「唱作王子」馮允謙Jay新歌《All That I Want(feat. Marf邱彥筒)》邀請女團COLLAR成員Marf合作。
Marf早在三年前擔任選秀節目評判時,看過她表演後Jay已密謀合作。身為馮允謙(Jay)超級Fans的Marf,得知消息後當然又興奮又緊張,在日本拍團綜時收到Demo後愛不釋手,日夜狂煲。早前他們為新歌拍攝MV,期間在只有攝氏7度的山頂取景,現場寒風刺骨,穿著low-cut短裙的Marf凍到臉青手震。每次拍完一個鏡頭,Jay立即將外套披在Marf身上,又給她暖爐和暖包取暖,還勸她換另一套較保暖的服裝卻被拒,Jay坦言好心痛!
![馮允謙與Marf合作新歌《All That I Want(feat. Marf邱彥筒)》。](https://image.bastillepost.com/1200x/wp-content/uploads/hongkong/2024/01/20240124_EN_馮允謙_Marf02_source-licensed_.jpg.webp)
馮允謙與Marf合作新歌《All That I Want(feat. Marf邱彥筒)》。
觀看相關影片按連結:https://youtu.be/iF1I_cw8Ul0?si=c_2z9vOXMs50IwJ1
新歌《All That I Want》由Jay作曲,陳詠謙填詞,NicTsui編曲,T-Ma監製,特別嘉賓Marf featuring。點解有今次合作?Jay興奮地說:「因為Marf好正!兩(三)年前我有機會做《全民造星IV》第四輪比賽嘅評判。佢第一個表演我就已經覺得佢好Charming、好正,所以當時就諗要同佢合作一首歌。」Marf說:「收到呢個消息嘅時候我喺日本拍緊團綜,同時亦收到Demo,然後全程喺日本,每次搭車我就狂Loop 呢首歌,當時個Demo係英文版,我好鍾意,好期待,好開心。」Jay問她想不想唱埋英文版?她立即點頭說:「梗係想啦!」
![Jay指三年前做《全民造星IV》第四輪比賽評判時,已經覺得Marf好Charming。](https://image.bastillepost.com/900x/wp-content/uploads/hongkong/2024/01/20240124_EN_馮允謙_Marf06_source-licensed_.jpg.webp)
Jay指三年前做《全民造星IV》第四輪比賽評判時,已經覺得Marf好Charming。
![Marf則表示收到Demo時正在日本拍團綜,所以每次搭車就狂Loop這首歌。](https://image.bastillepost.com/900x/wp-content/uploads/hongkong/2024/01/20240124_EN_馮允謙_Marf07_source-licensed_.jpg.webp)
Marf則表示收到Demo時正在日本拍團綜,所以每次搭車就狂Loop這首歌。
今次MV有三個主要場景,第一個場景是Jay和Marf邂逅的黑膠唱片店,他們在店內挑選了同一張唱片播放同一首歌,齊齊進入幻想世界。雖然是在布置的場景,但他們見到現場的黑膠碟和唱碟機都非常開心。Marf:「我鍾意黑膠碟,但屋企未有位放黑膠碟機。我亦好鍾意黑膠碟封面設計,通常都好靚。我好想喺啲二手或者唔再聽嘅黑膠碟上用水彩畫畫,然後掛喺牆上做布置。」Jay說:「咁樣會好靚喎!我自己都好鍾意黑膠碟,但都好似你咁無地方攞放碟機。喺加拿大嘅時候,如果遇到我鍾意嘅Artist出黑膠碟,都會買嚟收藏,希望有一日自己擁有唱碟機時可以播。黑膠碟嘅音樂質素好高。」Marf說:「我好享受睇住支唱針,由外到內慢慢移動。希望有一日你(Jay)會出黑膠碟,希望到時有部機可以聽。」
![MV中有三個主要場景。](https://image.bastillepost.com/1200x/wp-content/uploads/hongkong/2024/01/20240124_EN_馮允謙_Marf05_source-licensed_.jpg.webp)
MV中有三個主要場景。
![第一個場景是Jay和Marf在黑膠唱片店內邂逅,他們在店內挑選了同一張唱片播放同一首歌。](https://image.bastillepost.com/900x/wp-content/uploads/hongkong/2024/01/20240124_EN_馮允謙_Marf09_source-licensed_.jpg.webp)
第一個場景是Jay和Marf在黑膠唱片店內邂逅,他們在店內挑選了同一張唱片播放同一首歌。
![然後齊齊進入幻想世界。](https://image.bastillepost.com/1200x/wp-content/uploads/hongkong/2024/01/20240124_EN_馮允謙_Marf11_source-licensed_.jpg.webp)
然後齊齊進入幻想世界。
接著到山頂繼續拍攝,當日寒流襲港,戶外只有攝氏7度,山頂又大風又凍,穿著厚厚西裝大褸的Jay都凍到牙關打震,更何況穿著白色低胸短裙的Marf。導演每次叫Cut機,Jay立即將外套披上Marf身上,工作人員亦馬上為她再披毛毡頸巾,還有熱水、小暖爐和暖包保暖。
![二人接著到山頂繼續拍攝,但當日寒流襲港,戶外只有攝氏7度。](https://image.bastillepost.com/1200x/wp-content/uploads/hongkong/2024/01/20240124_EN_馮允謙_Marf14_source-licensed_.jpg.webp)
二人接著到山頂繼續拍攝,但當日寒流襲港,戶外只有攝氏7度。
![Jay穿著厚厚西裝大褸仍凍到牙關打震。](https://image.bastillepost.com/1200x/wp-content/uploads/hongkong/2024/01/20240124_EN_馮允謙_Marf16_source-licensed_.jpg.webp)
Jay穿著厚厚西裝大褸仍凍到牙關打震。
![穿著白色低胸短裙的Marf亦凍到臉青手震,每次cut機,Jay都立即將外套披上Marf身上。](https://image.bastillepost.com/1200x/wp-content/uploads/hongkong/2024/01/20240124_EN_馮允謙_Marf17_source-licensed_.jpg.webp)
穿著白色低胸短裙的Marf亦凍到臉青手震,每次cut機,Jay都立即將外套披上Marf身上。
事後,Marf笑說:「頭先Jay係咁問『依家幾多度?』我話唔好再問啦!其實前日我拍其他節目時已經覺得戶外好凍,心諗後日拍MV我死梗。今日啲衫係我同Stylist一齊揀,當時無諗過今日咁凍,因為wonderland吖嘛(幻想世界),啲衫要有呢種感覺,靚啲,所以我今日已經做好咗凍死嘅心理準備。」她又笑言凍到一個階段已經沒有感覺。Jay說:「我心痛呀,喺山頂只得7度,超凍。我同Marf講咗好多次『不如唔好著呢條裙啦』雖然好靚,但我真係唔想因為拍MV而令佢冷襯、感冒!」Marf說:「Jay不停問我『Are You Sure?』出到嚟靚就得!」Jay歎謂:「愛靚唔愛命!」
![Marf笑言已經做好咗凍死嘅心理準備。](https://image.bastillepost.com/1200x/wp-content/uploads/hongkong/2024/01/20240124_EN_馮允謙_Marf27_source-licensed_.jpg.webp)
Marf笑言已經做好咗凍死嘅心理準備。
![Jay多次叫Marf換裙,但都被拒絕,令他忍不住歎謂:「愛靚唔愛命!」](https://image.bastillepost.com/900x/wp-content/uploads/hongkong/2024/01/20240124_EN_馮允謙_Marf26_source-licensed_.jpg.webp)
Jay多次叫Marf換裙,但都被拒絕,令他忍不住歎謂:「愛靚唔愛命!」
最後一站是在人稱「熱九」的懷舊巴士內拍攝,Jay表示小時候回港探親曾經坐過,Marf表示只有在海洋公園見過展覽品。他們不但在車廂內取景,巴士更行駛了一段路,讓他們感受一下。
![最後一站是「熱九」的懷舊巴士內拍攝。](https://image.bastillepost.com/1200x/wp-content/uploads/hongkong/2024/01/20240124_EN_馮允謙_Marf43_source-licensed_.jpg.webp)
最後一站是「熱九」的懷舊巴士內拍攝。
![Jay指小時候回港探親曾經坐過。](https://image.bastillepost.com/1200x/wp-content/uploads/hongkong/2024/01/20240124_EN_馮允謙_Marf29_source-licensed_.jpg.webp)
Jay指小時候回港探親曾經坐過。
![Marf則表示只有在海洋公園見過展覽品。](https://image.bastillepost.com/1200x/wp-content/uploads/hongkong/2024/01/20240124_EN_馮允謙_Marf28_source-licensed_.jpg.webp)
Marf則表示只有在海洋公園見過展覽品。
拍攝結束前,Jay送Marf自己最新的唱片《IN GOOD TIME》,還寫了留言和簽名,他細心講解唱片以時鐘設計概念,Marf很高興。Jay笑說:「放粒電池入去,個鐘就會郁,你可以放喺屋企做擺設,亦可以見到我個靚仔樣!」Marf興奮地說:「好嘢,呢個係我新屋,除咗我之外,第一位Artist嘅物品。」Jay說:「我係第一個?」他還再三叮囑必須放入電池,否則時鐘不會動。Marf說:「唔行都好架,IN GOOD TIME嘛,永遠都喺個Good Time度囉!」Jay說:「咁佢行咪更好,每時每分都IN GOOD TIME囉!」
![](https://image.bastillepost.com/1200x/wp-content/uploads/hongkong/2024/01/20240124_EN_馮允謙_Marf30_source-licensed_.jpg.webp)
![Jay](https://image.bastillepost.com/1200x/wp-content/uploads/hongkong/2024/01/20240124_EN_馮允謙_Marf31_source-licensed_.jpg.webp)
Jay
![拍攝結束,Jay送了自己最新的唱片《IN GOOD TIME》給Marf。](https://image.bastillepost.com/1200x/wp-content/uploads/hongkong/2024/01/20240124_EN_馮允謙_Marf45_source-licensed_.jpg.webp)
拍攝結束,Jay送了自己最新的唱片《IN GOOD TIME》給Marf。