了解開設按摩店秘技乘機自肥 關智斌：七師傅話我最適合開按摩店幫人按摸

關智斌話：「七師傅話我最適合開按摩店幫人按摸，佢叫我留番啖氣唔好唱歌啦。」

分享創業、投資秘技的網上節目《斌菲特訓班》，最新一集由主理人關智斌（Kenny）帶網民了解開設按摩店秘技。這次跟大家分享開設按摩店的初階班，皆因於早幾集的節目中，嘉賓七仙羽（七師傅）曾指點Kenny要「賺女人錢、適合做按摩」，於是Kenny坐言起行，找來女藝人妹頭（盧頌恩）開設的按摩店了解，實行乘機自肥一番。

影片截圖

甫走進按摩店，Kenny便開宗明義跟妹頭說：「七師傅話我最適合開按摩店幫人按摸，佢叫我留番啖氣唔好唱歌啦，所以就想嚟參觀一下。」隨後妹頭便帶他遊走按摩店，Kenny亦虛心請教，如開設按摩店原因、開業成本、遇到「西客」如何應對、開按摩店的難處等等，他坦言覺得最難的是人力資源，「人力資源係好難控制，師傅流動量係可以好大。」

觀看相關影片按連結：https://youtu.be/hZGgR_3DGbg?si=yQqLCpx1vK3hh_-8

見Kenny認真學習，妹頭亦有問必答，更謂要試Kenny鐘：「因為按摩始終係手藝，所以要試一試你個手藝，試吓你個鐘先。」她先捉着Kenny的手看，大讚是按摸的材料，「睇吓隻手仔先，嘩！暖㗎喎！因為按摩手暖係加分，都幾好，幾大隻。幾好喎，（指住雞髀位）你呢個推油應該唔錯喎。」Kenny聽到後即信心大增，「睇嚟我真係入錯行，我真係好啱入按摩呢行。」

影片截圖

影片截圖

影片截圖

影片截圖

隨後便找來有二十年按摩經驗的羅師傅為Kenny按摩該他感受一下，雖然Kenny被按得冧冧豬，但仍不過向師傅偷師，請教如何用力，突然他靈機一觸，「可能我開個直播揼骨，好似都係一條血路。係喎，七師傅叫我搞按摩咋嘛，冇叫我一定要搞按摩店。搞按摩店好似你咁講，原來咁多濕碎嘢，以生命換生命嘅，咁我不𠯆搞直播啦，我唔一定要開舖㗎。係喎！又係火嘅行業！」師傅按完後便輪到Kenny「實習」，妹頭及羅師傅對Kenny的手藝都十分滿意，羅師傅更給他九十分兼封了「下海利是」，令Kenny十分雀躍。

影片截圖

影片截圖

影片截圖

影片截圖

對於按摩，Kenny及妹頭都認為是一個讓人放鬆的地方及事情，高私隱度絕對是重要的一環，就算遇上藝人或名人，都應該低調處理，避免尷尬情況發生。這時Kenny便分享一次照腸鏡的尷尬經驗，「護士姐姐推緊我入去嘅時候，佢同我講：『我細細個睇你。』哈哈。我真係好尷尬。雖然我知人哋好專業，咁因為我唔專業吖嘛，因為我知道我一打完麻醉藥之後，佢會喺我身體裏面做啲乜嘢嘅時候，我知你點樣照腸鏡嗰個process嘅時候，我就覺得好尷尬！」

影片截圖

影片截圖

關智斌（Kenny）日前為「香港結婚節暨夏日婚紗、美容化妝及秀身展2024」擔任表演嘉賓，並唱出《總有一站愛上你》及《勇氣情歌》兩首歌，過百名粉絲到場支持。

Kenny日前為「香港結婚節暨夏日婚紗、美容化妝及秀身展2024」擔任表演嘉賓。

過百名粉絲到場支持Kenny。

剛於內地完成六站巡迴演唱會《關智斌時光機巡迴音樂會》的Kenny表示，很久未有在香港演出，這次看到這麼多粉絲來支持，他說幸好fans沒有忘記他，「同埋見到好多fans 佢哋抱住自己個女、或者自己個仔過嚟，即係覺得有啲時間飛逝嘅感覺。」

Kenny感情粉絲到場支持。

未知是否太興奮，Kenny唱《勇氣情歌》時突然忘記歌詞，台下粉絲立即「補位」大聲叫唱，但 Kenny也立即叫停，決定重唱，十分專業，「其實首歌喺巡演時每一場都有唱，突然間back out咗，為咗回饋現場fans嘅支持，一定要重新好好地唱一次俾大家聽。」

Kenny唱《勇氣情歌》時突然忘記歌詞，雖然台下粉絲立即「補位」大聲叫唱，但 Kenny也決定重唱。

除此之外，粉絲們又悉心準備很多應援物，令Kenny十分窩心，「因為以前好少見到，譬如有時返屋企睇到佢哋俾我嘅禮物，全部係好有心機，譬如畫一啲畫，又整咗好多精品公仔同我差唔多樣，我真心覺得係好犀利！我嗰個年代冇乜好多呢啲嘢㗎嘛，同埋我巡演嘅時候，佢哋會安排好多嘢食，又有餐車，感受到而家原來啲偶像派歌手嘅待遇，多謝佢哋令我感受到我仲未有同呢個時代脫節。」

Kenny感謝粉絲們悉心準備很多應援物。