尖沙咀街頭有至少10名身穿紅旗袍的大媽，包圍一架停泊在路邊的林寶堅尼，瘋狂影相打卡，網民驚呼「大媽扮車模」。
(FB圖片）
有網民於Facebook群組「地板友」上載照片，並附上「車主快啲返嚟啊！你部車俾人夜繽紛緊呀！」急召車主。事發地點為尖沙咀，照片顯示有10名以上的大媽們，身穿同款花紋的紅色旗袍，頭梳髮髻，站在一輛綠色的林寶堅尼周圍，擺出各種婀娜多姿的姿勢，讓同行的攝影師拍照，就如專業的「車模」。他們一旁還有行李喼和購物袋，疑似是遊客。
(FB圖片）
照片引熱議，不少網民認為畫面相當驚嚇「呢個紅色襯呢個綠色，似盂蘭夜繽紛多啲」、「成班老妖怪」、「女子十二恐慌」、「車主唔敢返去，以為見到嘢」、「七月十四咩，咁猛鬼嘅」、「件衫好核突囉，靚女都未必carry到」、「件衫好l核突囉，靚女都未必carry到」、「車主呢一刻喺隔離，我相信佢都唔敢走埋去」。
有人則猜測「其實會唔會，架車喺佢哋租返嚟影相呀？人哋有晒攝影師架喎」、「有無諗過其實佢就係車主」、「有埋攝影師，一睇就知係車主比佢地影」、「可能大媽先係車主」。
(FB圖片）
有網民突破盲腸，將焦點放在車牌「YXX WXX(你贏）」上，「唔係You win⋯係輪住Win」、「車主Win咗班大媽，你唔係唔記得阿姨我不想努力了嘛！咁多阿姨，富可敵國」、「我諗車主唔介意，佢寫到明You Win」、「今次真係 you win 嗱」、「依個車牌⋯有聲嘅？跟住就俾人昇爆架啵？！」、「今次真係俾人贏哂」、「大媽又贏了」。
(FB截圖）
帖文來源：Facebook群組「地板友 Flat Out Club」
有民眾於太子街頭目睹一名猥瑣男當街「咸豬手」非禮女童，縱然女童不斷推開男子及慘哭，一旁母親仍懵然不知。事件引全網震怒。
FB圖片
猥瑣男「咸豬手」非禮女童 目擊者誤以為父女打鬧
該網民於Facebook發文，表示日前於太子地鐵站旁的麵包店門口，目擊一名男子疑似非禮女童。當時身穿連身裙的女童拖著母親的手在走路，男子則與她們並列而行，更一邊行一邊摸女童的屁股。雖然男子行徑過分，女童亦表現不安「摸到個細路女推開佢隻手同埋喊」，但由於女童與母親同行，樓主誤以他們是一家三口，以為父女二人在打鬧，故沒有上前制止。
目擊者折返欲揭發惡行 母親懵然不知 猥瑣男失踪影
及後，樓主見三人一同走進一家藥房，更確信「以為佢哋一家人，跟住行過咗佢哋」。不過很快，樓主在良心的驅使下折返「跟住諗咗一輪，所以返轉頭搵嗰個女人點都想提一提醒佢小心佢老公」，可惜的是此時男子已失去蹤影「我問嗰個女人原來佢唔識嗰個男人，佢完全唔知個女俾人摸囉」。
FB圖片
目擊者感自責稱已通知巡警
樓主對此心感自責「激死呀，我應該要拍片影埋佢正面」、「其實就算係親生老竇咁樣摸，我都應該捉住咗佢先，我唔應該咁糾結」；並表示「見到巡警有同警察講咗，俾咗相佢哋睇，叫佢哋留意呢個人」，但警察指「報案要時機，當時就應該即刻報」。
示意圖
事件引起全網震怒
帖文引熱議，網民激動表示「我喺到會衝上去捉住佢落地砌」、「覺得報警都唔夠，應該要攪大件事佢，起碼要有東張西望報道，跟住全城關注，咁啲警察先會落力去捉人」、「咁樣隨街非禮兒童，好嚴重」、「我日日都喺嗰邊，見到一定的起佢，大把兄弟同佢慢慢玩」。
有人則指責母親警覺性低「個亞媽咁攪笑，有個男人行到咁貼個女佢都唔知，佢對眼剩係向前望」、「個阿媽咁冇警覺性。有人行咁近行咗咁耐都唔知？」、「唔x係呀，黐到咁實都唔知有個男人喺隔籬」、「佢阿媽有無望過其他方向架？正常行行下有個唔識既男人行咁近俾我都會彈開啦點會企咁耐都唔覺有問題？」、「個老母係咪弱智㗎？個女俾人咁樣非禮都唔知？」
設計圖片（非當事人）
網民懷疑母親認識猥瑣男
有網民提出了細思極恐之處「明顯係一家人啦，電視都做過啦，個阿媽討好個老襯咪俾個女人地搞囉」、「反而覺得係一家人，不過個女人吾認姐，應該問個小朋友比較好」、「有冇諗過個女人講大話話唔識個男人呢？可能真係確實唔係佢老公，但係唔係唔識㗎囉」。
帖文來源：Facebook
