陳奕迅指對《空城記》這首慢歌有很深感情,「呢首歌係要慢慢聽,聽多一百幾十次,你先感覺到歌之韻味。」
陳奕迅「Fear and Dreams世界巡迴演唱會」由2022年於香港啟動,經已跑過了72場,經過美加、東南亞及內地十四個不同城市,下周完成廈門站6場便可以放一個農曆年長假,假後才再繼續開始巡演。昨晚(1月7日)廣州最後一場,Eason安歌又再唱《空城記》,對這首慢歌,他直言有很深感情,「呢首歌係要慢慢聽,聽多一百幾十次,你先感覺到歌之韻味。」
![「Fear and Dreams世界巡迴演唱會」昨晚(1月7日)廣州最後一場。](https://image.bastillepost.com/1200x/wp-content/uploads/hongkong/2024/01/20240108_EN_陳奕迅02_source-licensed_.jpg.webp)
「Fear and Dreams世界巡迴演唱會」昨晚(1月7日)廣州最後一場。
![Eason安歌又再唱《空城記》。](https://image.bastillepost.com/800x/wp-content/uploads/hongkong/2024/01/20240108_EN_陳奕迅08_source-licensed_.jpg.webp)
Eason安歌又再唱《空城記》。
《空城記》MV ,Eason早前找來老朋友余靜萍執導,選了於台北拍攝,小余2021年成為首位獲香港電影金像獎最佳攝影的女性攝影師,去年(2023)第60屆金馬獎最佳攝影入圍者也是唯一的女攝影,她還是美國影藝學院的會員,有奧斯卡的投票資格。
![《空城記》MV請來余靜萍執導。](https://image.bastillepost.com/960x/wp-content/uploads/hongkong/2024/01/20240108_EN_陳奕迅19_source-licensed_.jpg.webp)
《空城記》MV請來余靜萍執導。
Eason自2001年《反正是我》 專輯封面與小余合作過後,之後一直都未有機會再合作,「今次拍《空城記》MV,係我有一日係日本聽住首歌,望住個海岸線,突然間諗起佢,所以就馬上搵佢合作,都等左好耐,因為佢依家已經係大忙人,哈哈。點解一定要等佢呢,因為覺得佢係一個好有心的導演。咁耐冇見,再重聚大家都好開心,佢以前可以為一個鏡頭訓喺馬路中心,依家都一樣, 個鏡頭剩係拍住隻手,佢都問係咪落咗情感同戲,對住佢我都唔會渣流灘,MV入面我隻手都有戲架,哈哈,大家睇下,係咪感覺到。」
![Eason自2001年與小余合作過後,之後一直都未有機會再合作。](https://image.bastillepost.com/1200x/wp-content/uploads/hongkong/2024/01/20240108_EN_陳奕迅13_source-licensed_.jpg.webp)
Eason自2001年與小余合作過後,之後一直都未有機會再合作。
![Eason指小余是一個好有心的導演。](https://image.bastillepost.com/1200x/wp-content/uploads/hongkong/2024/01/20240108_EN_陳奕迅16_source-licensed_.jpg.webp)
Eason指小余是一個好有心的導演。
![Eason笑指MV中他連手都有戲。](https://image.bastillepost.com/1200x/wp-content/uploads/hongkong/2024/01/20240108_EN_陳奕迅18_source-licensed_.jpg.webp)
Eason笑指MV中他連手都有戲。
MV於陽明山上及北海岸拍攝,當時仍是夏天8月份,第一次要穿著三件頭西裝行山,Eason話熱到想暈,不過大家都咁落力,自己熱到濕哂都要頂住,「最開心係拍到最後,移去淡水北海岸海邊,拍完最後一個鏡頭,即刻除鞋衝落水,個一刻大解放,對腳浸住暖暖海水,好舒服。」
![MV於陽明山上及北海岸拍攝。](https://image.bastillepost.com/960x/wp-content/uploads/hongkong/2024/01/20240108_EN_陳奕迅10_source-licensed_.jpg.webp)
MV於陽明山上及北海岸拍攝。
![拍攝時是8月份,Eason要穿著三件頭西裝行山,熱到想暈。](https://image.bastillepost.com/960x/wp-content/uploads/hongkong/2024/01/20240108_EN_陳奕迅14_source-licensed_.jpg.webp)
拍攝時是8月份,Eason要穿著三件頭西裝行山,熱到想暈。
昨晚廣州尾場,Eason台上飲水,觀眾又叫又笑,Eason笑言及模仿楊千嬅係後台係「吻下來,豁出去,彷似飲左一桶水」,一句亂嗡,大家當真,竟然上了熱搜,大家都以為楊千嬅真係用桶飲水, 亂嗡的Eason知道後,也覺得搞笑,叫大家不要相信,他只不過係一時戲言,搞下笑。
![Eason在演唱會中模仿楊千嬅係後台係「吻下來,豁出去,彷似飲左一桶水」。](https://image.bastillepost.com/1200x/wp-content/uploads/hongkong/2024/01/20240108_EN_陳奕迅04_source-licensed_.jpg.webp)
Eason在演唱會中模仿楊千嬅係後台係「吻下來,豁出去,彷似飲左一桶水」。
![一句亂嗡更上了熱搜。](https://image.bastillepost.com/800x/wp-content/uploads/hongkong/2024/01/20240108_EN_陳奕迅07_source-licensed_.jpg.webp)
一句亂嗡更上了熱搜。
新一年願望, Eason昨晚在台上講,「如果快啲有個科技,可以送我喺現場周圍去,去埋後面,山上面同觀眾接觸就最好啦,好似科幻電影咁呀,我企喺一塊板上面,用磁力吸我過去,咁到時上面啲飛就可以貴過最前面,入埋包廂都重得,哈哈哈。」
![](https://image.bastillepost.com/960x/wp-content/uploads/hongkong/2024/01/20240108_EN_陳奕迅20_source-licensed_.jpg.webp)
![](https://image.bastillepost.com/960x/wp-content/uploads/hongkong/2024/01/20240108_EN_陳奕迅21_source-licensed_.jpg.webp)