李克勤將於今年9月尾在澳門倫敦人舉行「我們的交響樂」演唱會,日前就特別抽時間到澳門拍攝演唱會影片,入住酒店時驚喜收到碧咸留下來給他的禮物!
繼不久之前於香港跟香港交響樂團合作之後,李克勤宣布將於今年9月29日至10月2日在澳門倫敦人綜藝館舉行「我們的交響樂」演唱會!據知克勤今次將會弦續流行曲加古典結合,把音樂盛宴的天花板帶進澳門,跟澳門交響樂團合作,於倫敦人跟觀眾見面。這次團隊預備為大家打造一個精緻細膩天花板式音樂盛宴,近百人制作團隊,精挑細選紅館騷的精華,重新編排經典歌單,於倫敦人的超高級典雅場地,讓觀眾如致身歌劇院一般的視聽享受。
![李克勤將於今年9月29日至10月2日在澳門倫敦人綜藝館舉行「我們的交響樂」演唱會!](https://image.bastillepost.com/847x/wp-content/uploads/hongkong/2023/09/20230911_EN_李克勤11_source-licensed_.jpg.webp)
李克勤將於今年9月29日至10月2日在澳門倫敦人綜藝館舉行「我們的交響樂」演唱會!
今次去倫敦人演出,克勤話張海報大會做到真係好似去倫敦咁,佢post左出來之後,唔少朋友,fans 都一眼望落去以為佢去英國倫敦開騷,「有朋友重打來訂飛,叫我幫佢買。有歌迷就DM我問去咁遠,有冇近少少呀,拿唔到假飛英國...好搞笑。係呀,倫敦.....人開騷!咁近大家都過來一齊玩啦。」
![克勤話大會將張海報做到真係好似去倫敦咁,令部份朋友同歌迷都以為佢真係要去英國開騷。](https://image.bastillepost.com/900x/wp-content/uploads/hongkong/2023/09/20230911_EN_李克勤08_source-licensed_.jpg.webp)
克勤話大會將張海報做到真係好似去倫敦咁,令部份朋友同歌迷都以為佢真係要去英國開騷。
倫敦人綜藝館據知音響設施一流,可以媲美歌劇院,李克勤表示:「我未去過呀,能夠每晚在頂級場地與樂迷分享自己的音樂,都好興奮,期待今次同澳門交響樂團於倫敦人綜藝館合作演繹音樂作品,成個騷rundown會特別為倫敦人綜藝館全新度身打造,全同香港編排有唔同,等大家有新鮮感。」
![克勤透露成個騷嘅rundown係特別為倫敦人綜藝館全新度身打造。](https://image.bastillepost.com/900x/wp-content/uploads/hongkong/2023/09/20230911_EN_李克勤09_source-licensed_.jpg.webp)
克勤透露成個騷嘅rundown係特別為倫敦人綜藝館全新度身打造。
克勤父母是澳門人,所以從小到大暑假都跟父母回澳門探望祖父母,由於之前紅館《弦續演唱會》,他跟樂手拍攝的影片,現場十分受歡迎,所以他今次就特別抽時間回澳門為了澳門演唱會的內容拍再攝影片,期間先到即將入住倫敦人的房間參觀,驚訝發現,酒店為他細心準備了碧咸留下來給他的禮物, 七號親筆簽名球衣,又收到一封碧咸的歡迎信,讓他十分驚訝,「話晒自己係曼聯迷,冇諗過會有咁驚喜禮物俾我,都幾開心呀。」問到克勤碧咸封信寫咩?」他笑謂過來澳門睇演唱會咪知囉。
![克勤入住倫敦人時獲酒店為他細心準備了碧咸留下來給他的禮物。](https://image.bastillepost.com/916x/wp-content/uploads/hongkong/2023/09/20230911_EN_李克勤06_source-licensed_.jpg.webp)
克勤入住倫敦人時獲酒店為他細心準備了碧咸留下來給他的禮物。
![有七號親筆簽名球衣。](https://image.bastillepost.com/1200x/wp-content/uploads/hongkong/2023/09/20230911_EN_李克勤07_source-licensed_.jpg.webp)
有七號親筆簽名球衣。
![同埋一封碧咸的歡迎信。](https://image.bastillepost.com/1200x/wp-content/uploads/hongkong/2023/09/20230911_EN_李克勤05_source-licensed_.jpg.webp)
同埋一封碧咸的歡迎信。
當日克勤還去了小時侯外公外婆住的地方「岡頂」,又去了最喜愛的手信店買手信回家,並且食了雙皮奶,一度引起手信街非常哄動,門口企滿圍觀睇明星的人,「真係冇諗過咁擰轉頭咁多部手機對住自己,嚇一嚇,哈哈。依家手機年代,都要習慣啦,咪笑住對住d手機揮下手囉。可能澳門人同遊客少見我,興奮左少少......」
![克勤去了小時侯外公外婆住的地方「岡頂」。](https://image.bastillepost.com/900x/wp-content/uploads/hongkong/2023/09/20230911_EN_李克勤10_source-licensed_.jpg.webp)
克勤去了小時侯外公外婆住的地方「岡頂」。
![又去了最喜愛的手信店買手信。](https://image.bastillepost.com/1200x/wp-content/uploads/hongkong/2023/09/20230911_EN_李克勤01_source-licensed_.jpg.webp)
又去了最喜愛的手信店買手信。
![門口企滿圍觀睇明星嘅人!](https://image.bastillepost.com/1200x/wp-content/uploads/hongkong/2023/09/20230911_EN_李克勤02_source-licensed_.jpg.webp)
門口企滿圍觀睇明星嘅人!
至於食雙皮奶,克勤表示是一個兒時回憶,「我次次返來澳門都食,因為我阿公係做租麻雀給鄰居打牌這個生意的,每次麻雀收回來就要抹乾淨再用,我抹好他就會帶我去食雙皮奶獎勵我。所以我好細個就已經學識打牌,重係高手,次次都贏,因為我好認真,我記得晒所有牌,你出過咩都打過咩都逃不過我大腦。但我做唔到賭神,因為我只係有耐性打四圈,多過四圈我就覺得好悶,我都係鐘意圓形野多過四方長方,去踢波開心D。」