影片製作平台開張不足1個月玩完 張致恒老婆狂呻將唔做嘢原因合理化

張致恒和老婆雯雯開設的影片製作平台不足一個月就宣布玩完，雯雯更發文狂呻，指因為要湊仔所以兩公婆都不能外出工作。

有「離婚界KOL」之稱的張致恒（Steven）和老婆區燕雯（雯雯）結婚四年抱四，但長期經濟困難，雖然間中有好心網民施以援手，但一家人生活依然拮据，張致恒更曾被KOL Sean賴皮拒還債，更自言為湊仔而辭去情趣用品店的工作，直接做「伸手黨」求網民助養他們一家。雖然兩公婆曾宣布開設影片製作平台搵銀，張致恒又曾發文表示自言覺得對唔住雯雯，透露想為雯雯補影婚照、補辦婚禮。正當大家以為張致恒一家的生活會慢慢步上正軌，兩公婆突然宣布影片製作平台玩完，雯雯更發文將唔做嘢的原因合理化！

兩公婆四年抱四。

張致恒曾發文表示自言覺得對唔住雯雯，透露想為雯雯補影婚照、補辦婚禮。

張致恒與雯雯在1月中宣布開設影片製作平台，但開張不足一個月宣布「玩完」，兩公婆齊齊在IG宣布「因與Uglyfamily網站投資者工作理念不合，所以已經終止所有合作！多謝大家嘅支持」，但未有提及會否退款給之前已付月費的會員，同時關閉留言功能。

兩公婆在1月中宣布開設影片製作平台搵銀。

雯雯當時曾稱公司是由他們二人開設。

公司網站以兩公婆的結婚照做首頁Banner。

不過開張不夠一個月就宣布玩完。

未知是否因為兩公婆再次變「無業」而被網民追擊，雯雯之後在IG Story大吐苦水，「其實我覺得都幾搞笑，如果能夠出到去做嘢，兩個人唔會唔出去做，但係確實一個大人係唔能夠照顧四個咁細嘅小朋友。呢個係我哋冇安排好，但係我哋已經努力一步一步咁解決緊，我只係覺得好搞笑，點解不斷話我哋唔工作，正常唔會坐喺屋企唔做嘢囉！」

區燕雯IG Story圖片

雯雯不但將唔做嘢的原因合理化，還表示：「就算有幕前嘅工作都係一份工作，唔通有人投資、有人俾機會唔去做？接受呢啲工作就係不切實際？」

區燕雯IG Story圖片

張致恒有工返無錢收？

有「離婚界KOL」之稱的張致恒（Steven）和區燕雯（雯雯）婚後育有四名兒子，兩公婆經常在社交平公開家事，一家又長期經濟困難，但近期張致恒似乎終於生性，不時在IG分享打工生活，日前舉家為大仔張天寶慶祝5歲生日。不過，雯雯今日（4月16日）突然出PO，自爆屋企被cut電，直言：「完全已經唔係容忍嘅範圍之內！」

張致恒早前不時在IG分享打工生活，似乎終於決定腳踏實地。

一家人日前齊齊出動為大仔張天寶慶祝5歲生日。

張致恒寄語囝囝：「努力做人，讀唔到書唔緊要最緊要做一個開心嘅人，做個善良嘅人，千祈唔好好似daddy咁失敗，所有嘢都一事無成！」

雯雯在IG Story以黑底白字留言：「要發生嘅，終於都發生，你終於都令到屋仝發生俾（畀）人CUT電，完全已經唔係容忍嘅範圍之內！小朋友又冇得煮嘢食，又冇熱水沖奶，不停喊，請問你想我點？！」根據雯雯以往經常在IG公開鬧爆張致恒，估計今次文中的「你」亦是指張致恒，令人疑惑他們一家的經濟狀況，張致恒是否仍有打工？

雯雯又公開指責張致恒？

此外，雯雯今年2月突然自爆有一名兒子患自閉及過度活躍症，「坦白講照顧呢類小朋友， 無論係身心情緒都係好大嘅學習，我一個人真係冇能力，同一時間可以照顧到四個小朋友，應該話可以照顧到，但係會有一定嘅危險。」又稱兒子曾跌倒傷耳，「醫生同我哋講呢類小朋友，一年起碼會去幾次急症室要有心理準備，而家每一日面對佢嘅行為情緒都係一個好大嘅挑戰，同時因為屋企其他嘅小朋友仲好細，亦都會受到影響，我哋亦都要好努力學習點樣可以得到一個平衡」，更坦言壓力已接近爆煲，引來不少網民關心，直到張致恒早前在IG分享為大仔張天寶慶生的照片，並留言：「想當日仲趴喺我心口度瞓覺我喺度打機，而家百厭調皮直情係一隻馬騮」，惹來網民揣測患自閉及過度活躍症是大仔，事後他與雯雯今日分別在IG Story澄清，貼出同一張大仔的照片，並留言：「我想澄清番，天寶係冇自閉」。

雯雯曾發長文解釋兩公婆不能出外工作的原因，其中一個原因就是有一個囝囝確診自閉及過度活躍症。

澄清大仔沒有患自閉證。