黃翠如透露《膽粗粗.HERE WE GO》共分兩次拍攝,完成一半後先返港,讓自己停一停後再出發。
黃翠如主持的J2王牌節目《膽粗粗.HERE WE GO》本周來到結局篇,自播出以來口碑及收視俱佳,令初次擔任監製的翠如放下心頭大石。她接受訪問時講到自己「膽粗粗」去風險指數極高的地方拍攝,老公蕭正楠同屋企人都非常支持,她說︰「雖然大家都會擔心,但佢哋知道我係好有分寸嘅人,大膽得嚟怕死,會保護自己。」
![黃翠如透露自己「膽粗粗」去風險指數極高的地方拍攝,老公蕭正楠同屋企人都非常支持。](https://image.bastillepost.com/1200x/wp-content/uploads/hongkong/2023/09/20230919_EN_膽粗粗HEREWEGO01_source-licensed_.jpg.webp)
黃翠如透露自己「膽粗粗」去風險指數極高的地方拍攝,老公蕭正楠同屋企人都非常支持。
翠如透露《膽粗粗.HERE WE GO》共分兩次拍攝,完成一半後返港,讓自己停一停後再出發。她自爆是因為試過拍旅遊節目,有過情緒問題,她平靜的說︰「嗰次去太多國家同太耐,見到好多生存抉擇、冇得選擇嘅將來同迷惘,返到香港好多嘢消化唔到,情緒唔係咁好,嗰時有一段時間完全無做嘢匿係屋企。」自此她拍同類節目會放慢步伐,等自己有思考的空間。她表示寫旅遊日記是「幫助消化」的好習慣,就如同自己傾偈一樣。
![黃翠如透露《膽粗粗》分兩次拍攝,中途回港充電。](https://image.bastillepost.com/1200x/wp-content/uploads/hongkong/2023/09/20230919_EN_膽粗粗HEREWEGO02_source-licensed_.jpg.webp)
黃翠如透露《膽粗粗》分兩次拍攝,中途回港充電。
講到旅遊節目使命,翠如認為吃喝玩樂以外,帶訊息給觀眾,打破他們對某些地方先入為主的觀念亦很重要,但前題是注意安全。好似今趟到訪謀殺率極高的厄瓜多爾時,她便特別叮囑「5點後唔好出街」。而9月19日晚一集,翠如同「旅遊節目實習生」彭家賢(Zayden)來到節目最後一站「戰爭之地」- 科索沃,當地以阿爾巴利亞人為主,其次為塞爾維亞人。
![導遊帶黃翠如試戴阿爾巴尼亞人服飾。](https://image.bastillepost.com/1200x/wp-content/uploads/hongkong/2023/09/20230919_EN_膽粗粗HEREWEGO04_source-licensed_.jpg.webp)
導遊帶黃翠如試戴阿爾巴尼亞人服飾。
他們一抵埗就面臨拍攝以來最大考驗,翠如無奈的表示「第一件不幸事件係『斷網』,好唔容易買到張上網咭,係好平130蚊港紙20GB,係咪覺得好抵?但個20GB好難用得晒,因為大部份時間係無網絡,只係間唔中send到message。」翠如在節目中為想食土耳其雪糕,竟然犧牲Zayden給雪糕叔叔玩,到底點玩法?留意今晚節目便有分曉。今集翠如還會同Zayden共享「午餐肉」味塞爾維亞漢堡包、睇全世界最醜圖書館、又會分享地產消息,當地買一間500呎屋,40多萬港元便可,相當吸引。
![科索沃一張上網咭難求,而且經常上不到網。](https://image.bastillepost.com/1200x/wp-content/uploads/hongkong/2023/09/20230919_EN_膽粗粗HEREWEGO03_source-licensed_.jpg.webp)
科索沃一張上網咭難求,而且經常上不到網。
![黃翠如挑戰塞爾維亞漢堡包。](https://image.bastillepost.com/1200x/wp-content/uploads/hongkong/2023/09/20230919_EN_膽粗粗HEREWEGO11_source-licensed_.jpg.webp)
黃翠如挑戰塞爾維亞漢堡包。
![黃翠如一個包兩份食,Zayden話食落有「午餐肉」味。](https://image.bastillepost.com/1200x/wp-content/uploads/hongkong/2023/09/20230919_EN_膽粗粗HEREWEGO13_source-licensed_.jpg.webp)
黃翠如一個包兩份食,Zayden話食落有「午餐肉」味。
![黃翠如想食土耳其雪糕.](https://image.bastillepost.com/1200x/wp-content/uploads/hongkong/2023/09/20230919_EN_膽粗粗HEREWEGO14_source-licensed_.jpg.webp)
黃翠如想食土耳其雪糕.
![惟有犧牲Zayden上陣被玩。](https://image.bastillepost.com/1200x/wp-content/uploads/hongkong/2023/09/20230919_EN_膽粗粗HEREWEGO16_source-licensed_.jpg.webp)
惟有犧牲Zayden上陣被玩。
![Zayden成功為黃翠如爭取到雪糕。](https://image.bastillepost.com/1200x/wp-content/uploads/hongkong/2023/09/20230919_EN_膽粗粗HEREWEGO17_source-licensed_.jpg.webp)
Zayden成功為黃翠如爭取到雪糕。
![科索沃樓價極低。](https://image.bastillepost.com/1200x/wp-content/uploads/hongkong/2023/09/20230919_EN_膽粗粗HEREWEGO07_source-licensed_.jpg.webp)
科索沃樓價極低。
![一間500呎的樓只需40多萬港元。](https://image.bastillepost.com/1200x/wp-content/uploads/hongkong/2023/09/20230919_EN_膽粗粗HEREWEGO08_source-licensed_.jpg.webp)
一間500呎的樓只需40多萬港元。
![科索沃必到景點,被稱為最醜的圖書館。](https://image.bastillepost.com/1200x/wp-content/uploads/hongkong/2023/09/20230919_EN_膽粗粗HEREWEGO05_source-licensed_.jpg.webp)
科索沃必到景點,被稱為最醜的圖書館。