倪晨曦、練美娟、潘杰寧新鮮主持配搭大談女人車經!
ViuTV全新節目《生力啤酒 - 香港75週年呈獻:晚吹 - 一車女人》將會於11月20日(下星期一),逢星期一晚上11時30分播放。節目由倪晨曦(Elva)、練美娟(娟姐)和潘杰寧作主持,由截然不同的駕駛態度出發,以女性角度分享與車有關的秘聞趣事、黑歷史等,帶領觀眾走入女性的車世界。
![(左起)倪晨曦、潘杰寧和練美娟新鮮主持配搭大談女人車經。](https://image.bastillepost.com/1200x/wp-content/uploads/hongkong/2023/11/20231118_EN_倪晨曦練美娟潘杰寧1-e1700247012766.jpg.webp)
(左起)倪晨曦、潘杰寧和練美娟新鮮主持配搭大談女人車經。
![(左起)主持潘杰寧和練美娟](https://image.bastillepost.com/1200x/wp-content/uploads/hongkong/2023/11/20231118_EN_倪晨曦練美娟潘杰寧2-e1700247036946.jpg.webp)
(左起)主持潘杰寧和練美娟
![主持之一倪晨曦](https://image.bastillepost.com/1200x/wp-content/uploads/hongkong/2023/11/20231118_EN_倪晨曦練美娟潘杰寧3-e1700247061640.jpg.webp)
主持之一倪晨曦
下星期一晚《晚吹 - 一車女人》倪晨曦做司機帶囝囝們周圍去 潘杰寧笑言愛車如同第二個家播出的首集, 3位女主持分享各種對女司機的標籤和自身經驗。Elva笑言剛學駕車的時候,曾經試過太緊張而不小心踩錯油門:「因為老公係咁同我講嘢,令到我有少少燥底同慌張。跟著就唔小心一嘢踩咗落油門,但已經即刻踩返剎車。雖然老公係隔離講咗好多嘢,但都真係令到我小心咗好多。」她指以前在加拿大駕駛主要是為了方便自己,但現在是因為要做廿四孝媽媽,接送小朋友返學和出外遊玩。娟姐表示計劃考車的原因是希望可以帶愛犬烏冬外出。而潘杰寧指最近先重新開始再次駕駛,開玩笑指感覺好像多了一個家:「有時返到屋企,都仲會留係架車到。多咗一個私人空間,覺得好舒服。」
![倪晨曦笑言現在做司機帶囝囝們周圍去!](https://image.bastillepost.com/1200x/wp-content/uploads/hongkong/2023/11/20231118_EN_倪晨曦練美娟潘杰寧4-e1700247080498.jpg.webp)
倪晨曦笑言現在做司機帶囝囝們周圍去!
![潘杰寧笑言愛車如同第二個家。](https://image.bastillepost.com/1200x/wp-content/uploads/hongkong/2023/11/20231118_EN_倪晨曦練美娟潘杰寧5-e1700247095256.jpg.webp)
潘杰寧笑言愛車如同第二個家。
![練美娟想學車帶愛犬烏冬外出。](https://image.bastillepost.com/1200x/wp-content/uploads/hongkong/2023/11/20231118_EN_倪晨曦練美娟潘杰寧6-e1700247114578.jpg.webp)
練美娟想學車帶愛犬烏冬外出。