MC張天賦文化中心Busking萬人圍觀逼到爆 觀與甄子丹拍打戲拉傷大髀筋

MC張天賦回歸初心，昨晚在尖沙嘴文化中心舉行免費音樂會，吸引近萬人到場欣賞，核心內外圍都企爆晒，警方一度要增援開返條路！

MC張天賦昨晚（11月27日）重返尖沙嘴文化中心，未出道前經常Busking的地方為歌迷舉行一次免費的音樂會《This is MC - Live at Victoria Harbour》，趁12月1日生日前跟歌迷一聚，以免費報答歌迷這些年來對他的大力支持，引來近萬人圍觀，嫌猶如舉行了一個小型紅館演唱會咁多人，原定八點開唱，但由於前來觀看的人群仍絡繹不絕，一度被通知，人群引流截龍後才可以開唱，要他延到八點半才上台，最終八點二十分才批準MC上台跟觀眾見面。

MC張天賦昨晚在尖沙嘴文化中心的Busking，吸引了近萬人圍觀！

MC上台後，跟觀眾打招呼後亦不忙提醒觀眾，千萬要守秩序，因為戶外地方安全條例，萬一有少少混亂，都會被終止演出，歌迷亦十分之乖，最終MC演唱了9首歌，再encore兩首，共11首歌後完結演出，歌迷都依依不捨，要警方幫忙疏散人群後，MC才可離開演出場地。

重臨出道前經常Busking的地方，MC坦言既開心又感動，更跟大家分享，Busking都有階級觀念，「真係冇諗過咁多人，好開心，好多謝大家來捧場！你哋知唔知？Busking都有階級觀念，唔同位置有唔同level，當初我只係走廊附近唱，之後多人聽，就可以升呢去電話亭，之後再升呢就係碼頭再落少少個位，然後最後就係呢度啦！」觀眾報以歡呼及掌聲，「今朝我起身先發覺，自己個狀態唔知係咪冷親，喉嚨少少腫聲又萌，不過唔緊要，我都係會盡力去唱，Busking係咁㗎啦，哈哈。」

MC坦言既開心又感動，更跟大家分享Busking都有階級觀念。

近萬位粉絲逼爆海傍。

昨晚MC選唱了兩首英文歌，分別為《Nothing on you》及《Talking to the moon》，把口話自己冷親，但唱《Talking to the moon》卻發揮得淋漓盡致，唱畢後他語帶感動說，「都算還左自己一個心願啦。其實獎唔獎都真係唔緊要，最緊要係大家來睇我唱歌，鍾意我唱歌。」

音樂會完結前，工作人員抬出歌迷送的大生日蛋糕，讓MC非常意外及驚喜，「嘩！好靚呀，我都差啲唔記得咗啦。哈哈。」繼而他拿出手提電話，拍下全場歌迷唱生日歌給他的畫面做紀念。再encore《Good time 》及《老派約會之必要》以答謝大家的愛。

MC選唱了兩首英文歌，分別為《Nothing on you》及《Talking to the moon》。

再encore《Good time 》及《老派約會之必要》以答謝大家的愛。

演出後MC接受訪問表示非常之開心，能站回初心出發地唱歌給大家聽是自己一個願望，「有好多歌迷係busking睇到今日 ，見到佢哋都有來支持，我一直好想公開唱《Talking to the moon》，好想借一個舞台唱，嗰陣比賽期間想唱，但最終都係唱唔到，今次可以帶到呢個熟識地點唱，真係了咗個心願。(幾時再搞演唱會？)公司再安排啦。地點不是重點，喺海傍唱我都好開心，今次俾到信心公司，希望不久將來可以再搞！到時叫公司喺對面海大廈，打啲歌詞出嚟啦，哈哈...當提詞器，咁我就唔會再忘記歌詞。我係busking馬拉松之鬼來㗎，以前一出來唱就唱5、6個鐘，今日好小兒科唔夠喉啦，台上面都曾經感觸同感動，唱到某啲歌，例如《Talking to the moon》呀咁，回想返當初busking辛酸史，車費都搵唔夠就比人趕走呀咁，行到今日咁多人返來睇我唱歌，真係有個體會。我好希望香港可以好似台灣咁，有一些地方係有牌，可以俾busking的朋友，安心演出，咁對busking街頭文化先有幫助。」

MC接受訪問時表示能站回初心出發地唱歌給大家聽，是自己一個願望。

談到年尾樂壇頒獎禮，MC話，「我今晚已經係一個大獎啦！獎項我永遠都係平常心啦，觀眾肯聽我唱歌，識得同我一齊唱先係最好最大獎， 我知自己輸咗俾光B(尹光) ，我冇介意，話晒佢都係前輩，輸比佢都值得！ 男歌手三甲有冇信心？我對觀眾識我，識唱我啲歌有信心囉。哈哈。今年想歌迷All in 投邊首歌？我都冇主動拉票，觀眾自己心目中有選擇，唔駛刻意拉票去改變佢哋主意，我心目中邊首？《世一》啦咁，《 世一 》都贏取好多樂迷歡心， 好多人結婚用呢首歌。」

MC最近與甄子丹合作拍戲。

除了好多打鬥場面，拍打戲時重拉傷左大髀筋

談到今年生日如何渡過，MC謂約了媽咪食飯，又約了朋友一齊玩，年年也是差不多，至於生日願望，「今年再許快高長冇乜用啦，哈哈。反而我好想瘦啲，今次唔係吹水啦，因為最近有參予電影拍攝工作，當中好多打鬥場面，發覺自己郁得最勁係肚腩，咁都想自己以後線條靚啲，有一次拍打戲重拉傷左大肶筋，好痛呀真係，哈哈，今次同宇宙最強丹爺合作(甄子丹)，所以好多好勁動作戲，丹爺監製，佢好多動作有教我哋調整，我身手幾勁㗎，大家部戲出一定要去睇，都幾有型，所以希望再瘦啲，整個人視覺上、聽覺上都再好啲。」

MC同Chantel解構「哈囉吉蒂」詭異一句！

張天賦（MC）與姚焯菲（Chantel）首次合作的歌曲《誰能避開戀愛這事情》，自7月5日推出後，氣勢如虹，討論度十足。

華納人氣歌手MC張天賦與TVB「聲夢小花」姚焯菲（Chantel）近日破天荒合作，並宣布即將推出全新合唱情歌《誰能避開戀愛這事情》。

新歌在各個音樂平台高踞榜首。

最新音樂平台數據顯示，歌曲在Youtube的點擊已超過34萬，並登上「音樂發燒影片排行」第一位，及曾登上「綜合熱門影片排行」第三位。此外，歌曲於以下主要音樂串流平台，亦創下佳績：

1. iTune香港音樂排行榜：最高第一位
2. Apple Music百大榜（香港）：第一位
3. Apple Music Top 25（廣州）：最高第五位
4. KKbox本地新歌日榜：第四位

兩人到電台宣傳。

此外，MC及Chantel亦開展此曲的電台宣傳，日前到商業電台節目《叱吒樂壇》受訪期間，透露此曲的不少秘聞。

不少樂迷均對《誰能避開戀愛這事情》中，「對比哈囉吉蒂笑聲　骷髏頭叫你吃驚 如果洩露愛情　只怕給你陰影」一句感到疑惑，不太清楚填詞人希望傳達的意思。日前，MC在《叱吒樂壇》專訪中透露，此句歌詞確實是指當年轟動一時的「Hello Kitty藏屍案」，並借此表達因為這案的發生，令男方感覺世界十分危險，並要保護女方。

解構「哈囉吉蒂」詭異一句。