張致恒一家疑似再陷財困 雯雯凌晨出PO求救：急需賺快錢救命！

張致恒太太雯雯凌晨突然在網上求救，希望找到能搵快錢的工，並表示：「急需賺快錢救命！」

張致恒（Steven）和太太區燕雯（雯雯）於2019年奉子成婚，而且四年抱四，但二人頻鬧婚變，雯雯多次在社交平台公開數臭Steven又呻窮，但每次都以雯雯大肚為句號，因而兩公婆被網民稱為「離婚界／生仔界KOL」，直到細仔天樂出世後，Steven扚起心肝做個好爸爸，還開設收費IG增加收入，但想不到雯雯今日（10月16日）凌晨突然在網上求救，希望找到能搵快錢的工。

兩公婆四年抱四。

今年中秋兼細仔滿月時，兩公婆各自出PO。

今年中秋兼細仔滿月時，兩公婆各自出PO。

雯雯在宣布懷第四胎前曾開設新IG帳號，並實施收費會員制，可惜又鬧出一連串風波，經營短短一個月便宣布取消。細仔天樂出世後，Steven終下定決心結紮，並全力照顧四名兒子，讓雯雯可以專心坐月休息。為維持一家六口的生計，Steven故技重施，學老婆開設新的收費IG帳號，月費承惠50港，主要分享四個小朋友的日常及煮食心得。

張致恒IG圖片

張致恒IG圖片

收費IG暫時有40人follow。

不過，收費IG似乎都幫唔到張氏一家，更疑似再陷財困，雯雯更突然在IG Story求救，「能夠最快賺到錢嘅工作，歡迎搵我」、「急需賺快錢救命！」之後再表示：「多謝大家，你哋鐘意講乜都好，最重要我照顧到屋企！」

雯雯IG圖片

雯雯IG圖片

雯雯IG圖片

張致恒有工返無錢收？

有「離婚界KOL」之稱的張致恒（Steven）和區燕雯（雯雯）婚後育有四名兒子，兩公婆經常在社交平公開家事，一家又長期經濟困難，但近期張致恒似乎終於生性，不時在IG分享打工生活，日前舉家為大仔張天寶慶祝5歲生日。不過，雯雯今日（4月16日）突然出PO，自爆屋企被cut電，直言：「完全已經唔係容忍嘅範圍之內！」

張致恒早前不時在IG分享打工生活，似乎終於決定腳踏實地。

一家人日前齊齊出動為大仔張天寶慶祝5歲生日。

張致恒寄語囝囝：「努力做人，讀唔到書唔緊要最緊要做一個開心嘅人，做個善良嘅人，千祈唔好好似daddy咁失敗，所有嘢都一事無成！」

雯雯在IG Story以黑底白字留言：「要發生嘅，終於都發生，你終於都令到屋仝發生俾（畀）人CUT電，完全已經唔係容忍嘅範圍之內！小朋友又冇得煮嘢食，又冇熱水沖奶，不停喊，請問你想我點？！」根據雯雯以往經常在IG公開鬧爆張致恒，估計今次文中的「你」亦是指張致恒，令人疑惑他們一家的經濟狀況，張致恒是否仍有打工？

雯雯又公開指責張致恒？

此外，雯雯今年2月突然自爆有一名兒子患自閉及過度活躍症，「坦白講照顧呢類小朋友， 無論係身心情緒都係好大嘅學習，我一個人真係冇能力，同一時間可以照顧到四個小朋友，應該話可以照顧到，但係會有一定嘅危險。」又稱兒子曾跌倒傷耳，「醫生同我哋講呢類小朋友，一年起碼會去幾次急症室要有心理準備，而家每一日面對佢嘅行為情緒都係一個好大嘅挑戰，同時因為屋企其他嘅小朋友仲好細，亦都會受到影響，我哋亦都要好努力學習點樣可以得到一個平衡」，更坦言壓力已接近爆煲，引來不少網民關心，直到張致恒早前在IG分享為大仔張天寶慶生的照片，並留言：「想當日仲趴喺我心口度瞓覺我喺度打機，而家百厭調皮直情係一隻馬騮」，惹來網民揣測患自閉及過度活躍症是大仔，事後他與雯雯今日分別在IG Story澄清，貼出同一張大仔的照片，並留言：「我想澄清番，天寶係冇自閉」。

雯雯曾發長文解釋兩公婆不能出外工作的原因，其中一個原因就是有一個囝囝確診自閉及過度活躍症。

澄清大仔沒有患自閉證。