Jer於MIRROR周年活動上透露榮升車主時為了父母，並否認戀上有男友的靚女插畫師Coey，直言：「緋聞就只係緋聞」。
為慶祝成軍五周年，人氣男團MIRROR今日（11月1日）在香港迪士尼樂園舉行包場活動，與鏡粉一同慶祝。以藍白色打扮為主12子在活動前見記者，眾人都表現興奮，花姐先提問：「MIRROR五周年開唔開心？」12 子即齊聲應：「開心！」之然花姐再祝MIRROR「五周年生日快樂」。
本網記者攝
本網記者攝
12子在活動中獲分配與粉絲一齊玩不同的機動遊戲，面對有可能被拍下「黑圖」，眾人都表示：「最緊要enjoy！」當中Anson Lo（盧瀚霆）會玩咖啡杯、Edan（呂爵安）會玩過山車「灰熊出谷」，而姜濤則會坐船玩「森林河流之旅」，但他竟然自爆擔心自己暈船浪，還表示已帶定暈浪丸！問到最期待的環節，12子一致表示是花車巡遊，因為不是人人都可以登上迪士尼的花車，AK（江𤒹生）更表示：「我哋會盡量用公主的狀態去呈現。」Lokman（楊樂文）聞言即割席：「你咋！」非常爆笑！
本網記者攝
本網記者攝
提到Jer（柳應廷）於周年活動前一晚在社交平台自爆買了人生第一架車保時捷，隊友隨即起閧大呼「有錢！」Jer聞言表示：「錢係心意來嘅」，隊友即再驚訝大呼：「嘩～」Jer就解釋：「因為搬咗屋同爸爸媽媽住，想可以車佢哋上上落落。」至於為何會選擇保時捷？Jer就笑言：「係個人口味嘅問題」。問到保時捷的價錢，Jer就透露是朋友放的二手車，前一晚已成功首次安全駕駛外出。Anson Lo聞言即問：「一炮過（付清）？」Jer笑笑口承應，「唔好講呢啲啦」，令Anson Lo震驚到「O晒嘴」。
Jer在社交平台自爆買了人生第一架車保時捷。
本網記者攝
本網記者攝
至於最近有傳Jer戀上有男友的靚女插畫師Coey，還疑似秘遊日本，Jer就表示：「緋聞就只係緋聞」。問到會否想拍拖？他表示順其自然，並笑指自己是事業型的男人，現階段事業為主。
本網記者攝
本網記者攝
此外，Edan被問到Fans Club（FC）突然宣布解散一事，他透露是公司出手幫忙處理換屆事宜，並提到FC存在起底、攻擊的現象，希望事情得到更好解決，而FC現階段處於「hold 住」的狀態，但長遠仍會交由FC成員自己獨立運作。
本網記者攝
本網記者攝
Sammi第10場演唱會的表演嘉賓是MIRROR成員柳應廷Jer。
天后鄭秀文（Sammi）昨晚（7月24日）在紅館舉行第10場「You & Mi 鄭秀文世界巡迴演唱會2023」（Rescheduled ），好友車婉婉與囝囝、Cookies成員吳雨霏Kary和區文詩Angela、岑寧兒YoYo、陳詠謙、歐陽靖MC Jin、天堂鳥的Gordon等捧場。表演嘉賓MIRROR的柳應廷Jer，他自製迷你盲盒扭蛋機給Sammi，透露原本想整巨型薯片包，卻被COLLAR截糊，非常搞笑。
Sammi紅館騷來到節10場了！
車婉婉與囝囝
吳雨霏Kary、區文詩Angela
歐陽靖MC Jin
岑寧兒YoYo
Sammi穿上Ralph Lauren牛仔晚裝配襯閃爆Swarovski珠寶，風騷在台上自轉，問觀眾：「今日我著咗牛仔裝，正唔正呀？轉個360度畀你睇吓，係咪好婀娜多姿呢？」觀眾大叫好索。「今晚呢位嘉賓，新與唔新之間，都算新，出道咗幾年，佢嘅唱功毋庸置疑，非常之好。幾位嘉賓不約而同都要同我合唱呢首歌，唔知點解呢？」然後音樂響起《不要驚動愛情》，全場大合唱，Jer升上舞台，他們擁抱後手拖合唱，跟四面台觀眾打招呼。
Sammi再次換新裝，穿上Ralph Lauren牛仔晚裝配襯閃爆Swarovski珠寶。
Jer升上舞台與Sammi合唱《不要驚動愛情》。
2019年MIRROR初出道時曾全隊擔任Sammi紅館「FOLLOW Mi演唱會」表演嘉賓，與Sammi演唱《默契》。昨晚Sammi與Jer合唱後對他說：「嘩，數數手指，上次同台已經係2019年，嗰次算係你哋第一次上紅館。」Jer說：「係呀，嗰次同今次感覺好唔同，上次12個人，成班傻更更，有班兄弟喺身邊陪住，今次得自己一個人特別緊張。今日綵排，同老師練咗好耐，和音同埋點樣分段唱好啲。」Sammi指他好緊張，叫觀眾給他掌聲鼓勵，「諗返自己以前去一個咁大舞台，都會好驚和腳震，但我覺得你今晚表現相當之好。」
Jer指今次只有自己一個人做嘉賓，所以特別緊張。
Jer準備了禮物給Sammi：「配合返你早前出新歌《盲盒》，特登整咗個『愉快盲盒扭蛋機』，裏面有啲關於我嘅小禮物，人型公仔啦，扭蛋裏面仲有啲神秘嘢，例如字條、祝福語、零食、糖果。（嘩，有零食我就夠）因為我知你鍾意食零食。（勁鍾意、超鍾意）其實我原本想整薯片包，畀COLLAR整咗呀！」他咬牙切齒，非常搞笑！
二人抱抱。
Jer又說：「我都好鍾意食零食，所以想將呢個小心意送畀你。仲有，時間關係，呢度已經有一隻扭蛋。」Sammi見他從褲袋拿出小扭蛋，笑說：「好似求婚咁，要送我首飾？嫁畀我啦！」Jer當然不敢，他掏出一個小公仔，Sammi說：「嘩，我老花喎，咁細。哦，公仔嚟嘅！」是Baby MIRROR的Jer公仔，Sammi笑說：「蝦我老花，好Cute，大過粒鼻屎！」全場爆笑。Jer拿出紙條說：「之前你喺一個po話過『食完有運動，無有怕，食飽先至係人生』。」Sammi將迷你Jer放入裙袋，然後落台。Jer台上獨唱由馮允謙JayFung作曲的新歌《約齊靈魂在墳墓前開生日派對》。
Jer之後獨唱新歌《約齊靈魂在墳墓前開生日派對》。
Jer之後獨唱新歌《約齊靈魂在墳墓前開生日派對》。
Encore時，Sammi穿著Tomas Chan的小背心牛仔褲配Tiffany & Co.珠寶型格登場唱新歌《盲盒》，期間不斷收禮物打亂了拍子，她立即要求重唱，自己encore自己。昨晚Fans送的禮物各色各樣，除了每晚都有的花束、薯片外，還有聖誕造型的咕𠱸，又有寫了「金像獎影后鄭秀文」的肩帶，Sammi立即戴上身，風騷轉圈讓觀眾欣賞。完騷後，Sammi孭住「薯片斜孭袋」到紅館外為Fans簽名和收禮物，幾百Fans企滿場外和火車站外，歡呼吶喊、吹哨子和唱歌，非常熱情。
Sammi在Encore時換上Tomas Chan的小背心牛仔褲配Tiffany & Co.珠寶型格登場。
並獻唱唱新歌《盲盒》。
完騷後，Sammi孭住「薯片斜孭袋」到紅館外為Fans簽名和收禮物。
幾百Fans企滿場外和火車站外等待Sammi，非常熱鬧！
