《你好，我的大夫》蔡思貝被困噩夢全因自責愧對亡父 麥寶一個動作足見對Ed師兄未忘情

由方駿釗（嘟嘟）監製、黎倩儀編審的《農本方25周年呈獻：你好，我的大夫》昨晚（13日）翡翠台播出大結局。昨晚兩大高潮位分別落在嘉應（蔡思貝飾）在清勁（何廣沛飾）幫助下解開多年心結，以及嘉應在法庭上為中醫發聲。

嘉應對於當年因瞧不起父親程醫師（陳嘉輝飾）選擇跟母親（黎燕珊飾）生活一直大感自責，久屈成病的她最終得了「睡美人症」，每逢重要時刻前夕便會被困噩夢無限Loop，最近一次病發更足足昏迷了兩日兩夜！昨晚嘉應被困噩夢時先後「假醒」三次，三次分別被困在洗手間、樓梯間及小巴上，去到第四次驚醒時才返回現實，並淚流披面向陪伴床側的清勁驚呼：「我唔知要去邊，但我有一個好重要嘅地方要去。」最終清勁發現一直困擾嘉應的心結、是其對亡父離世的自責，中醫成了嘉應與亡父的唯一連繫，所以嘉應才對中醫這個身份如此緊張。為幫嘉應走出心魔，清勁帶其返回亡父行山遇險地點，觸景傷情的嘉應即時淚崩、並將累積多年的鬱結一次過宣洩，場面感人。

第一次「假醒」，嘉應被困洗手間。

第二次「假醒」，嘉應先係發現部𨋢唔郁。

之後再重覆咁被困喺16樓梯間。

第三次「假醒」，嘉應先係喺街頭疾走狂奔。

上咗小巴之後，嘉應發現自己嚟嚟去去都被困喺同一條街，嚇到即刻嗌落車，但又不得要領。

思貝拍無限Loop場口搞到心跳加速？！
問到思貝劇中《降魔的》式的無限Loop場口有否特別意義，她說：「以我嘅理解，不停Loop嘅寓意係人生總有好多面對唔到嘅事情，呢啲事某程度上會以唔同嘅方式喺生命中不停出現，直到有一日你有勇氣去面對解決，先可以真正平靜落嚟好好生活。」思貝續指無限Loop場口不但代入了自己曾經歷的真實感覺、更拍至心跳加速：「我試過發夢有親人突然離開我，我好記得嗰種感覺係點，係真係會喊住咁驚醒，然後個心跳得好快好快。」

到第四次真係驚醒，大感驚惶失措嘅嘉應再次喊到淚流披面。

雖然喊到眼淚鼻涕，但思貝依然喊得不失美感，好嘢！

原來嘉應對於當年行山放咗爸爸飛機大感內疚。

佢覺得自己要為當年失足以致失救至死嘅亡父負責。

嘉應將屈喺心入面咁多年嘅鬱結，一次過喊晒出嚟，呢場戲又係演技考牌作。

另昨晚的法庭戲亦相當感人，過往醫療個案主角包括面癱小朋友芯芯（周珈慜飾）、關穎璇（關嘉敏飾）、一宇（姚宏遠飾）及太太阿Min（周麗欣飾）等現身旁聽為嘉應打，其中多年來備受不育問題困擾的一宇及阿Min更傳來懷孕喜訊，令人欣喜。應訊期間一直處於下風的嘉應，因中途被判成為研訊有利害關係一方，在出庭盤問證人期間反佔上風、直指證供漏洞之餘，並再度借機為中醫發聲：「死者接受完西醫治療後就出事，都唔關西醫事，咁點解中醫治療就關中醫事，咁樣唔係雙重標準咩？」、「我希望今日之後，中醫唔需要再以受質疑嘅身份企喺呢個庭度，我更加希望呢個社會可以對中醫多啲認識、少啲偏見，多啲了解、少啲誤解，等我哋中醫以後去行醫斷症嘅時候，唔使有任何顧慮，可以真真正正咁將病人嘅福祉擺喺第一位。」

結尾個案人物齊集：周麗欣、姚宏遠

關嘉敏、梁証嘉

芯芯（周珈慜飾）

嘉應最後親自出手盤問證人。

劇集多番為中醫權益發聲，獲網民大讚立意好。

接受盤問嘅分別係方醫生（甄采浠飾），網民對於方醫生落井下石都表現得咬牙切齒。

同埋死者病患家屬（林溥來飾）

另一亮點是之前與已故Ed師兄（孔德賢飾）發展了一段浪漫又短暫感情的麥寶（區明妙飾），雖然最終未有出席Ed師兄喪禮，但卻驚喜閃現大結局、以中醫義工身份為觀眾聲音導航中醫演變及歷史。值得留意的是，Ed師兄與麥寶拍拖期間，曾提及喜歡用相機拍下珍貴時刻，麥寶於結局篇拿著相機四處拍照，正巧妙地表達了她對Ed師兄的思念。另應勁CP最後一幕的日落接吻戲亦靚人靚景，獲網民大讚有CP感Sweet爆之餘，更有網民大嘆唔捨得大結局：「唔係為拍而拍，感情線交代得好好，中醫方面亦做足功課，劇情合理唔會拍到離晒地」、「近期好劇」。

區明妙閃現結局篇。

佢手持嘅相機，就係Ed師兄活喺佢心入面嘅證據。

關楓馨飾演嘅辛之桃終於可以喺路林醫館執業喇。

陳嘉慧及游嘉欣都係，呢一幕係代表住中醫嘅傳承。

游嘉欣

而清勁嘅婆婆，亦都順利完成咗小腸移植手術。

呢幕Ending真係又浪漫又唯美。

3男3女「奧運之星」起底！

「2024巴黎奧運」將於7月26日（本周五）香港時間深夜於法國巴黎盛大揭幕，無綫翡翠台為隆重其事，於26日當晚11點開始已如箭在弦，先播出巴黎奧運開幕禮熱身節目《全城起動迎奧運》，之後再於當晚深夜12時50分開始直播開幕盛典。為隆重其事，當晚主持及藝人陣容相當鼎盛（排名不分先後），除有林溥來Patrick Sir、朱凱婷、陳懿德、陸浩明、潘靜文、林正峰、6位奧運之星、鍾志光，專業評述朱詠康（劍擊）、蕭靜雯（羽毛球），另外還有周吉佩、羅啟豪、支嚳儀、顔志恒、陳菁葶、陳俞霏、林思彤（前名：林若盈）、顏米羔、何晉樂、文凱婷、黃洛妍、李茵彤，以及2024年度香港小姐15強佳麗等。賽事方面，無綫20＋組頻道，包括翡翠台（81台）、TVB Plus（82台）、無綫新聞台（83台）、明珠台（84台），myTV SUPER 17組頻道，及官方社交平台（3組）屆時亦會為觀眾進行鋪天蓋地直播、賽前分析、賽後精華及重點賽事採訪，務求第一手直擊全城期待的國家隊及港隊運動員奪金珍貴一刻。

庭鋒於宣傳片中大晒球技。

庭鋒於2022北京冬季奧運會擔任外景主持。

庭鋒亦有參與《明星運動會》。

孔德賢喺宣傳片大晒好腳法too！

庭鋒同Danny默契十足！

Danny除咗足球，亦熱愛打籃球。

佢之前去咗現場睇《賀歲盃2024》。

佢喺2021年嘅《明星運動會》成為「獎牌王」。

2004年雅典奧運會，無綫找來當年紅極一時的小生林峯、黃宗澤、馬國明、陳鍵鋒、吳卓羲及黎諾懿組成「奧運之星」擔任宣傳工作，六人為此難得合體又唱又跳，相關片段流傳至今、熱話不斷。相隔20年，無綫再度推出全新組合「奧運之星」，今次找來三位小生-前國際學校體育老師黃庭鋒（Telford）、主持界「巨胸飛毛腿」鄭衍峰（Leonard）、「體壇周身刀」孔德賢（Danny）及三位花旦-被譽為擁有「最強Body」的劉穎鏇（Tiffany）、「東張女神」何沛珈（Roxanne）、及因擅長潛水而有「美人魚」封號的何泳芍（Honey）擔任要務。

鄭衍峰喺宣傳片入面晒打籃球技術。

唔講唔知佢有咁強勁嘅胸肌！

鄭衍峰識玩好多運動，被工作人員稱為「上得山又下得海」。

Tiffany喺宣傳片展現籃球技同燦爛笑容。

佢之前拍劇都有飾演籃球員。

Tiffany擁「最強Body」美譽。

近年更晉身打女之列！

Honey喺宣傳片大晒好泳術。

仲要同方力申同框，好有Meaning呀！

仲要同方力申同框，好有Meaning呀！

Honey有「美人魚」美譽。

Honey精通多項水上及水中運動，仲係山系「港女野人」添！

「奧運之星」私下全是運動健將，當中有人玩運動玩到衝出亞洲、有人直逼中國「國家體育總局」二級運動員水平、有人是香港潛水教練協會成員，六人體育履歷均各有各矚目。六人化身「奧運之星」期間，兼任「特派專員」的鄭衍峰Leonard將飛往巴黎直擊盛事，其他五星則留港主力擔任主持及宣傳工作，為香港隊運動員打氣之餘，並落力推廣奧運熱潮。六人在無綫近日熱播的奧運宣傳片中，更夥拍兩位「奧運特派專員」方力申及黃翠如，展示游水、打籃球、踢足球及跑步等不同實力，當中Honey更是以泳衣裝束上陣，大晒健康性感。

Roxanne近年加入跑步系列。

Roxanne近年加入跑步系列。

佢身形同柔軟度都一流！

佢今年年初挑戰「渣打香港馬拉松」。

方力申同翠如BB係「奧運特派專員」。

方力申同翠如BB係「奧運特派專員」。

「奧運之星」體能值Profile：
1.黃庭鋒 Telford
黃庭鋒於英國寄宿學校唸高中期間，曾是學校足球隊唯一亞洲球員，並主力踢前鋒。Telford曾參與不少學界和區際足球賽，並在阿根廷、智利校際賽中獲得「最有價值球員獎」。Telford本來有機會前往阿士東維拉及狼隊青年軍當職業足球員，但因要應付考試及有感英國球壇競爭太大選擇放棄。不過Telford並未因而放棄「體育路」，他返回香港後曾當了兩年國際學校體育老師，其中Telford為新加坡國際學校擔任體育老師時，不但帶領該校足球隊首度踢入學界，更成功幫校隊贏得港西區學界冠軍殊榮，認真厲害！

Telford正式加入TVB後第一份工作，正是為2016年巴西里約奧運擔任主持工作，之後於2022年北京冬奧又獲派擔任外景主持；更奇妙的是，Telford於2008年為TVB擔任兼職期間，亦為當年的奧運盛事擔任資料搜集及譯名工作，與奧運可相當有緣之餘，亦顯示了Telford在主持體育節目及大型運動盛事方面的資深專業面。

黃庭鋒 Telford

2 鄭衍峰Leonard
驟眼看身型頗為瘦削的Leonard，私下不但是既能上山亦能下海的運動健將，包括擅長長跑、籃球及滑水等，而且更暗藏43吋驚人巨胸，兼是健身教練一名，認真估佢唔到。除了精通運動多多及身形低調地健碩，Leonard原來於加拿大讀書期間曾學過少許法文，雖然他謙稱自己的法文只是打招呼水平，但相信對今次飛赴巴黎直擊奧運亦應該頗有幫助，令人期待。問到為何獲「厚待」成唯一一位飛往巴黎的「奧運之星」，Leonard說：「可能因為上屆（2020年）東京奧運，到（2022年）北京冬季奧運會我都有參與，嗰兩次我都係擔任直播主持同大家喺電視機前面齊齊睇奧運，呢個準備同經驗變相令我有咗今次嘅機會。其實都幾開心，因為我當時做完東京奧運之後嘅目標，都係想真係做一次奧運當地嘅特派專員，因為呢個對於一個主持嚟講，絕對係難能可貴嘅殿堂級任務，好多謝公司畀呢個機會我。」

鄭衍峰 Leonard

3.孔德賢 Danny
孔德賢Danny本身是標準足球迷之餘，原來還是「體壇周身刀」。在無綫2021年舉行的大型運動節目《明星運動會》中，Danny積極參與了10項不同的比賽項目，包括：足球、籃球、排球、4X50游泳接力賽、跳遠、標槍、100米、400米、4X100接力及4X400接力賽，並為個人及所屬團隊贏得6金2銅佳績，同時成為該個節目奪得最多獎牌的運動員之餘，並從當時仍是TVB副總經理的曾志偉手上接過「最喜愛運動員」大獎。

孔德賢 Danny

4. 劉穎鏇 Tiffany
天生擁有驕人身高及逆天長腿的劉穎鏇Tiffany自幼已擅長打籃球，高中時期曾參與不少女子籃球賽，亦曾代表球隊前往加州比賽並獲得第二名。除了有運動細胞，及充滿陽光氣息的甜美笑容，Tiffany的敏捷度及身手亦相當不俗，加上擁有驚人的毅力及意志力、好學不倦、每一刻做做足準備，Tiffany短短數年已成功躋身「打女路線」，更因擁有超完美身形而獲「最強Body封號」。

劉穎鏇 Tiffany

5. 何沛珈 Roxanne
何沛珈在學期間曾參與體育舞蹈運動，並曾於第6屆香港校際體育舞蹈錦標賽的「中學女子組14至15歲倫巴舞新人賽」項目中，跟舞伴一起勇奪第3名。而向來喜愛不斷挑戰自己的Roxanne，今年年初轉戰「渣打香港馬拉松」挑戰10公里賽，並因淡妝仙氣滿瀉而成為焦點。與Tiffany一樣，Roxanne同樣具備大部分運動員特有的驚人意志力及毅力，除成功克服舊患腰部舊患苦練十公里跑及向半馬進發，為了做好「奧運之星」這份工作，Roxanne早前出發內蒙古為今屆港姐拍攝外景時，竟爭取於長達7小時的車程時間上努力溫習奧運資料，結果因暈車浪及水肚不服致嘔吐大作，認真陰公又專業！Roxanne又透露已向前輩鄭衍峰及陳庭欣請教，並謂會將北京奧運相關資料至少重溫一次，相當專業。

何沛珈 Roxanne

6.何泳芍 Honey
何泳芍Honey曾就讀賽馬會體藝中學，唸書期間經常在學界比賽贏得獎項，自小已深諳水性的她，現在更是香港潛水教練協會成員，近年更致力推廣潛水運動。除了是運動健將，Honey多年來亦致力為「健康膚色」發聲，更為改變外界對健康膚色女生的想法，才決意參加港姐，當時亦因其獨特的古銅色肌膚備受注目。就算是參與綜藝節目拍攝，Honey亦是「運動向」為主，除了有介紹潛水運動的《潛‧規則》，還有以行山等不同戶外活動為主、與廖慧儀、胡美貽及陳若思三位前港姐合作拍攝的真人Show《港女野人》，相關節目播出後叫好叫座，而緊接拍攝的第二季亦即將隆重推出。

何泳芍 Honey

「2024巴黎奧運」即將於7月26日至8月11日舉行，港隊共有13個運動項目參賽，獲得巴黎奧運入場券的港隊奧運代表共有35位，包括張家朗、何詩蓓、江旻憓、歐鎧淳、謝影雪等；而劍擊、游泳、乒乓球、羽毛球都是港隊的焦點獎牌希望。此次跆拳道更是港隊首次征奧項目，同樣值得關注。