杜汶澤一片好心勸姜濤休息。
《2023年度叱咤樂壇流行榜頒獎典禮》於昨晚圓滿落幕，而其中一個備受注目的獎項「我最喜愛的歌曲」則由人氣王姜濤的《濤》奪得，大家除了留意姜濤的表演和感言外，其身形亦受關注。
而已移居台灣的藝人杜汶澤今日（1月2日）亦在facebook 發千字文關心姜濤，他首先指出姜濤應該放半年至一年長假，因他認為姜濤「壓力肥」，放假就可以「減下肥，打下波，去外國生活下，唔上跳舞堂唔學唱歌，可以學下其他嘢吖咁後生。」
阿澤指姜濤太大壓力
杜汶澤又話姜濤「真係肥」，而「偶像唔應該肥」，而每個偶像一紅會好大壓力，又以謝霆鋒陳冠希作例子「好似以前謝霆鋒細個嗰陣仲癲過龍心啦！撞到啲車爛鳩晒，人就係咁㗎啦，唔適應吖嘛！陳冠希咪又係咁，亂屌河馬，而家同個女幾溫馨呀」。
阿澤睇完姜濤表演，認為佢真係肥
杜汶澤憶述多年前與姜濤有過一面之緣，指他當時的笑容已不復見，「好多年前我有次響電視台做嘢，響後台見到佢，佢係一個好有禮貌嘅小朋友，好可愛。但係而家見唔到佢呢種笑容。」
最後，他指行內人同身邊人無人同佢講真說話，「啲老鬼見到你咪擦鞋囉，對外猛讚你搏你啲fans都鍾意佢呀嘛，我哋以前叫「偷fan屎」，對內又唔敢得罪你。夥計就更加唔會出聲啦，好似劉德華咁，成日著條吊腳褲鬼咁核突，圍住佢嗰啲擦鞋仔個個都話靚呀靚呀，咁佢咪信囉！邊個夠膽講真說話㗎？」
