羅啟豪首赴大馬雲頂登台 趁機品嘗地道美食

羅啟豪出名鍾意食嘢！

聖誕新年接job接不停嘅「英國豪」羅啟豪，日前跟肥媽同李麗霞（黑妹）去大馬雲頂處男登台，昨日（1月10日）返抵香港。英國豪分享話：「我呢個中年先入行嘅素人，以前成日喺新聞度睇到啲前輩去外國登台，特別成日聽到話去雲頂，今次可以親身有呢個體驗，感覺好得意！」

羅啟豪日前首赴大馬雲頂登台。

同肥媽合唱。

羅啟豪今次對住超過6000位觀眾演出。

狀態大勇！

不停收花！

問到有乜嘢最難忘，一向鍾意食嘢嘅英國豪話：「雲頂嘅嘢食真係多得好緊要！譬如酒店樓下係一個好大嘅商場，每一間舖頭都係餐廳！我就主要揀去食啲地道菜色，當中我學識咗咩係馬來三寶，就係奶茶配咖央多士再配近乎生嘅雞蛋送豉油！咁樣嘅配搭原來好好味，我第一次食唔知隻蛋咁生打到成手成檯都係！好醜怪！」一講嘢食即刻雙眼發晒光嘅啟豪講完食物不忘轉認真 mode：「另外最難忘嘅當然仲有肥媽同黑妹姐有呢個演出機會，佢哋成個旅程畀咗我好多有用嘅提點我，教我帶咩衫、點講嘢。另外佢哋演出方面真係好有娛樂性同埋好識帶動氣氛，自己觀察咗好多值得學習嘅嘢，希望可以學以致用。」

羅啟豪話好珍惜今次的演出機會。

座無虛席！

香港豪殼專程飛去雲頂應援。

馬來西亞豪殼！

英國豪今次對住超過6000位觀眾演出，座無虛席，當中有馬來西亞嘅豪殼，更有唔少專程由香港飛過去支持佢嘅豪殼（粉絲暱稱），為現場炒熱氣氛，同為佢活動後舉行祝捷儀式。啟豪昨日抵香港更有大班豪殼接佢機，豪殼問佢有咁多人嚟接佢機佢有咩感受，啟豪就講笑話：「我13歲離開香港嗰年，同二家姐一齊走，二家姐有成三十個朋友嚟送機，我就只係得三個，比較上嚟都有啲啲唔開心㗎！但係宜家嘅我有你哋，今時唔同往日喇！」

羅啟豪完騷後同一班豪殼相聚。

羅啟豪好感激大家到場支持！

羅啟豪趁機品嘗當地美食。

啟豪仲透露第一首自己嘅單曲，搵嚟倫永亮作曲周耀輝填詞嘅「相信 相信」，已經完成錄音並準備拍攝MV，加上呢個月之後嘅每個禮拜公司亦都為佢安排咗工作，豪殼一定好開心又會繼續不乏見到佢哋偶像嘅機會。

羅啟豪回港更有大班豪殼接佢機。

人氣強勁！

胡鴻鈞、羅啟豪及譚輝智在直播中清唱了「哥哥」張國榮的名曲。

天星娛樂總裁「陳太」陳淑芬日前在她的自媒體頻道進行直播，並邀請了胡鴻鈞（Hubert）、羅啟豪（Ramon）和譚輝智參予，一起宣傳即將在27日（下星期六）於澳門倫敦人綜藝館舉行之《星星相識．齊盡興HAVING FUN TOGETHER演唱會》。

羅啟豪、胡鴻鈞、譚輝智、 陳淑芬

三位歌手也感到非常高興可以在這個極具紀念性的演唱會中出現，和大家一起告別《陳淑芬．星星相識50年．紀念展》，演唱會名單更包括了胡楓、陳豪、馬國明、譚俊彦、陳展鵬、胡定欣、林夏薇、李思捷、阮兆祥、JW 王灝兒、周吉佩、支嚳儀、顏米羔、姚焯菲、鍾柔美、詹天文、洗靖峰及黃奕斌，大家都是非常唱得和玩得之人，必定會帶給觀眾一個愉快和難忘的晚上。

《星星相識．齊盡興HAVING FUN TOGETHER演唱會》

在直播中，Hubert、Ramon和FC輝智也提及他們有多喜愛「哥哥」張國榮，Hubert 說他以往參加比賽時曾經唱過「哥哥」的「追」；Ramon 則說非常喜愛「哥哥」的歌，特別翻唱了《為你鍾情》放在自己的YouTube頻道上作為對「哥哥」的一份致敬；輝智表示喜歡「哥哥」的慢歌包括《春夏秋冬》，在今次倫敦人綜藝館的舞台上也會和一眾好聲音歌手翻唱多首「哥哥」的經典名作，和觀眾一起懷念「哥哥」。

羅啟豪、陳淑芬 、 胡鴻鈞

狄波拉、譚輝智、 陳淑芬

三人在直播中不單止和網民玩遊戲，更清唱了哥哥的名曲，陳太即時再稱讃他們是實力唱將，也同時引來了網民的起哄，紛紛留言要求他們Encore，Hubert笑說大家只要27號晚親臨演唱會現場，便可以欣賞到他們和一眾歌手及藝人的精彩演出。

影片截圖

影片截圖