《MIRROR Time》成員寫「給MIRROR的信」分享心底話 姜濤盼將來能對一切無悔

MIRROR成員們各自寫了一封「給MIRROR的信」，並親自讀出心底話。

ViuTV節目《早享．後付 PayKool Card呈獻：MIRROR Time》逢星期一至五晚上10時30分播映。為慶祝成軍五週年， MIRROR將會第一次全員出走到澳洲享受屬於他們的「MIRROR Time」。節目中，成員會挑戰不同的遊戲，實行「贏咗有獎，輸咗要罰」的連串驚喜。旅程中，成員會回顧出道以來的心路歷程和互相分享心底話。

ViuTV節目《MIRROR Time》在今晚（1月13日）播出最後一集。

成員們各自寫一封「給MIRROR的信」，並親自讀出心底話。

當中MIRROR隊長楊樂文（Lokman）寄語大家家繼續加油。

副隊長江𤒹生（AK）感謝成員一直以來的陪伴。

今晚（13日）播出的最後一集， 成員們各自寫了一封「給MIRROR的信」，並親自讀出心底話。Lokman和AK感謝成員一直以來的陪伴，寄語繼續加油；Jeremy眼濕濕表示：「希望將來大家回想起MIRROR時都會係開心嘅回憶，珍惜每一刻相處嘅時間」；Ian指自己相信天道酬勤：「唯一可以做嘅就係努力做好要做嘅事去報答大家。我相信用一個正確嘅方法努力嘅時候，係會得到回報。好感恩有毫不吝嗇嘅支持者同有共同目標嘅身邊人」。

李駿傑（Jeremy）眼濕濕表示希望MIRROR對大家而言會是開心的回憶。

陳卓賢（Ian）指自己相信天道酬勤。

邱士縉（Stanley）真摰感性發言。

而Stanley坦言：「有時會覺得我哋太順利，跳咗啲過程，好多嘢無捱過就得到咗。相信依家係出現咗一個難關。老實講由以前一面向嘅追捧，到依家多咗好多唔同嘅質疑同討厭，無論係對於個別定係團體，因為我哋係一體，所以我都唔好過。其實你哋每個有唔同嘅成就，我都係超級戥你哋開心。因為多咗唔同作品，多啲人見到我哋，MIRROR先行前到少少」他感性地指希望成員都能夠找回造星時期的心態，簡單地為做好一件事而向前衝，一起帶領團隊向前行。而姜濤分享指：「我地來自唔同嘅成長環境，價值觀同性格完全唔同。走過呢5年嘅時光，有時會諗或者呢個係上天俾我地嘅課題同考驗。希望將來會好驕傲咁對兒孫講曾經同呢班人創造過奇蹟、嗌過交，但係都一齊開心熱血過，對呢一切都無悔」。

姜濤盼將來能對一切無悔。

成員們的感性發言，令現場所有人都聽到眼濕濕！

Sammi第10場演唱會的表演嘉賓是MIRROR成員柳應廷Jer。

天后鄭秀文（Sammi）昨晚（7月24日）在紅館舉行第10場「You & Mi 鄭秀文世界巡迴演唱會2023」（Rescheduled ），好友車婉婉與囝囝、Cookies成員吳雨霏Kary和區文詩Angela、岑寧兒YoYo、陳詠謙、歐陽靖MC Jin、天堂鳥的Gordon等捧場。表演嘉賓MIRROR的柳應廷Jer，他自製迷你盲盒扭蛋機給Sammi，透露原本想整巨型薯片包，卻被COLLAR截糊，非常搞笑。

Sammi紅館騷來到節10場了！

車婉婉與囝囝

吳雨霏Kary、區文詩Angela

歐陽靖MC Jin

岑寧兒YoYo

Sammi穿上Ralph Lauren牛仔晚裝配襯閃爆Swarovski珠寶，風騷在台上自轉，問觀眾：「今日我著咗牛仔裝，正唔正呀？轉個360度畀你睇吓，係咪好婀娜多姿呢？」觀眾大叫好索。「今晚呢位嘉賓，新與唔新之間，都算新，出道咗幾年，佢嘅唱功毋庸置疑，非常之好。幾位嘉賓不約而同都要同我合唱呢首歌，唔知點解呢？」然後音樂響起《不要驚動愛情》，全場大合唱，Jer升上舞台，他們擁抱後手拖合唱，跟四面台觀眾打招呼。

Sammi再次換新裝，穿上Ralph Lauren牛仔晚裝配襯閃爆Swarovski珠寶。

Jer升上舞台與Sammi合唱《不要驚動愛情》。

2019年MIRROR初出道時曾全隊擔任Sammi紅館「FOLLOW Mi演唱會」表演嘉賓，與Sammi演唱《默契》。昨晚Sammi與Jer合唱後對他說：「嘩，數數手指，上次同台已經係2019年，嗰次算係你哋第一次上紅館。」Jer說：「係呀，嗰次同今次感覺好唔同，上次12個人，成班傻更更，有班兄弟喺身邊陪住，今次得自己一個人特別緊張。今日綵排，同老師練咗好耐，和音同埋點樣分段唱好啲。」Sammi指他好緊張，叫觀眾給他掌聲鼓勵，「諗返自己以前去一個咁大舞台，都會好驚和腳震，但我覺得你今晚表現相當之好。」

Jer指今次只有自己一個人做嘉賓，所以特別緊張。

Jer準備了禮物給Sammi：「配合返你早前出新歌《盲盒》，特登整咗個『愉快盲盒扭蛋機』，裏面有啲關於我嘅小禮物，人型公仔啦，扭蛋裏面仲有啲神秘嘢，例如字條、祝福語、零食、糖果。（嘩，有零食我就夠）因為我知你鍾意食零食。（勁鍾意、超鍾意）其實我原本想整薯片包，畀COLLAR整咗呀！」他咬牙切齒，非常搞笑！

二人抱抱。

Jer又說：「我都好鍾意食零食，所以想將呢個小心意送畀你。仲有，時間關係，呢度已經有一隻扭蛋。」Sammi見他從褲袋拿出小扭蛋，笑說：「好似求婚咁，要送我首飾？嫁畀我啦！」Jer當然不敢，他掏出一個小公仔，Sammi說：「嘩，我老花喎，咁細。哦，公仔嚟嘅！」是Baby MIRROR的Jer公仔，Sammi笑說：「蝦我老花，好Cute，大過粒鼻屎！」全場爆笑。Jer拿出紙條說：「之前你喺一個po話過『食完有運動，無有怕，食飽先至係人生』。」Sammi將迷你Jer放入裙袋，然後落台。Jer台上獨唱由馮允謙JayFung作曲的新歌《約齊靈魂在墳墓前開生日派對》。

Jer之後獨唱新歌《約齊靈魂在墳墓前開生日派對》。

Jer之後獨唱新歌《約齊靈魂在墳墓前開生日派對》。

Encore時，Sammi穿著Tomas Chan的小背心牛仔褲配Tiffany & Co.珠寶型格登場唱新歌《盲盒》，期間不斷收禮物打亂了拍子，她立即要求重唱，自己encore自己。昨晚Fans送的禮物各色各樣，除了每晚都有的花束、薯片外，還有聖誕造型的咕𠱸，又有寫了「金像獎影后鄭秀文」的肩帶，Sammi立即戴上身，風騷轉圈讓觀眾欣賞。完騷後，Sammi孭住「薯片斜孭袋」到紅館外為Fans簽名和收禮物，幾百Fans企滿場外和火車站外，歡呼吶喊、吹哨子和唱歌，非常熱情。

Sammi在Encore時換上Tomas Chan的小背心牛仔褲配Tiffany & Co.珠寶型格登場。

並獻唱唱新歌《盲盒》。

完騷後，Sammi孭住「薯片斜孭袋」到紅館外為Fans簽名和收禮物。

幾百Fans企滿場外和火車站外等待Sammi，非常熱鬧！