眾主持喺溫泉度假酒店玩得好開心!
一眾主持喺溫泉度假酒店玩得好開心!
之後一行人到中國十大靚島之一的海陵島享受陽光與海灘,何沛珈、陳曉華和關楓馨趁機在懸崖泳池曬日光浴,三位美女穿上泳裝大晒fit爆身材,靚人靚景,超寫意;晚上在珍珠白沙灘邊聽海浪邊食燒烤,張彥博與阮浩棕更鬥快飲啤酒,到底誰是飲得之人呢?
一眾主持喺海陵島瘋狂打卡。
一眾主持喺海陵島瘋狂打卡。
一眾主持喺海陵島瘋狂打卡。
一眾主持喺海陵島瘋狂打卡。
陳曉華
陳曉華
何沛珈、關楓馨
何沛珈、關楓馨
當然唔少得呢個懸崖泳池!
當然唔少得呢個懸崖泳池!
當然唔少得呢個懸崖泳池!
珍珠白沙灘一邊燒烤一邊吹海風,chill到呢~
張彥博同阮浩棕鬥快飲啤酒!
本周輪到「夠嘆隊」出動皇牌旅遊達人陳燕萍助陣,陳燕萍今次帶大家參觀豆豉廠,了解生產豆豉過程,還大歎豆豉宴,當中的豆豉包更吃得家燕姐興奮開金口,將經典歌曲《叉燒包》改歌詞,看來這款美食相當有驚喜!
陳燕萍帶大家參觀豆豉廠,同品嚐豆豉宴。
陳燕萍帶大家參觀豆豉廠,同品嚐豆豉宴。
陳燕萍帶大家參觀豆豉廠,同品嚐豆豉宴。
薛家燕