烈日下拍跳舞版MV Me&搞笑改篇周董名曲盼收工

女團Me&推出《Eye to Eye》跳舞版MV，非常有型！

由「寰亞孻女」黃淑蔓（Feanna）、「籃球女神」譚旻萱（Mandy）和「長腿師妹」連家穎（Vian）組成的女團Me&，首支派台歌《Eye to Eye》掀起熱話，在韓國拍攝的MV，火速登上YouTube熱搜榜，早前她們在港拍攝跳舞版MV，非常有型。

女團Me&早前在港拍攝跳舞版MV。

觀看相關影片按連結：https://youtu.be/GZ-gS8QULsw?si=VxUNe6q8DwZHlvZq

拍攝當日天未光，Me&與團隊摸黑抵達拍攝現場準備，天光就開始拍攝，她們在綠油油的大草地上，穿梭在粉紅色巨型道具中又唱又跳，還有八位女Dancers走勻整個田徑場拍攝，嘻嘻哈哈，充滿青春活力。烈日當空，她們不斷揮灑汗水，個個曬到臉蛋紅卜卜，導演每次cut機，團隊立即衝上前為她們撐傘和抺汗，風扇不離手。

Me&與八位女Dancers在綠油油的大草地上又唱又跳。

Me&與八位女Dancers在綠油油的大草地上又唱又跳。

Me&與八位女Dancers在綠油油的大草地上又唱又跳。

Me&與八位女Dancers在綠油油的大草地上又唱又跳。

Me&與八位女Dancers在綠油油的大草地上又唱又跳。

一直拍到日落，接近十個小時拍攝，終於大功告成，滿頭大汗的Mandy憐惜Feanna，「今日真係曬得好誇張，佢好似畀人丟咗入叢林5日搵返咁。」她們互望哈哈大笑，Feanna解說：「真係好好笑，今日個太陽真係好猛烈，天氣亦比我哋想像中熱，但我哋個個都著冷衫，個太陽真係勁得滯，就算我搽晒防曬都好，件衫穿窿嘅位置變咗黑晒。」Mandy補充：「唔只太陽光，加埋打燈，即係幾個太陽照住我哋。」Feanna續說：「我哋被紫外光浸透住，不過都好開心，好好玩，希望（皮膚）快啲退色，快啲復原！」

由朝拍到日落。

由朝拍到日落。

由朝拍到日落。

雖然拍攝過程辛苦，但充滿美好回憶，Vian說：「好開心重回呢個宿營嘅地方，以前嚟過同朋友嚟跳舞，今次係嚟拍我哋出道嘅歌Dance Version，對我嚟講係好深刻經驗，好開心！」貪玩的她在休息室的黑板上寫了「到此一遊」，被取笑「Y2MK」。

Vian在休息室的黑板上寫了「到此一遊」，被取笑「Y2MK」。

第一次拍Dance Version，Feanna和Mandy異口同聲：「我哋好少唔望鏡跳舞，『我哋』係唔包括Vian，哈哈！一開始有少少緊張，要慢慢習慣，拍到最尾我哋控制到表情到位。」她們更爆料，笑言接近尾聲時非常期待收工，私下將周杰倫的《說好的幸福呢》改成搞笑版《說好的收工呢》。Feanna說：「拍到有段時間我哋都好崩潰，所以就唱『怎麼了 我累了 說好的收工呢？』」非常搞笑！

第一次拍Dance Version，Feanna和Mandy異口同聲表示有少少緊張。

接近尾聲時，Me&私下將周杰倫的《說好的幸福呢》改成搞笑版《說好的收工呢》。

經常拍跳舞片的Vian，今次以女團Me&身份拍Dance Version有沒有不同？她說：「平時我一個人跳，今次有你哋又有八個Dancers一齊跳，有人陪感覺好開心。最難忘係我曬到皮膚敏感，Feanna曬到一撻撻，Mandy又熱到不停出汗。雖然好辛苦，但我哋互相支持，好開心。」Mandy表示最大難度是在草地跳舞，她說：「草地跳舞同喺排舞室跳舞好唔同，草地好多時有坑，係陷阱，踩到會跣腳失平衡，但又要保持個樣望鏡頭笑，草地跳舞係一個大挑戰。」Feanna說：「另一個挑戰係對鞋，我第一次著有踭嘅鞋跳舞，加上我隻腳好細，成日企唔穩。」身旁Mandy無奈笑說：「我就相反，我超大腳，通常都差少少，夾到隻腳好痛。」Feanna總結：「我覺得我哋今日真係好勁，要畀掌聲自己！」

經常拍跳舞片的Vian表示今次有兩位好姊妹又有八個Dancers一齊跳，感覺好開心。

Mandy指今次最大難度是在草地跳舞。

鄭伊健在演唱會上為小師妹黃淑蔓特別安排唱她的新歌《I am All Alone》。

「凍齡男神」鄭伊健日前帶埋小師妹「寰亞孻女」黃淑蔓（Feanna）到澳門，於MGM美高梅劇場舉行「Together 鄭伊健與你在一起音樂會」，全場爆滿，觀眾熱情衝到台前，伊健又唱又跳又握手，還向觀眾拋紀念品，氣氛High爆！

鄭伊健日前在澳門MGM美高梅劇場舉行「Together 鄭伊健與你在一起音樂會」。

音樂會由兩位結他手演奏打頭陣，伊健升上台唱《Beautiful Day》揭開序幕，他與舞蹈員勁歌熱舞《極速》和《全城效應》，全場觀眾站起來一齊跳舞，澳門歌迷，還有香港及各地歌迷都揮動燈牌，氣氛熾熱。伊健向台下觀眾揮手打招呼，「好耐無見，我見到你哋呀！」然後他介紹音樂監製陳光榮，「今日唔只係『鄭伊健Together音樂會』，仲係一個音樂調查會，你哋知唔知我呢個朋友係邊個？佢就係陳光榮。（台下歡呼）我幾乎所有歌都係佢寫，佢除咗寫歌畀鄭伊健，仲係一位作曲家。我嘅歌、好多歌手嘅歌，仲有電影音樂，例如《古惑仔》、《風雲》，我以外嘅電影例如《無間道》啦！」全場尖叫！

伊健向大家介紹音樂監製陳光榮。

伊健問觀眾：「香港電影好睇，香港嘅電影音樂都好好，若然陳光榮開電影音樂會你哋會唔會睇？」台下大叫「會」，伊健問點解？觀眾大叫「有你」，伊健笑說：「可能仲有梁朝偉和劉德華呢！」陳光榮拍拍心口感謝觀眾支持。

兼漏口風陳光榮開作品展。

伊健邀請陳光榮、小師妹Feanna、歌手朱雋言與樂手們到台前一同演唱《For U & Me》和《心照》，觀眾反應熱烈，衝到台邊握手。繼香港紅館和美國站演出之後，今次是Feanna第三次擔任伊健演唱會的表演嘉賓，深得大師兄寵愛，獲驚喜安排在演唱會上獻唱其新歌《I am All Alone》，她清唱其中一段作為與伊健合唱《蟲兒飛》序曲，靚聲震攝觀眾，掌聲如雷。

伊健邀請陳光榮、小師妹Feanna、歌手朱雋言與樂手們到台前一同演唱。

接著，伊健換了新造型演唱《發現》、《同一秒》和《吻感》等情歌，觀眾揮動手燈，全場一片星海，非常浪漫。然後氣氛一轉，舞蹈員帶著紀念品出場，伊健一邊唱《Together》一邊向台下觀眾拋出紀念品，全場High爆！

伊健與舞蹈員一同登場。

一邊唱《Together》一邊向台下觀眾拋紀念品。

演唱會尾聲Encore時，伊健笑問觀眾：「你哋想聽歌定握手架？」台下起哄。他演唱《友情歲月》、《甘心替代你》、《只會因你唱》和《我的歌》等經典金曲後，笑說：「你哋都係鍾意握手多啲喎！」最後他唱《自動勝利Let’s Fight》來回舞台左右兩邊跑，滿場飛與觀眾握手，演唱會在熱鬧氣氛下圓滿結束。

伊健滿場飛與觀眾握手。

演唱會後台，Feanna接受訪問，「好開心再次跟伊健哥哥到澳門演唱會做嘉賓，今次係我出咗新歌之後第一次參與演唱會，伊健哥哥好好，喺我完全唔知情之下，綵排嗰陣安排我加入新歌，幫我諗埋出場環節，希望觀眾聽到我現場唱《I am All Alone》時會開心。」跟伊健巡唱表演，Feanna最難忘美國站，「因為我第一次去美國，當然都係第一次喺美國表演，當時逗留咗兩個星期，除咗演唱會之外，大家都有帶我出去玩，竟然可以將工作建立喺玩樂上，係一件好幸福嘅事。我好想去更多地方，可以唱歌畀唔同地方嘅人聽。我成日問伊健哥哥下一站去邊度唱？佢唔肯講，話到時會通知我！」

伊健為Feanna特別安排唱她的新歌《I am All Alone》。

Feanna為新歌發揮創意，「多謝大家鍾意《I am All Alone》呢首歌，為咗回饋大家嘅支持，我同好朋友喺Donut Demo研發咗一款新口味和新造型嘅冬甩，名命『I am not a 窿』，期間限定。有我好鍾意嘅元素，包括貓仔和士多啤梨味，希望大家買呢款冬甩，一邊食一邊聽我嘅新歌。」問她是否地獄廚神？她哈哈笑說：「我到目前整過嘅食物都唔難食，亦未出現恐怖料理，其實我又唔算成日整嘢食，因為我好懶。之前在英國讀書自己一個人嘅時候會煮中菜，因為好掛住香港嘅食物，依家返咗嚟有媽咪煮，我好少自己下廚。我會考慮做一日店長，仲可能會整冬甩畀大家食，希望大家個肚仔無事啦！」

Feanna透露為新歌發揮創意，與好友在Donut Demo研發了一款名為「I am not a 窿」的doughnut。

大合照