Skip to Content Facebook Feature Image

駛巴士專線被抄牌 私家車主不忿拍片公審交通警反遭圍插

社會事

駛巴士專線被抄牌 私家車主不忿拍片公審交通警反遭圍插
社會事

社會事

駛巴士專線被抄牌 私家車主不忿拍片公審交通警反遭圍插

2024年01月14日 12:30 最後更新:16:22

私家車違規駛入巴士專線後,不滿被交通警察截停「抄牌」,於是拍片公審但反遭網民圍插。

(FB影片截圖)

(FB影片截圖)

該私家車司機於Facebook上載影片,顯示私家車於日前早上7:46,駛入屯門公路左一線進入青山公路。但由於當日上午7:00至9:00實施巴士專線規定,因此司機被交通警察截停及抄牌,指其違反規交通條例。

更多相片
(FB影片截圖)

(FB影片截圖)

(FB影片截圖)

(FB影片截圖)

(FB影片截圖)

(FB影片截圖)

(FB影片截圖)

(FB影片截圖)

(FB影片截圖)

(FB影片截圖)

(FB影片截圖)

(FB影片截圖)

而司機則以道路發生交通意外導致擠塞為由辯解。司機反問交通警察是否了解前方屯門公路的交通情況「咁你一個交通警察,知唔知道屯門公路前方而家係交通擠塞?」、「即係你嘅無知啊,係咪?」交通警察則回應指他們的執法區域只包括新界北,而前方的情況屬於新界南,不在其執法範圍。

司機繼續反嗆「而家已經見到前面已經有交通警去緊,亦都有隱形戰車去緊啦,網上資訊亦都係大把啦,即係香港警察、交通警察嘅資訊,都不比我一個普通市民、司機出之前做嘅confirm清楚嘅?」。交通警察重申他們有明確的執法區域「你唔可以超越咗我嘅執法區域」,司機隨後反問是否意味著他們不需要關心香港其他道路的安全,而交通警察則表示「唔係咁樣講」。

(FB影片截圖)

(FB影片截圖)

司機仍然不忿「我係有合理解釋點解我要行呢條路呢,係咪先,咁你都要堅持要去抄?」,交通警察指司機的解釋並不合理,他們有理由繼續執法,同時提議司機可以去上訴。其間,有其他交通警察也提醒「下次塞車唔好行呢度,知唔知呀?」。

司機被抄牌後,寸嘴回應「唔好收檔喎,繼續抄抄到9點喎」。他其後將影片上載企圖公審警察,卻遭受大量網民批評,不滿司機錯誤辯解並公然挑戰執法的行為。司機在短時間內關閉了留言功能,並在一小時內刪除了影片。然而,影片仍然被網民轉載,持續瘋傳,更引起熱議。

(FB影片截圖)

(FB影片截圖)

網民表示「又唔係全封,封單線都講到完全無路行咁」、「上庭唯一辯釋:香港人守法意識薄弱」、「咁嘅解釋真係唔識形容,有呢啲人做朋友真係要絕交呀」、「估唔到拍片個個咁onX,點解塞車唔行往屯門方向逆線出九龍」、「個個好似你條友咁樣諗, 香港仲使鬼需要法律」、「個Like係比阿Sir,EQ高,唔怯場」。

(FB影片截圖)

(FB影片截圖)

帖文來源:Facebook群組「屯門公路塞車關注組

Tags:

屯門公路

往下看更多文章

太古餐廳侍應「趕客」關門前15分鐘大呻兼收碟 食客投訴遭爆粗兼郁手

2024年05月26日 12:32 最後更新:13:24

有食客投訴在太古一家中菜館用餐時,遇到侍應不禮貌「趕客」,當他向經理投後,對方甚至爆粗兼動手。

(FB截圖)

(FB截圖)

侍應「趕客」客人未食完就收碟

該食客於Facebook群組「飲食黑店大全」發文,表示日前晚上8時45分進入太古康怡廣場的一家中菜館用餐,在10分鐘內點好餐,因知道餐廳關門時間為晚上10點,為了「唔阻住人收工」,於是9時45分便開始打包剩餘的食物準備離開。不過,當樓主正在打包時,一名大叔侍應卻在未經詢問下,收走枱面上有餸菜的碟「我仲夾緊嘢食落盒,大叔員工已經搶走咗隻碟」。

(FB影片截圖)

(FB影片截圖)

侍應放聲抱怨「冇人肯走呀!一個都唔願郁!」

隨後,樓主留意到該侍應站在其他食客附近,對著其他員工大聲抱怨「阿姐,冇人肯走呀!一個都唔願郁!我哋今晚要遲收工啦」,顯然是有心讓客人聽到,想趕走客人。樓主對此非常不滿「我心諗叫人走都可以好啲聲氣啫,我哋一定配合。而且我係打晒包,2分鐘內閃,距離關門仲有一段時間,咁樣未免太惡劣」。

(FB影片截圖)

(FB影片截圖)

食客向經理投訴卻遭侍應辱罵

樓主於是向經理反映「你員工咁嘅方式趕客唔係咁好」。經理將侍應帶到店外談話,侍應知道自己被投訴後,情緒激動地對樓主及同行人士爆粗。樓主不甘受辱,立即高舉手機拍攝作為證據,侍應見狀則試圖搶奪手機,並且用粗口辱罵。

(FB影片截圖)

(FB影片截圖)

食客與侍應起衝突

影片顯示,樓主問侍應「頭先講咩話?」侍應則回以「影乜X嘢相啊」,更試圖拍打並搶奪樓主的手機。經理嘗試介入拉開了侍應,侍應行開,至影片結束。

樓主指經理只是無奈表示「冇辦法,佢脾氣係唔好,你哋覺得點做點好啦」,而侍應則挑釁地對樓主說「你咪投訴我囉,屎窟鬼」。樓主表示自己從未遇過如此惡劣的服務態度,並且強調當時已經自覺打包食物準備離開,並非有意搞事。

(FB影片截圖)

(FB影片截圖)

網民指責侍應態度惡劣

帖文引熱議,不少網民指責侍應態度惡劣「呢條友確係不適合做服務行業」、「俾我會留喺度報警話佢襲擊我」、「推上報啦,影衰哂香港餐廳,想做得好都難啦」、「無大無細,呢啲伙記倒米,即炒!」、「支持你影佢, 呢啲人吾受教訓吾識尊重人尊重自己尊重自己份工!」

亦有人批評經理的處理方法

有人亦批評經理的處理方法「個阿叔唔岩但個經理都係廢,公司請你就係要你管人,個阿叔係佢面前都照咁樣做證明佢都唔怕佢」、「個經理就已經有問題啦,正常一早就應該阻止啦掛。叫佢提早收工又好炒左佢又好,點唔夠人用都唔爭在小一個咁既差劣員工啦」。

帖文來源:Facebook群組「飲食黑店大全

你 或 有 興 趣 的 文 章