馬明大方回應！
佘詩曼、馬國明及高海寧等眾《新聞女王》演員，在冬至（12月22日）齊集澳門出席《新聞女王結局夜—女王終極直播》，齊齊睇大結局。馬明早前與老婆湯洛雯在蘇梅島舉行浪漫婚禮獲全城祝賀，他接受訪問時表示：「我OK嘅冇喊到！反而啲兄弟姊妹就喊晒，我就開心多過喊，我老婆就忍到，我見到都想喊㗎！」他指有很多兄弟姊妹喊晒，並表示：「林子善由頭喊到尾，佢真係一個好感性嘅人。」
點擊看圖輯
新婚馬國明已投入工作，在冬至（22日）到澳門出席《新聞女王結局夜—女王終極直播》。
對於《新聞女王》大結局，馬明表示沒有特別不捨，最重要是觀眾喜歡，至於是否希望拍續集，他表示要看公司決定。
新婚馬國明已投入工作，在冬至（22日）到澳門出席《新聞女王結局夜—女王終極直播》。
馬國明與湯洛雯早前在蘇梅島舉行浪漫婚禮。
馬明指每個參加的親友都大讚婚禮安排妥善：「我覺得我老婆好勁，我所有嘢冇Wedding planner，佢每個朋友搭咩航班嚟，車嘅安排食啲乜嘢，全部一手一腳安排好晒。甚至有啲人改咗機票，都幫佢改。我都有啲慚愧，嗰陣時我拍緊戲，佢真係安排得好好！」開到何時會度蜜月，他直言：「老婆想睇北極光，睇吓之後劇同劇之間可唔可以計劃一下。」至於生仔大計方面，他說：「呢啲唔講，總之大家都好樂意，如果有都會欣然接受天賜嘅禮物。（諗住生幾多個？）唔會太多，最多兩個，驚分唔到時間，都係一個起兩個止。」
獲全城祝賀！
馬明表示岳父大人叮囑大家開開心心，要互相忍讓。
馬國明笑言終於等到靚湯叫他做老公！
問到婚禮最難忘的事，馬明笑言：「婚禮隻舞係第一次覺得享受，可能當時氣氛令到成件事好靚，我諗我真係人生第一次覺得享受，雖然唔係跳得好，因為自己根基有限，但每次我無以前咁樣抗拒跳舞，台慶跳舞心裏面都有少少抗拒，因為跳得唔好。」馬明笑言現在終於等到靚湯叫他做老公：「佢一直都唔肯叫，話結婚先叫，而家都幾爽，好sweet，聽到呢個稱呼都開心。」問到為何今日不戴婚戒？他說：「我驚跌咗俾老婆鬧，所以尋日攞咗去改，好驚唔見，實俾人鬧，自己都唔好意思。（買過一隻？）意義都唔同咗。」
對於《新聞女王》大結局，馬明表示沒有特別不捨，最重要是觀眾喜歡，至於是否希望拍續集，他表示要看公司決定。
至於，早前鄭嘉穎表示未能出席婚禮的言論鬧出小風波，後來接受訪問公開向馬明表示抱歉，馬明表示有看相關報道，大方稱：「我有睇，但唔需要再解釋啦！但我同佢太熟啦！我相信唔係啲咩，我見到個標題話道歉，其實唔係道歉我同鄭嘉穎係冇鬧過交，都唔知點解件事會變成咁！」至於相約食飯一事，他笑言：「我太忙啦！我同佢太熟，都唔需要急住食一餐飯，等我過埋呢一陣忙完先。」
馬明直言忙搵銀，未有時間約鄭嘉穎食飯。
日前無綫公布萬千星輝頒獎典禮《新聞女王》 入圍十強最佳劇集，他說：「其實我每一年都唔會估自己嘅，每一個劇都係團隊嘅嘢嚟嘅。」問到頒獎典禮會否會帶同老婆出席，他說：「應該就唔會啦！因為今年應該嚟唔到頒獎典禮，睇吓下次有冇機會再出嚟。」
大方回應心穎道歉。
祝福舊愛永遠快樂。
而近日舊愛黃心穎為新歌做宣傳訪問重提當年「安心事件」，馬明回應稱：「大家都唔好再周旋喺嗰件事度，每個人都已經重新開始，佢又結咗婚我又結咗婚，呢件事都唔需要再提，好多年前嘅事，都唔需要再點提。」對於心穎祝福他結婚，他大方回應：「我都祝福佢，希望佢幸福快樂，大家都重新開始，呢啲咁舊嘅嘢唔需要攞返出嚟講。」
《新聞女王》班底演員傾情聲演
為給觀眾帶來接連不斷的新鮮感，無綫近年致力打造不少破天荒類型節目，明晚（15日）翡翠台九點半線推出的《森林女王》，便是其中一個嶄新嘗試。《森林女王》改編自BBC知名野生動物紀錄片《Serengeti》，《Serengeti》系列在網絡好評如潮，除首兩季在豆瓣高開9.3及9.2評分，更於2020年在美國電影音效剪輯師協會榮獲聲音剪輯傑出成就殊榮，並獲得黃金時段艾美獎（Primetime Emmy Awards）、廣州國際紀錄片節（GZDOC）等七項提名，絕對是叫好叫座之作。
預告精彩畫面
角色分配+命名花盡心思
為了為觀眾帶來娛樂及資訊兼備的自然野生紀錄片，無綫破天荒以戲劇手法包裝，並請來去年熱播台慶劇《新聞女王》的演員傾力作粵語聲演，包括（排名不分先後）「佐治」馬國明、「Cathy」高海寧、「劉艷」王敏奕、「曉薇」何依婷、「飛爺」鄧智堅、「方太」龔慈恩、「Bella」郭柏妍、「Ivan」何廣沛、「芷瑤」陳曉華、「姍姍」何沛珈、「Cyrus」孔德賢、馬貫東、路芙、繆家慶、譚俊彥及陳山聰；有趣的是，《森林女王》跟《新聞女王》一樣以「弱肉強食」的背景世界作基調，並同樣以描寫女性角色為主；為了令觀眾更易代入，製作組找來《新聞女王》班底聲演之餘，每人的角色分配及命名亦是花盡心思；由《新聞女王》班底演員飾演的動物，大部分沿用各人在劇中「原裝」名字之餘，就連角色性格也是同出一轍。
記者會大合照
先以馬明聲演的「獅子王」佐治為例，同樣是「阿頭級」之餘，兩個佐治均具備賴皮特色；而敏奕聲演的「非洲母獅」劉艷，與劇集原裝角色的共通點更為明顯，兩者都是喜愛走出固有框架、以自己相信及堅持的理念達到目標，且是「不到黃河心不死」的類型。另一與劇集角色同出一轍的還有鄧智堅聲演的「飛爺」，作為陰險狡猾的野狗，「飛爺」目標明確、甚懂生存之道；為了在森林中爭一碗飯吃，他游刃有餘、靈活懂變通，亦不會濫殺無辜，性格鮮明。節目另一亮點，是陳山聰將越洋聲演最強獅子王—「黑面死神」，據知相關角色相當厲害，雖然與山聰在《新聞女王》中的角色沒有關係，但卻對「森林女王」之爭有著一定影響力，敬請密切留意。
記者會大合照
戲劇元素豐富的紀錄片 何廣沛驚變「肉麻情歌王」
雖然是紀錄片，但《森林女王》中的戲劇元素相當豐富，除了劉艷、曉薇及Cathy會各出奇謀爭做「森林女王」，還有不少細緻感人、出人意表，及驚喜甜蜜的感情線，當中尤以馬明與敏奕的「獅子CP」，何廣沛及何沛珈的「狒狒CP」最令人印象深刻。先說「獅子CP」，為了反抗獅子族群老掉牙兼不公平的「一夫多妻」制，劉艷竟背著老公佐治與情人誕下四名小獅子，之後更大玩「離家出走」。而看似霸道愛面子的佐治，最終因為一個原因竟願意包容劉艷「忍氣吞聲」，劇情發展峰迴路轉。至於「狒狒CP」，最令人印象深刻的，除了有馬貫東聲演的老狒爺亂入玩搶妻，廣沛在劇中還要經常開金口唱情歌，極盡肉麻搞Gag之能事，萬勿錯過。
何依婷聲演眼高手低、一世靠母蔭的新上位鬛狗「曉薇」。
郭柏妍聲演沉穩冷靜、千里尋B的斑馬媽媽「Bella」。
龔慈恩聲演德高望重、冷靜睿智的大象女族長「方太」。
何廣沛聲演油膩又暖心的「金曲王」狒狒「Ivan」。
何沛珈聲演狒狒Ivan太太「姍姍」。
馬貫東聲演霸道橫蠻的大奸角老狒爺。
陳山聰越洋聲演最強獅子王—「黑面死神」。
無綫娛樂新聞台日前獨家直擊一眾演員配音情況，為了完美還原《新聞女王》經典角色的特色，高Ling及堅叔可謂施展渾身解數。聲演高傲又進擊的怪獸家長級獵豹Cathy的高海寧（高Ling），正式埋位前還盡最後努力還原Cathy神態，配音前10分鐘仍在努力讀稿「攞番Cathy個感覺」，高Ling說：「我配音時會忍唔住演番Cathy啲眼神，我唔識點樣就咁用聲去演一個角色，所以覺得配音員好勁。」高Ling更笑言配音耗盡精力，一度餓得肚子打鼓！而聲演野狗的鄧智堅，則特意黐了「飛爺鬍鬚」、戴上「飛爺眼鏡」及招牌珍珠奶茶幫助投入飛爺世界，相當認真。堅叔說：「做幕後配音都要成個造型畀埋出嚟，咁先攞番個感覺！」堅叔坦言是次任務頗有難度，幸好之前曾參與真人騷《好聲好戲》，累積了一定訓練及經驗。
高海寧聲演自視過高的怪獸家長型獵豹「Cathy」。
鄧智堅聲演陰險狡猾、為求一啖飯不擇手段的野狗「飛爺」。
自揭訓練班時學過配音 馬明自爆鍾意做衰人？
至於聲演賴皮愛面子的獅子王的馬明，則刻意壓低聲線配音，初次接觸配音的他更大嗌好玩：「我鍾意配啲好衰嘅角色，可以變聲，過癮啲！」他續指當年參加藝員訓練班時學過配音，但之後卻未有機會接觸配音工作：「當再嘗試吓、再學吓，話唔定第時有動漫配吓，都幾好玩！」至於聲演高Ling獵豹囡囡芷瑤的陳曉華，與原裝角色一樣事業心重，並一心想要繼承母業成為「森林女王」。為了凸顯角色硬朗感，陳曉華刻意壓低聲線配音之餘，更邊配邊手舞足蹈幫助投入角色：「我覺得都要浮誇啲去演繹件事，唔可以咁平淡去講。」
馬國明聲演聲大大冇貨賣的獅子王「佐治」。
王敏奕聲演堅持原則、力抗固有框架的非洲母獅「劉艷」。
陳曉華聲演一心承繼母業的雌性獵豹「芷瑤」。
