馬國明告誡所有老公，「要對老婆好啲，你個老婆開心呢就旺夫㗎啦！」
新婚的馬國明《萬千星輝頒獎典禮2023》奪得馬來西亞最喜愛TVB男主角，有份主演的劇集《新聞女王》更奪得最佳戲集，他表示：「好開心啊，今年我覺得自己真係好幸運啊，因為我成日都覺得今年，其實我不嬲都係覺得我今年就算冇獎攞，我都會覺得自己贏咗㗎啦，因為我係從來未試過，最高收視嗰三套劇我自己都有份，即係我覺得我自己真係好幸運可以遇到三個咁好嘅團隊，三個劇拍出嚟都咁好睇，咁觀眾都咁鍾意，所以我覺得今年係好幸運。」
點擊看圖輯
林子善憑《隱形戰隊》奪「最佳男配角」。（本網記者攝）
本網記者攝
對於個人獎項，馬國明亦很滿意，「其實我冇諗過自己攞獎㗎，正如我頭先所講啦，我又可以拍到三套最高收視嘅劇已經好開心啦，其次就係我今晚係其實我最想林子善攞獎，佢攞獎嘅時候其實佢一路講嘢我喺台下面都有喊，但反而我自己攞獎我冇喊到，我真係好鍾意，好希望林子善可以攞到獎，結果真係如願啦，所以其實今晚所有賽果我都覺得好滿意！呢個show前其實我自己都係Tip阿Mo（陳豪）攞視帝嘅，所以今晚其他大部份嘅獎我都Tip中晒，好開心。」
本網記者攝
提到林子善得獎得爆喊，馬國明自言自己主要的功用是平伏他的情緒，「因為你知佢係幾個咁澎湃㗎啦，咁我儘量去平伏佢啲情緒啦，但係好開心㗎真係，呢位兄弟可以攞到獎對於我嚟講係開心過，就算我今晚有獎攞可能係冇佢攞咗咁開心。」問到會否與「鐵馬家族」慶祝？馬國明就表示：「要睇佢哋再約啦，因為其實大家都比較忙啲近排，要再約囉，其實可能呃睇下新年嘅時候會唔會約到啦？係呀，盡量去約啦，因為你知我哋鐵馬不嬲都好難齊人，咁樣希望會約到啦。」
林子善憑《隱形戰隊》奪「最佳男配角」。（本網記者攝）
至於和太太湯洛雯會否特別慶祝，馬國明就表示：「我諗都係食餐飯啦，我哋好簡單嘅我哋兩個，其實可以去食餐飯，咁兩個人撐下台腳已經好開心。」問到得獎後是否不用洗碗？馬國明笑言：「其實唔使洗碗嘅，其實我屋企有個工人姐姐好好我哋洗碗嘅，好多時都係譬如星期日佢放假我先會洗碗㗎啫。」
本網記者攝
問到生B計劃，馬國明表示和太太對生BB抱隨緣態度，不會強求，「就算生BB，我諗就算依家努力都要年尾㗎啦，咁但呃暫時未知啦，隨緣啦，我同個老婆不嬲都係隨緣嘅，咁有就開心啦，冇我哋都冇壓力嘅，睇下上天會唔會畀呢個禮物我哋啦，如果真係有嘅話我一定會同大家講㗎，多謝大家。」
本網記者攝
馬國明表示和太太對生BB抱隨緣態度。
問到之後會休閒還是繼續工作，馬國明透露原本一月頭要開劇，但現在劇集延遲開拍，「咁變咗我有返少少時間，但係近排屋企都比較多啲嘢忙緊，同埋我哋聽日個劇《飛常日誌》出街啦，咁我就要宣傳啦，咁希望大家幫手留意下《飛常日誌》，因為我每一個劇我有份參與，我都希望佢有好成績嘅，可能我係一個足球員啦，即係我成日覺得我係個足球員嚟㗎，咁我踢每一隊波我都會盡力去踢，亦都希望嗰對波有好成績嘅。」
本網記者攝
提到太太湯洛雯在婚前曾說過因為害羞，所以不敢叫「老公」，馬國明表示：「佢依家都嗌得好順啊，都係叫我老公咁樣囉，都好順啦，冇乜嘢啊。」問到是否冧爆？馬國明甜笑表示：「都冧嘅！你老婆叫你老公你會唔諗冧咩？」至於得到最佳衣著獎，馬國明自言從未想過竟然可以在衣著上贏陳山聰，「因為你見我咁多年都係唔會攞到呢個獎㗎嘛，但係今年第一年就係我老婆幫我揀嘅呢套衫，就攞到獎啦！所以我都話，嗱！所有老公要對老婆好啲，你個老婆開心呢就旺夫㗎啦！」
馬國明直言：「你個老婆開心呢就旺夫㗎啦！」
本網記者攝
《新聞女王》班底演員傾情聲演
為給觀眾帶來接連不斷的新鮮感，無綫近年致力打造不少破天荒類型節目，明晚（15日）翡翠台九點半線推出的《森林女王》，便是其中一個嶄新嘗試。《森林女王》改編自BBC知名野生動物紀錄片《Serengeti》，《Serengeti》系列在網絡好評如潮，除首兩季在豆瓣高開9.3及9.2評分，更於2020年在美國電影音效剪輯師協會榮獲聲音剪輯傑出成就殊榮，並獲得黃金時段艾美獎（Primetime Emmy Awards）、廣州國際紀錄片節（GZDOC）等七項提名，絕對是叫好叫座之作。
預告精彩畫面
角色分配+命名花盡心思
為了為觀眾帶來娛樂及資訊兼備的自然野生紀錄片，無綫破天荒以戲劇手法包裝，並請來去年熱播台慶劇《新聞女王》的演員傾力作粵語聲演，包括（排名不分先後）「佐治」馬國明、「Cathy」高海寧、「劉艷」王敏奕、「曉薇」何依婷、「飛爺」鄧智堅、「方太」龔慈恩、「Bella」郭柏妍、「Ivan」何廣沛、「芷瑤」陳曉華、「姍姍」何沛珈、「Cyrus」孔德賢、馬貫東、路芙、繆家慶、譚俊彥及陳山聰；有趣的是，《森林女王》跟《新聞女王》一樣以「弱肉強食」的背景世界作基調，並同樣以描寫女性角色為主；為了令觀眾更易代入，製作組找來《新聞女王》班底聲演之餘，每人的角色分配及命名亦是花盡心思；由《新聞女王》班底演員飾演的動物，大部分沿用各人在劇中「原裝」名字之餘，就連角色性格也是同出一轍。
記者會大合照
先以馬明聲演的「獅子王」佐治為例，同樣是「阿頭級」之餘，兩個佐治均具備賴皮特色；而敏奕聲演的「非洲母獅」劉艷，與劇集原裝角色的共通點更為明顯，兩者都是喜愛走出固有框架、以自己相信及堅持的理念達到目標，且是「不到黃河心不死」的類型。另一與劇集角色同出一轍的還有鄧智堅聲演的「飛爺」，作為陰險狡猾的野狗，「飛爺」目標明確、甚懂生存之道；為了在森林中爭一碗飯吃，他游刃有餘、靈活懂變通，亦不會濫殺無辜，性格鮮明。節目另一亮點，是陳山聰將越洋聲演最強獅子王—「黑面死神」，據知相關角色相當厲害，雖然與山聰在《新聞女王》中的角色沒有關係，但卻對「森林女王」之爭有著一定影響力，敬請密切留意。
記者會大合照
戲劇元素豐富的紀錄片 何廣沛驚變「肉麻情歌王」
雖然是紀錄片，但《森林女王》中的戲劇元素相當豐富，除了劉艷、曉薇及Cathy會各出奇謀爭做「森林女王」，還有不少細緻感人、出人意表，及驚喜甜蜜的感情線，當中尤以馬明與敏奕的「獅子CP」，何廣沛及何沛珈的「狒狒CP」最令人印象深刻。先說「獅子CP」，為了反抗獅子族群老掉牙兼不公平的「一夫多妻」制，劉艷竟背著老公佐治與情人誕下四名小獅子，之後更大玩「離家出走」。而看似霸道愛面子的佐治，最終因為一個原因竟願意包容劉艷「忍氣吞聲」，劇情發展峰迴路轉。至於「狒狒CP」，最令人印象深刻的，除了有馬貫東聲演的老狒爺亂入玩搶妻，廣沛在劇中還要經常開金口唱情歌，極盡肉麻搞Gag之能事，萬勿錯過。
何依婷聲演眼高手低、一世靠母蔭的新上位鬛狗「曉薇」。
郭柏妍聲演沉穩冷靜、千里尋B的斑馬媽媽「Bella」。
龔慈恩聲演德高望重、冷靜睿智的大象女族長「方太」。
何廣沛聲演油膩又暖心的「金曲王」狒狒「Ivan」。
何沛珈聲演狒狒Ivan太太「姍姍」。
馬貫東聲演霸道橫蠻的大奸角老狒爺。
陳山聰越洋聲演最強獅子王—「黑面死神」。
無綫娛樂新聞台日前獨家直擊一眾演員配音情況，為了完美還原《新聞女王》經典角色的特色，高Ling及堅叔可謂施展渾身解數。聲演高傲又進擊的怪獸家長級獵豹Cathy的高海寧（高Ling），正式埋位前還盡最後努力還原Cathy神態，配音前10分鐘仍在努力讀稿「攞番Cathy個感覺」，高Ling說：「我配音時會忍唔住演番Cathy啲眼神，我唔識點樣就咁用聲去演一個角色，所以覺得配音員好勁。」高Ling更笑言配音耗盡精力，一度餓得肚子打鼓！而聲演野狗的鄧智堅，則特意黐了「飛爺鬍鬚」、戴上「飛爺眼鏡」及招牌珍珠奶茶幫助投入飛爺世界，相當認真。堅叔說：「做幕後配音都要成個造型畀埋出嚟，咁先攞番個感覺！」堅叔坦言是次任務頗有難度，幸好之前曾參與真人騷《好聲好戲》，累積了一定訓練及經驗。
高海寧聲演自視過高的怪獸家長型獵豹「Cathy」。
鄧智堅聲演陰險狡猾、為求一啖飯不擇手段的野狗「飛爺」。
自揭訓練班時學過配音 馬明自爆鍾意做衰人？
至於聲演賴皮愛面子的獅子王的馬明，則刻意壓低聲線配音，初次接觸配音的他更大嗌好玩：「我鍾意配啲好衰嘅角色，可以變聲，過癮啲！」他續指當年參加藝員訓練班時學過配音，但之後卻未有機會接觸配音工作：「當再嘗試吓、再學吓，話唔定第時有動漫配吓，都幾好玩！」至於聲演高Ling獵豹囡囡芷瑤的陳曉華，與原裝角色一樣事業心重，並一心想要繼承母業成為「森林女王」。為了凸顯角色硬朗感，陳曉華刻意壓低聲線配音之餘，更邊配邊手舞足蹈幫助投入角色：「我覺得都要浮誇啲去演繹件事，唔可以咁平淡去講。」
馬國明聲演聲大大冇貨賣的獅子王「佐治」。
王敏奕聲演堅持原則、力抗固有框架的非洲母獅「劉艷」。
陳曉華聲演一心承繼母業的雌性獵豹「芷瑤」。
