Skip to Content Facebook Feature Image

稱如廁時遭清潔工開門「睇吓你係男定女」單車女爆粗怒罵惹圍觀

社會事

稱如廁時遭清潔工開門「睇吓你係男定女」單車女爆粗怒罵惹圍觀
社會事

社會事

稱如廁時遭清潔工開門「睇吓你係男定女」單車女爆粗怒罵惹圍觀

2023年12月07日 13:30 最後更新:14:58

單車女聲稱如廁其間,突被清潔工人爆門,於是爆粗怒罵對方,引來途人圍觀拍片成熱話。

有單車女投訴如廁其間,突然被清潔工人爆門。(FB影片截圖)

有單車女投訴如廁其間,突然被清潔工人爆門。(FB影片截圖)

有網民於Facebook群組「香港突發事故報料區及討論區」上載一段影片,事發為日前晚上8時多,於港鐵鑽石山屯馬綫女廁門外,一名穿熒光粉紅背心單車裝港女,爆粗怒罵一名身穿藍色制服的清潔女工「妳答我妳開門做乜X嘢?妳答我妳開門做乜X嘢?睇妳老X啊睇!妳收XX啦!X妳老X!」。

當時港鐵職員亦在場了解事件,單車女即轉頭問男職員「我問你佢邊間公司?」、「大X曬呀?」、「你答我一句佢開你門,你點處理?」清潔女工表示自己只是正在清潔,單車港女再回頭爆粗「妳老X妳收X啦!」。清潔女工回嗆「妳有無老母呀?」,單車女更憤怒大罵「我係有老X啊,咁點啊?八婆!妳老X臭X。咁X多位妳開X我門?妳答我啊,開乜X嘢門先!」。

雙方爭持不下,港鐵女職員不斷嘗試分開二人,之後陪同清潔女工返回女廁暫避。另一男職員到場增援,單車女同行男友人指清潔女工撞到單車女,要求對方出來道歉,否則報警。最終單車女進入殘廁,影片到此結束。

雙方僵持不下,港鐵派員增援。(FB影片截圖)

雙方僵持不下,港鐵派員增援。(FB影片截圖)

拍片男子表示「現場聽到,個女人去緊廁所,之後個清潔姐姐搵野開咗佢廁所門,撞到佢隻腳。但係現場觀察,女廁門口設有護欄。」他推測「女廁當時正在進行清潔。港鐵已放置護欄作提醒,有關事主可能人有三急,依然決定進入。有關清潔員工,可能未能發現有人擅自進入,於是借用工具開門,就撞到事主隻腳,引發今次事件。」

隨後他又找到清潔女工了解事件「啱啱返轉頭,見到清潔姐姐同佢傾咗兩句,其實清潔姐姐年紀都大,見到佢好委屈想喊,想了解更多事情經過,但因為有地鐵職員巡視,不便透露。」

同行男友人指清潔女工撞到單車女,要求對方出來道歉,否則報警。(FB影片截圖)

同行男友人指清潔女工撞到單車女,要求對方出來道歉,否則報警。(FB影片截圖)

而疑似涉事單車女亦透過友人Facebook講述事件經過「我哋今晚轉西鐵前經過洗手間去個廁所,當時女洗手間得我一個人同一個女清潔姐姐,我去洗手間時候,清潔姐姐望住我入女廁,望住我入3號廁格,亦知道我係女生,但我去洗手間途中,清潔姐姐用夾垃圾的夾開我廁格,睇到我上下身,我當時第一句就話你做乜嘢開我隻門?我去緊廁所,之後個阿姐話開門睇吓我係男定女!之後我即刻着返衫褲,當時Betty入咗嚟見到我着緊褲,之後我就開始同阿姐嘈,之後決定係報警同叫職員站長等處理」。她又表示「件事警方已落案,鐵路亦已開案」。

疑似涉事單車女透過友人Facebook講述事件經過。(FB影片截圖)

疑似涉事單車女透過友人Facebook講述事件經過。(FB影片截圖)

事件引網民熱議,有人批評單車女行為野蠻「若果個個學似佢咁,唔理護欄照衝入去,個廁所唔駛清潔啦,自己唔啱仲要惡人先告狀 」、「見人做清潔就蝦人,句句老母,有幾啱晒你都係冇道理呀」、「叫個幾十歲既阿婆因為唔小心撞到你隻腳要同你道歉,因住折壽呀~」、「開左你道門,都唔駛㩒住人地黎砌下話」、「句句粗口,人哋都係打份辛苦工啫~宜家D人好似自己大晒咁,少少唔順佢意就係咁鬧,清潔姐姐好慘」、「其實你已經報咗警,又搵職員處理,咁你點解又不停咁問候人老母呢?」

有人則認為清潔女工亦有不妥「呢個清潔阿嬸都不是省油的燈啦!不過今次遇到個更惡的,擺明嬲人走入去特登整開人度門嚟羞辱人!」、「清潔大哂?鎖左道門即係入面有人啦,點會唔知。你去去下廁所我隨時開你門得唔得? 個清潔姐應該俾人炒」、「如果我去去下廁所比人開門,我都會點都X,應該拍門睇下有無人先」

帖文來源:Facebook群組「香港突發事故報料區及討論區」

往下看更多文章

香港迪士尼「新景點」網上爆紅 遊客排隊爭先打卡合照:簡直係王子下凡!

2024年03月03日 12:30 最後更新:14:04

近日本港迪士尼多出一個全新「景點」,其爆紅程度好不亞於米奇,惹得遊客們爭先合影打卡。

「畢生也願記起,香港迪士尼,煙火璀璨夜晚定會很美」,香港迪士尼向來是遊客必去的景點之一,來到樂園當然少不了同園區內的迪士尼經典人物合影留念,不過,除了排隊與爆紅的LinaBell和米奇米妮來張selfie之外,近日,本港迪士尼又多出一個全新「景點」,其爆紅程度好不亞於米奇,惹得遊客們爭先合影打卡。

原來,在內地社交媒體「小紅書」上,一位迪士尼的靚仔員工意外走紅,因其迷人的俊朗外表俘獲大批女遊客的心,甚至獲網民力讚為「真人版王子」。消息一傳十,十傳百,香港迪士尼內有真人王子出沒的消息,引得大批內地遊客慕名而來,排隊要同其合照留念,現場瘋狂程度,絕不遜色LinaBell出場。

巴士的報記者攝

巴士的報記者攝

小紅書圖片

小紅書圖片

原來,這位爆紅的香港迪士尼「靚仔員工」名叫Santi,高大英俊的他五官立體,渾身散發著陽光氣息,不怪得有女網友形容為「360度無死角靚仔」。最早有內地網民於小紅書上分享於他的帥氣合照後,Santi迅速爆紅,吸引內地遊客紛紛湧入園區追尋其身影兼合照,人氣簡直直逼樂園內的卡通角色,毫不誇張的說已成為香港迪士尼的「全新景點」。

而Santi的職位,正是帶領LinaBell出場與遊客見面,所謂「無心插柳柳成蔭」,Santi也與LinaBell一樣走紅。而網民紛紛在小紅書上載與Santi的合照,引得大家搞笑留言:「我都想攬呢位靚仔」、「簡直是王子下凡的感覺」、「完美男人,每一個角度都好看」

網上圖片

網上圖片

網上圖片

網上圖片

網上圖片

網上圖片

你 或 有 興 趣 的 文 章