陳蕾首登紅館一開三場即秒爆 宣佈終極加開一場

陳蕾：「終於有少少飛畀朋友！」

陳蕾今年好成績好消息一單接一單，勢如破竹勢​​不可擋，1月22日喜極宣佈3月保誠保險呈獻 陳蕾演唱會 2024 《念》，再加開3月2日一場作為首場！門票今個星期五 26日 於城市電腦售票網公開發售！相信對很多撲不到飛的歌迷朋友們來說是極大喜訊。

陳蕾今年好成績好消息一單接一單，勢如破竹勢​​不可擋

喜極宣佈3月保誠保險呈獻 陳蕾演唱會 2024 《念》

對於首次紅館演唱會，一開三場即秒爆，還再加開，陳蕾直言可能這是就是所謂天意，「本來真係冇期，得三場，但運氣不錯啦，突然又收到通知話有時間比到我哋，咁同公司研究過之後，又唔想俾自己咁大壓力，所以決定加開多一場。」

對於首次紅館演唱會，一開三場即秒爆，還再加開，陳蕾直言可能這是就是所謂天意

問到她知不知道很多歌迷仍撲不到飛，黃牛飛即開天殺價？「我真係唔係好知出面情況呀，咁今次可以加開，希望令大家有再多啲空間去買到我個演唱會。確實係內部認購時，我張海報都仲未出街，就已經爆咗！我好多朋友喺我出咗演唱會poster後，先嚟問我訂飛，我一張飛都幫唔到佢哋，依家加多場，對我嚟講某程度上都係好事，我終於可以有少少飛俾自己嘅朋友，可以睇到我嘅第一次紅館演唱會。」

今次可以加開，希望令大家有再多啲空間去買到個演唱會

雖然三月才開騷，但陳蕾表示，已經好努力去閉關，全副精神都放喺為演唱會作準備上，無論心情、體能、同表演內容，都進行得如火如荼，但就未必有關於演唱會製作可以透露住，她笑道，「入嚟睇啦，嚟到咪知囉！祝大家26號買到飛啦！」

陳蕾表示，已經好努力去閉關，全副精神都放喺為演唱會作準備上，無論心情、體能、同表演內容，都進行得如火如荼

保誠保險呈獻 陳蕾演唱會 2024 《念》日期：2024年3月2至5日

時間：晚上8時15分

地點：紅磡香港體育館

票價：$880/ $680/ $480

主辦單位：Warner Music Hong Kong

3月2日 加場門票

公售日期及時間：2024年1月26日10:00  城市電腦售票網

( 售完即止)

陳蕾承諾將辦更大型演唱會，以歌曲回饋歌迷沿路支持！

陳蕾剛在歐洲放假回港即火速重投工作，日前於澳門上葡京綜合渡假村，為澳娛綜合主辦的《澳娛綜合陳蕾凡星音樂會》演出。與澳門歌迷一別八年，陳蕾專程為澳門fans精心挑選歌單，唱了一些香港演唱會從未唱過的歌曲，台下觀眾反應熱烈，完場時觀眾更不停大嗌encore，陳蕾說：「多謝你哋嘅熱情，快啲同主辦反映，希望好快可以係個更大嘅場地，開個規模更大嘅演唱會。」

陳蕾八年後重臨澳門舉辦首個個人音樂會。

陳蕾為澳門fans精心挑選歌單。

澳門大大小小演出，陳蕾有不少經驗，但談到個人音樂會，今次《澳娛綜合陳蕾凡星音樂會》可說是陳蕾首個在澳門的個人騷，而為答謝澳門粉絲不離不棄沿路支持，陳蕾挑選了不少cover兩曲，說：「對上一次澳門個人演出，大約係八年前，當時喺一間cafe，所以今晚嘅音樂會，特別挑選一啲冇係香港演唱會唱嘅歌曲，好似《魔幻季節》、《This Love》、 《反方向的鐘》、《前前後後左左右右》及《面具》等，呢啲歌真係好耐冇唱，因為香港演唱會會有主題，歌曲選擇上要有關連，今晚歌單真係為今次澳門特定。」唔少得當然還有日文歌《惡魔之子》，陳蕾直言之前為演唱會練得辛苦，所以決定重新編曲的鋼琴版送給澳門歌迷。

台下觀眾反應熱烈！

今次《澳娛綜合陳蕾凡星音樂會》是陳蕾首個在澳門的個人騷。

音樂會觀眾反應熱情，一時大叫陳蕾好靚女，一時又會在台下歡呼大叫，陳蕾在首唱剛推出的新歌《五瓣玫瑰》時，腳踏七吋粗高踭鞋的她，在看到台下fans的燈海、熱情，最終也按耐不住，履行「歌迷跳我跳」承諾，在台上配合音樂，唱跳了新歌《五瓣玫瑰》及《伸縮自如的愛》，最後在唱今次音樂會主題同名《凡星》時，台下歌迷更是不捨大叫encore，最後陳蕾承諾大家會爭取盡快再到澳門開騷，辦一個更大型的演唱會報答澳門歌迷。

陳蕾承諾將辦更大型演唱會。

以歌曲回饋歌迷沿路支持！