MIRROR Edan呂爵安長文吐心聲講鏡粉無禮貌

娛圈事

MIRROR Edan呂爵安長文吐心聲講鏡粉無禮貌

2023年12月11日 20:58 最後更新：23:28

Edan呂爵安今次長交吐心聲，唔知粉絲又接唔接受﹖

MIRROR出道至今累積不少人氣，一舉一動都引關注。人紅自然是非多，負面批評亦都接腫而來，「鏡粉」（MIRROR粉絲）為保護偶像而激發罵戰成常態。MIRROR之一的呂爵安（Edan）一向敢言，昨日（12月10日）在Threads出po講「鏡粉」。

點擊看圖輯

MIRRO 成軍5周年，剛於香港迪士民舉辦大型粉絲見面會

Edan 於今年8 月完成solo concert

發長文吐心聲

他指，外界批評MIRROR原因有可能「鏡粉」反應過激，一批評就歸類為Hater，他寫﹕「如果我心態永遠只係『你唔鍾意就算囉bye，你一定係hater。』咁我永遠都唔會可以做得更好，令人改觀」

他又話自己的粉絲「爵屎」曾被同事投訴無禮貌，他續指﹕「我前排solo concert完咗之後，merchandise嘅同事同我講：『你啲fans真係好冇禮貌。』」又提到fansclub重組一連串的不愉快事件，「我見到好多又起底又嘈交又咩有個mma group，大家係咁不斷互相惡意攻擊，甚至最後5強其中一隊候選人托同事送禮物俾我又被扭曲成『賄賂』定唔知咩」他表示希望大家互相尊重。

最後呂爵安說：「其實本身都諗定遲啲開Live會講吓，咁啱有機會就講咗先啦~坦白講我都唔知自己可唔可以咁real，實在太多嘢要顧慮，但我又真係好想講，同埋既然演唱會都講咗要做『ED偶像』，咁我就講下啦。明嘅就明，唔明嘅就點都唔會明~（都幾搞笑無聊蒲下頭無啦啦變咗咁lol）。」

Edan的坦白亦引來討論，有人認同﹕「其實下次比花講呢d好d。因為呢種冇禮貌嘅行為，喺某d鏡仔粉，尤其誇張，直頭出晒名。我覺得花姐應該要出聲，教吓班冇禮貌嘅粉。」，有人則叫「咪搞分化」。

往下看更多文章

與Jer拖手唱《不要驚動愛情》鄭秀文喜收自製「愉快盲盒扭蛋機」

2024年07月25日 18:30 最後更新：07月26日 11:56

Sammi第10場演唱會的表演嘉賓是MIRROR成員柳應廷Jer。

天后鄭秀文（Sammi）昨晚（7月24日）在紅館舉行第10場「You & Mi 鄭秀文世界巡迴演唱會2023」（Rescheduled ），好友車婉婉與囝囝、Cookies成員吳雨霏Kary和區文詩Angela、岑寧兒YoYo、陳詠謙、歐陽靖MC Jin、天堂鳥的Gordon等捧場。表演嘉賓MIRROR的柳應廷Jer，他自製迷你盲盒扭蛋機給Sammi，透露原本想整巨型薯片包，卻被COLLAR截糊，非常搞笑。

Sammi穿上Ralph Lauren牛仔晚裝配襯閃爆Swarovski珠寶，風騷在台上自轉，問觀眾：「今日我著咗牛仔裝，正唔正呀？轉個360度畀你睇吓，係咪好婀娜多姿呢？」觀眾大叫好索。「今晚呢位嘉賓，新與唔新之間，都算新，出道咗幾年，佢嘅唱功毋庸置疑，非常之好。幾位嘉賓不約而同都要同我合唱呢首歌，唔知點解呢？」然後音樂響起《不要驚動愛情》，全場大合唱，Jer升上舞台，他們擁抱後手拖合唱，跟四面台觀眾打招呼。

2019年MIRROR初出道時曾全隊擔任Sammi紅館「FOLLOW Mi演唱會」表演嘉賓，與Sammi演唱《默契》。昨晚Sammi與Jer合唱後對他說：「嘩，數數手指，上次同台已經係2019年，嗰次算係你哋第一次上紅館。」Jer說：「係呀，嗰次同今次感覺好唔同，上次12個人，成班傻更更，有班兄弟喺身邊陪住，今次得自己一個人特別緊張。今日綵排，同老師練咗好耐，和音同埋點樣分段唱好啲。」Sammi指他好緊張，叫觀眾給他掌聲鼓勵，「諗返自己以前去一個咁大舞台，都會好驚和腳震，但我覺得你今晚表現相當之好。」

Jer準備了禮物給Sammi：「配合返你早前出新歌《盲盒》，特登整咗個『愉快盲盒扭蛋機』，裏面有啲關於我嘅小禮物，人型公仔啦，扭蛋裏面仲有啲神秘嘢，例如字條、祝福語、零食、糖果。（嘩，有零食我就夠）因為我知你鍾意食零食。（勁鍾意、超鍾意）其實我原本想整薯片包，畀COLLAR整咗呀！」他咬牙切齒，非常搞笑！

Jer又說：「我都好鍾意食零食，所以想將呢個小心意送畀你。仲有，時間關係，呢度已經有一隻扭蛋。」Sammi見他從褲袋拿出小扭蛋，笑說：「好似求婚咁，要送我首飾？嫁畀我啦！」Jer當然不敢，他掏出一個小公仔，Sammi說：「嘩，我老花喎，咁細。哦，公仔嚟嘅！」是Baby MIRROR的Jer公仔，Sammi笑說：「蝦我老花，好Cute，大過粒鼻屎！」全場爆笑。Jer拿出紙條說：「之前你喺一個po話過『食完有運動，無有怕，食飽先至係人生』。」Sammi將迷你Jer放入裙袋，然後落台。Jer台上獨唱由馮允謙JayFung作曲的新歌《約齊靈魂在墳墓前開生日派對》。

Encore時，Sammi穿著Tomas Chan的小背心牛仔褲配Tiffany & Co.珠寶型格登場唱新歌《盲盒》，期間不斷收禮物打亂了拍子，她立即要求重唱，自己encore自己。昨晚Fans送的禮物各色各樣，除了每晚都有的花束、薯片外，還有聖誕造型的咕𠱸，又有寫了「金像獎影后鄭秀文」的肩帶，Sammi立即戴上身，風騷轉圈讓觀眾欣賞。完騷後，Sammi孭住「薯片斜孭袋」到紅館外為Fans簽名和收禮物，幾百Fans企滿場外和火車站外，歡呼吶喊、吹哨子和唱歌，非常熱情。