為演唱會大搞驚喜 MIRROR四子「文德虎皮」同日推出首支單曲

Lokman、Alton、Tiger及Frankie均有solo歌推出。

MIRROR踏入2024年，除了推出團歌〈Rocketstars〉外，趁著即將舉行的演唱會，隊中四位成員：楊樂文（Lokman）、王智德（Alton）、邱傲然（Tiger）及陳瑞輝（Frankie）於開Show前夕，同日推出他們的個人單曲，給粉絲們最大的驚喜。

MIRROR四子同日推出首支單曲。

適逢五周年加上演唱會，當然要給大家一點驚喜！Alton道：「5周年演唱會，當然要帶啲新嘢俾大家，當中莫過於就係我哋四個一人做一隻新歌俾大家，夠晒誠意，而且4個人都有唔同風格！」Lokman的〈如果電話亭〉玩味較濃，他介紹道：「〈如果電話亭〉就好似多啦A夢嘅法寶，同時亦貫徹歌曲主題，想大家做事唔使咁認真，自己覺得點就點，想諗啲乜就諗啲乜，想講啲乜就講啲乜，想玩啲乜就玩啲乜，如果係咁就發達喇！」Lokman亦有藉著歌曲審視自己，道：「自己係一個認真同太有條理嘅人，有陣時咁認真太有條理，有啲moment會好辛苦，呢首歌都係叫自己，試下亂諗嘢唔好咁有條理，放鬆下！」

楊樂文（Lokman）首支單曲〈如果電話亭〉。

新歌以尋找快樂法寶為主題。

Lokman亦藉著歌曲審視自己。

至於Alton則以他擅長的Rap詞，製作新歌〈非物質文化遺產〉，Alton道：「嚴格嚟講係自己第一首Solo歌，今次帶啲新嘢俾大家，首歌係說唱Rap嘅Hip Hop作品，做呢首歌嘅時候諗返起一個Talk Show嘅環節，都係講自己嘅故事，今次變咗做一首歌，希望大家可以聽下我嘅故事。我嘅故仔其實對於大家都會有共鳴，因為香港打工仔面對一啲問題同壓力，最後出口都係自己，所以好希望大家都可以搵到呢份資產。」

王智德（Alton）首支單曲〈非物質文化遺產〉。

為打工仔抒壓。

Alton以擅長的Rap詞製作新歌。

Tiger鍾情美式搖滾，他的首支單曲〈Alright〉亦朝著這個方向製作，Tiger道：「〈Alright〉係一個好有意思嘅Project，搵咗天衡一齊做呢首歌，由開始寫、錄製都有參與，結他有部份我自己彈，然後詞就交俾Oscar。呢首歌講嘅係入行呢幾年嘅心路歷程，一啲人一啲事，有感覺嘅人睇咗就有感覺。」Tiger在拍攝歌曲宣傳短片當日，現場每一個聽過〈Alright〉的人，都覺得他的聲底似謝霆鋒，Tiger對此表示：「好奇怪，我自己由細到大都冇覺得過，但錄緊，錄完俾屋企人同其他朋友聽，都覺得點解有謝霆鋒Feel？有70%嘅人係覺得似，但我唔覺，係就好囉！最緊要你哋開心。」

邱傲然（Tiger）首支單曲〈Alright〉。

唱出入行心路歷程！

Tiger鍾情美式搖滾，他的首支單曲亦朝著這個方向製作。

至於Frankie的新歌叫〈皮思苦〉，是一首抒情中板作品，他介紹道：「今次有徐浩幫手作曲同監製，Oscar寫詞。出道5年，做過大大小小節目，拍過廣告、劇集，做過好多嘢，而觀眾好敏感，會好記得我哋做過啲乜嘢講過乜嘢，有啲可能係節目效果，純粹小誤解，但累積上嚟可能變成大誤解，但唔緊要，做得自己自然舒服，大家又睇得舒服，唔使理咁多人設嘅嘢。」Frankie希望透過歌曲，讓皮寶寶及廣大樂迷了解他的想法，他續道：「大家對我有少少誤解，但唔緊要，我都係會做自然嘅自己俾大家睇。」

陳瑞輝（Frankie）首支單曲〈皮思苦〉。

唱出自我態度。

Frankie希望透過歌曲，讓皮寶寶及廣大樂迷了解他的想法！

礙於MIRROR正忙於籌備演唱會，MV將於稍後才推出，但四首歌將會在演唱會中首度獻唱，而四人各自都透露了一些細節，其中Alton道：「我嗰Part係Hip Hop啲街頭味重啲，喺演唱會裡面，會同其他都有街頭元素味道嘅朋友仔做一個大表演俾大家睇。」Lokman聽罷Alton介紹，也搞笑道：「我嗰首係開心啲Upbeat啲為主，有啲funk、電子，亦都係喺演唱會裡面同一啲街頭味重啲嘅朋友有一Part嘅表演，令人好期待㗎！」至於Tiger就表示：「第一次喺演唱會演出，所以好緊張。（會彈結他？）係有機會可以可能喺呢個Show度，或者好大機會演出，實情操作係點呢？就未知住！」Frankie亦和應道：「我同Tiger都有啲新嘗試，係我一直以嚟好想做嘅，但唔知Tiger想唔想做，不過就一齊做咗佢啦！」Tiger即道：「應該係變魔術。」Frankie也跟隨著Tiger笑道：「講下笑，變下魔術咁啦！會唔會跳舞？我首歌中板，都有啲Beat，但我之前話好想出跳舞歌，唱〈皮思苦〉會唔會跳舞就到時就會知喇！」

楊樂文〈如果電話亭〉、王智德〈非物質文化遺產〉、邱傲然〈Alright〉及陳瑞輝〈皮思苦〉宣傳短片現已於Mirror YouTube Channel推出。 Mirror YouTube Channel - https://www.youtube.com/c/MIRRORweare/

Sammi第10場演唱會的表演嘉賓是MIRROR成員柳應廷Jer。

天后鄭秀文（Sammi）昨晚（7月24日）在紅館舉行第10場「You & Mi 鄭秀文世界巡迴演唱會2023」（Rescheduled ），好友車婉婉與囝囝、Cookies成員吳雨霏Kary和區文詩Angela、岑寧兒YoYo、陳詠謙、歐陽靖MC Jin、天堂鳥的Gordon等捧場。表演嘉賓MIRROR的柳應廷Jer，他自製迷你盲盒扭蛋機給Sammi，透露原本想整巨型薯片包，卻被COLLAR截糊，非常搞笑。

Sammi紅館騷來到節10場了！

車婉婉與囝囝

吳雨霏Kary、區文詩Angela

歐陽靖MC Jin

岑寧兒YoYo

Sammi穿上Ralph Lauren牛仔晚裝配襯閃爆Swarovski珠寶，風騷在台上自轉，問觀眾：「今日我著咗牛仔裝，正唔正呀？轉個360度畀你睇吓，係咪好婀娜多姿呢？」觀眾大叫好索。「今晚呢位嘉賓，新與唔新之間，都算新，出道咗幾年，佢嘅唱功毋庸置疑，非常之好。幾位嘉賓不約而同都要同我合唱呢首歌，唔知點解呢？」然後音樂響起《不要驚動愛情》，全場大合唱，Jer升上舞台，他們擁抱後手拖合唱，跟四面台觀眾打招呼。

Sammi再次換新裝，穿上Ralph Lauren牛仔晚裝配襯閃爆Swarovski珠寶。

Jer升上舞台與Sammi合唱《不要驚動愛情》。

2019年MIRROR初出道時曾全隊擔任Sammi紅館「FOLLOW Mi演唱會」表演嘉賓，與Sammi演唱《默契》。昨晚Sammi與Jer合唱後對他說：「嘩，數數手指，上次同台已經係2019年，嗰次算係你哋第一次上紅館。」Jer說：「係呀，嗰次同今次感覺好唔同，上次12個人，成班傻更更，有班兄弟喺身邊陪住，今次得自己一個人特別緊張。今日綵排，同老師練咗好耐，和音同埋點樣分段唱好啲。」Sammi指他好緊張，叫觀眾給他掌聲鼓勵，「諗返自己以前去一個咁大舞台，都會好驚和腳震，但我覺得你今晚表現相當之好。」

Jer指今次只有自己一個人做嘉賓，所以特別緊張。

Jer準備了禮物給Sammi：「配合返你早前出新歌《盲盒》，特登整咗個『愉快盲盒扭蛋機』，裏面有啲關於我嘅小禮物，人型公仔啦，扭蛋裏面仲有啲神秘嘢，例如字條、祝福語、零食、糖果。（嘩，有零食我就夠）因為我知你鍾意食零食。（勁鍾意、超鍾意）其實我原本想整薯片包，畀COLLAR整咗呀！」他咬牙切齒，非常搞笑！

二人抱抱。

Jer又說：「我都好鍾意食零食，所以想將呢個小心意送畀你。仲有，時間關係，呢度已經有一隻扭蛋。」Sammi見他從褲袋拿出小扭蛋，笑說：「好似求婚咁，要送我首飾？嫁畀我啦！」Jer當然不敢，他掏出一個小公仔，Sammi說：「嘩，我老花喎，咁細。哦，公仔嚟嘅！」是Baby MIRROR的Jer公仔，Sammi笑說：「蝦我老花，好Cute，大過粒鼻屎！」全場爆笑。Jer拿出紙條說：「之前你喺一個po話過『食完有運動，無有怕，食飽先至係人生』。」Sammi將迷你Jer放入裙袋，然後落台。Jer台上獨唱由馮允謙JayFung作曲的新歌《約齊靈魂在墳墓前開生日派對》。

Jer之後獨唱新歌《約齊靈魂在墳墓前開生日派對》。

Jer之後獨唱新歌《約齊靈魂在墳墓前開生日派對》。

Encore時，Sammi穿著Tomas Chan的小背心牛仔褲配Tiffany & Co.珠寶型格登場唱新歌《盲盒》，期間不斷收禮物打亂了拍子，她立即要求重唱，自己encore自己。昨晚Fans送的禮物各色各樣，除了每晚都有的花束、薯片外，還有聖誕造型的咕𠱸，又有寫了「金像獎影后鄭秀文」的肩帶，Sammi立即戴上身，風騷轉圈讓觀眾欣賞。完騷後，Sammi孭住「薯片斜孭袋」到紅館外為Fans簽名和收禮物，幾百Fans企滿場外和火車站外，歡呼吶喊、吹哨子和唱歌，非常熱情。

Sammi在Encore時換上Tomas Chan的小背心牛仔褲配Tiffany & Co.珠寶型格登場。

並獻唱唱新歌《盲盒》。

完騷後，Sammi孭住「薯片斜孭袋」到紅館外為Fans簽名和收禮物。

幾百Fans企滿場外和火車站外等待Sammi，非常熱鬧！