新片《紅豆》獲兩大男神包圍 鄧麗欣笑「細佬」魏浚笙好煩

魏浚笙和朱鑑然在《紅豆》中分別飾演鄧麗欣的細佬及男友，被指艶福不淺的鄧麗欣則笑言有苦自己知。

電影《紅豆》於1月19日中午在清水灣電影製片廠舉行開鏡儀式，監製朱嘉懿、𧝁嘉珍及新晉導演鄒穎率領一眾演員陣容出席開鏡拜神，祈求拍攝順利。出席演員包括：任達華、鄧麗欣（Stephy）、魏浚笙（Jeffrey）、龔慈恩、方平及朱鑑然，充滿新鮮感的實力演員組合，讓人為之期待。電影主要講述任達華、龔慈恩，鄧麗欣、魏浚笙一家四口，在九龍城這個社區開設糖水舖期間所經歷的喜怒哀樂。

電影《紅豆》舉行開鏡儀式。

Stephy在新片中與兩大男神Jeffrey及朱仔有對手戲，Jeffrey飾演其親弟弟，而朱鑑然飾演其男友，被兩男神包圍的Stephy被笑指艶福不淺。而Stephy則笑言有苦自己知，因為弟弟Jeffrey在片中「煩到暈」，而嗌交方面更是「冇得輸」，Stephy指：「佢係一個好煩嘅合作伙伴，因為佢好適合呢個角色，係一個好稱職嘅細佬，佢由戲外已經開始呢個情緒，不斷成日叫我家姐，『家』到我頭都暈埋！好配合個角色，我同佢喺戲內成日嗌交！」Jeffrey則謙稱自己拍攝中學到很多：「呢部電影係比較寫實，入戲之後盡量自然流露，所以有得鬧家姐，一定盡情鬧！」Stephy聽後笑言：「佢都忍咗好耐喇！」

魏浚笙

朱鑑然

據知兩姊弟更要為角色增磅演出，而Stephy則透露增肥有困難，並於新片中接近素顏演出，電影中的一家四口其實充滿矛盾，因為潮州父親任達華重男輕女，引致父女關係矛盾不少。

朱鑑然、鄧麗欣、任達華、魏浚笙

此外，影帝任達華及龔慈恩在片中分飾Stephy及Jeffrey的父母兼糖水舖老闆，兩位前輩對一對仔女讚口不絕。華哥笑言：「每日拍攝學習炒紅豆幾個鐘，好彩有片中太太龔姐俾手仔我摸，先滋潤返！」身旁的龔慈恩笑言，真正滋潤華哥的是其太太琦琦，因琦琦每日會煲湯給他帶到片場：「華哥戲內戲外也疼錫太太，戲中不會讓我拿重物，連行街也需要走在前面保護，相當體貼。華哥真係瓣瓣掂，入廚得、運動叻。」而身為馬主的華哥，愛駒日前勝出獎金近百萬，但他卻苦笑無福消受：「當日冇落注，因為拍攝期間教緊鄧麗欣煮紅豆，呢袋紅豆真係幾貴架！哈哈！不過最緊要好運常開，隨遇而安。」

任達華與龔慈恩在片中飾演夫婦。

任達華

電影《紅豆》故事講述「紅豆生南國」，張興一家四口的「紅豆」故事發生於多元文化的九龍城。一個潮州怒漢式的父親、一個剛中帶柔的母親、為夢想要高飛的女兒、不安又不羈的兒子⋯揭開了一幕幕充滿喜怒哀樂的篇章，讓你細味品嚐糖水舖及周遭的人情冷暖。「有愛」既澀也甜，「傳承」去留聚散。紅豆不但惹相思，更是張興記在變幻洪流中的一片天⋯

朱鑑然、鄧麗欣、任達華、魏浚笙

《紅豆》講述九龍城一間糖水舖內的故事。

天后鄭秀文（Sammi）為鼓勵新晉歌手，身體力行，分享自己紅館「You & Mi 鄭秀文世界巡迴演唱會2023」（Rescheduled ）舞台，讓更多人認識他們。

日前在第五場（7月17日）演唱會，Sammi邀請「第42屆香港電影金像獎」「最佳原唱歌曲」得獎電影《填詞L》主題曲《填詞魂》作曲兼主唱者謝雅兒擔任表演嘉賓。當晚視后佘詩曼、陳健安與唱片監製賴映彤、電影《填詞L》導演兼《填詞魂》作詞人黃綺琳、何嘉莉Lillian、陳嘉寶Anjaylia、蔡皓然Scott、洪瑞珙、DJ主持森美、吳嘉熙Cheronna與賴慰玲和KOL薑檸樂等捧場。

陳嘉寶、吳嘉熙、賴慰玲

佘詩曼

Sammi身穿Monica Ivena香檳色水晶高級訂製晚裝亮相介紹謝雅兒出場，雅兒說：「阿媽，我得咗啦！」全場歡呼。Sammi攬住她說：「嘩，你緊張到成個人震晒，起晒雞！唔使驚，大家都會支持你，每個人都有做過新人嘅階段，每個人都需賈被肯定、被認可，今晚舞台就同你分享，希望你盡情展現自己。」即使Sammi的長裙不便走動，但她仍不理儀態一手抽起裙擺，一手拖住雅兒走勻舞台合唱《默契》。

Sammi身穿Monica Ivena香檳色水晶高級訂製晚裝亮相.

Sammi攬住謝雅兒。

Sammi拖住雅兒走勻舞台合唱《默契》。

之後雅兒激動感謝Sammi提攜，並說：「我細個屋企比較窮，只收藏一隻唱片，就係Sammi嘅《終身美麗》。我媽媽依家應該喊晒！」Sammi開心表示：「你咁有taste，所以今晚得到呢個機會。今年金像獎頒獎禮見到你攞獎我好感動，諗返我自己喺金像獎呢個旅途上都掙扎咗好多年，見到你攞獎嘅激動、真情流露，唱歌時嘅真摯，深深打動我！我哋都係追夢、都係夢想成真嘅人，所以唔好放棄！」雅兒獨唱《填詞魂》時，觀眾大叫「加油」，場面感人。

雅兒感激Sammi提攜。

Sammi開心表示今年金像獎頒獎禮見到雅兒攞獎她亦好感動。

雅兒獨唱《填詞魂》時獲觀眾大叫「加油」。

至於昨晚（7月19日）Sammi第六場演唱會，好友梁詠琪GiGi、電影美術指導兼導演文念中、馮允謙、雲浩影、譚旻萱Mandy、劉沛蘅Hillary、林熙彤Hazel、許恩怡Natalie和ANSONBEAN等捧場。其中Sammi回顧過去十次提名而落選金像獎最佳女主角獎的電影歌曲和感言時，觀眾席上GiGi感動落淚。

梁詠琪

馮允謙、梁詠琪

馮允謙

劉沛蘅、譚旻萱、許恩怡、林熙彤

ANSONBEAN

Sammi昨晚又換新裝，她穿著Robert Wun Couture特別訂造的紫色長裙，介紹表演嘉賓鄧麗欣（Stephy）出場合唱《親密關係》，唱畢Sammi笑指Stephy新封號，「你依家叫『蜜桃臀』喎，咁勁嘅，係咪執過嚟？（我要學你嘛！）我邊有？我巨臂、我大隻之嘛！（我練錯咗地方）」兩人大笑。她們雖然工作上幾乎沒有交流，但私下卻經常IG私訊分享飲食喜好。

Sammi穿著Robert Wun Couture特別訂造的紫色長裙登場。

與嘉賓鄧麗欣合唱《親密關係》。

Sammi與Stephy雖然工作上幾乎沒有交流，但私下卻經常IG私訊分享飲食喜好。

Sammi拿出禮物盒，「平時係嘉賓送禮物畀我，但我今日有嘢送畀你。你同我一樣好鍾意食啲又脆又乾嘅嘢，又唔鍾意飲水，濕嘅嘢、有汁嘅嘢我唔鍾意食。」 原來是一串Sammi親手製作的水泡餅頸鏈，還即場替Stephy戴上，「係咪好有心思？我親手揀、親手串，搞成晚架啦！」Stepy好欣賞，「中間有窿嗰啲特別好食架！」Sammi鼓勵她：「聽講你復出唱返歌，大家畀多啲掌聲！」然後Stephy演唱《不要離我太遠》。

Sammi送Stephy親手製作的水泡餅頸鏈。

還親手替Stephy戴上。

Sammi亦鼓勵Stephy復出唱歌。

完騷後，Sammi走出紅館與歌迷打招呼，還替他們帶來的新唱片《SOUND OF MI》簽名，然後來回跑向逾百歌迷講晚安，場面熱鬧。

Sammi完Show後更走出紅館與歌迷打招呼。