Skip to Content Facebook Feature Image

羅啟豪與李龍基上中山登台 分享翻唱葉蒨文30年前歌曲〈回歸自然〉

娛圈事

羅啟豪與李龍基上中山登台 分享翻唱葉蒨文30年前歌曲〈回歸自然〉
娛圈事

娛圈事

羅啟豪與李龍基上中山登台 分享翻唱葉蒨文30年前歌曲〈回歸自然〉

2024年02月14日 10:00 最後更新:11:07

初三啟豪更加去搵真銀,獲旅行社邀請跟前輩李龍基上中山登台

十二月、一月不斷有演出嘅英國豪羅啟豪(Ramon)嚟到農曆新年繼續忙不停。繼佢連同一班中年好聲音第一季及第二季參賽者與一眾 TVB 藝員及歌手年三十晚喺油麻地天后廟為新年倒數後,初二更有份為一年一度嘅花車巡遊匯演演唱。嚟到初三啟豪更加去搵真銀,獲旅行社邀請跟前輩李龍基上中山登台。今次 Ramon 第一次去內地登台,好多豪殼(歌迷暱稱)都遠渡而嚟撐場。偶像一出場同大家拜年並帶嚟觀眾耳熟能詳嘅〈愛是永恆〉,觀眾聽到熟悉嘅前奏幾時熱烈歡呼。唱罷,啟豪喺台上分享話原來中山係自己公公嘅鄉下,不過自己對中山嘅認識唔深,希望以後有機會多啲嚟認識呢個地方。佢隨即用普通話向觀眾拜年同埋唱出〈親密愛人〉。之後佢揀嚟最近同譚輝志喺中年好聲音第二季令輝取得第二個MVP嘅歌曲〈今天等我來〉。Ramon 先前亦喺社交平台分享自己好開心呢首歌上咗串流平台嘅熱門排行榜,一個禮拜嘅點擊率更合共超過四十萬,怪不得豪殼聽到佢唱呢首歌嘅獨唱版都非常興奮。然後可能因為新年關係,英國豪少有地一連唱兩隻快歌〈夢伴〉同〈愛將〉,加埋個個都識跟住唱嘅〈霧之戀〉,將現場氣氛推向高峰。最後,估唔到年紀都算後生嘅羅啟豪帶嚟羅文嘅〈好歌獻給你〉為演出作結。

更多相片

網民欣賞啟豪翻唱30年前冷門歌

網民欣賞啟豪翻唱30年前冷門歌

網民欣賞啟豪翻唱30年前冷門歌

網民欣賞啟豪翻唱30年前冷門歌

表演期間,Ramon 不斷有觀眾上前派利俾佢同埋同佢自拍,佢都一貫笑到見牙唔見眼,來者不拒。啟豪話:「以前睇演唱會嘅片段,見到好多前輩例如李克勤同譚詠麟新年期間開演唱會觀眾會派利是,今次自己可以體驗一下覺得好得意,同埋真係好多謝每一位送俾我嘅呢啲祝福同心意。」演出唯一美中不足嘅係,當啟豪正準備唱《霧之戀》之時,咪高峰竟然突然冇電,令演出暫停近三分鐘。好在意外唔係演唱緊一首歌嘅中途發生,而觀眾更加趁呢段時間湧上台邊俾利是啟豪同埋同佢自拍,氣氛完全冇受影響。隨後工作人員將新咪交俾啟豪,至令佢可以繼續演出。

問到英國豪佢嘅新歌幾時推出,佢就話聽公司講話好快,呢個消息必定令佢嘅歌迷引頸以待。不過喺日前嘅初一,啟豪都喺自家YouTube 頻道為當中一個叫「歌曲重 Sung」嘅系列推出咗「新歌」。啟豪想透過呢個系列重唱一啲舊嘅冷門歌或者一啲自己鍾意嘅舊歌,向有份參與嘅音樂人致敬,以及將歌曲重新介紹畀樂迷。今次嘅「新歌」係葉蒨文超過三十年前嘅一首作品〈回歸自然〉,係當時 TVB 一套叫《又是冤家又聚頭》嘅電視劇嘅片尾曲,由鮑比達作曲、編曲及盧永強作詞。啟豪同製作團隊特別前往流水響為 MV 取景,以香港少見嘅紅葉作背景。歌曲嘅 MV 留言區內雖然好多網民表示從未聽過呢首歌,但都一致大讚啟豪演繹得好,並形容一向靚聲嘅佢將首唱到好似新歌咁。問啟豪點解揀選翻唱呢首歌,佢話:「我由細到大都好鍾意、好鍾意呢首歌嘅旋律,加上歌詞以大自然嘅生態作比喻,鼓勵人與人之間要回復真我、重拾友善態度,為彼此重新帶來最真、最自然嘅互動,所以我覺得喺大年初一送呢首歌俾我嘅歌迷,為大家帶嚟一個咁正面嘅訊息最適合不過。」問佢覺得葉蒨文聽到有人翻唱自己一首咁舊嘅冷門歌會有乜嘢感覺,啟豪話:「我唔奢望葉蒨文前輩會特別鍾意我嘅演繹,我只希望有人會轉發呢首歌畀佢聽,因爲有機會畀佢聽到我嘅版本已經係我好大嘅榮幸。」希望啟豪如願以償。

網民欣賞啟豪翻唱30年前冷門歌

網民欣賞啟豪翻唱30年前冷門歌

網民欣賞啟豪翻唱30年前冷門歌

網民欣賞啟豪翻唱30年前冷門歌

Tags:

初三

關注一下過去24小時娛圈事Top 5熱話

馮盈盈30歲生日宣佈好消息 碩士畢業考獲一級榮譽優等成績

2016年港姐冠軍馮盈盈近年重返母校香港大學進修食品產業管理市場營銷碩士,6月10日是她30歲的生日,她亦趁生日宣佈,考獲一級榮譽優等成績(Distinction)。

▼詳情點擊圖片查看或按連結

張致恒老婆壓力爆煲再瘋狂數臭老公 雯雯:大不了全部放棄!

有「離婚界KOL」之稱的39歲張致恒(Steven)與太太區燕雯(雯雯)四年抱四,一家四口經濟長期陷入困境,而雯雯經常網上放負鬧爆Steven不務正業,但Steven近來似乎開始有好轉,不但北上搵銀後,之後又報喜考獲地盤平安卡,雯雯亦曾罕有出PO護夫,正當大家都以為他們一家終於回復正軌時,雯雯在端午節(6月10日)當日又突然發癲,瘋狂數臭老公。

▼詳情點擊圖片查看或按連結

羅啟豪處男Busking 宣傳最新單曲逼爆中環街市

羅啟豪(Ramon、英國豪)同另外十位中年好聲音歌手忙於籌備六月底嘅演唱會之際,亦不忘為自己嘅最新單曲《相信 相信》做宣傳。英國豪昨日(6月10日)於中環街市內作第一次嘅街頭演唱,爲觀眾帶嚟廣東歌、普通話歌及英文歌,靚聲吸引大量途人駐足包括中外遊客,幾乎逼爆中環街市。

▼詳情點擊圖片查看或按連結

18歲細仔高中畢業!羅霖感歎:所有辛苦都是值得的

有「美魔女」之稱的58歲前亞姐冠軍羅霖2013年與富商劉坤銘結束17年婚姻,之後她復出幕前,並獨力湊大三名兒子,兒子們亦相當生性,27歲的大仔劉子榕(Nathan)2021年於理工大學畢業、25歲二仔劉子熙(Jordan)於美國大學畢業後移居當地,並已成家立室,18歲的細仔劉子晉(Jonathan)近日亦以高中畢業。

▼詳情點擊圖片查看或按連結

57歲王祖賢近況曝光 驚現大肚腩激似懷孕

現年57歲的王祖賢有「亞洲第一美女」之稱,曾因飾演《倩女幽魂》「聶小倩」而紅遍亞洲,近年王祖賢已淡出幕前,並定居加拿大潛心學佛,曾多次被網民偶遇現身法會。近日傳出疑似王祖賢在溫哥華的影片,大肚腩相當吸睛激似懷孕,相當震驚!

▼詳情點擊圖片查看或按連結

你 或 有 興 趣 的 文 章