Ian因為喜歡結他，決定為每一支結他寫一首歌。
陳卓賢於昨日（2月14日）情人節推出以愛情故事貫穿的Chapter 1作品《Lost at First Sight》，雖然MV有許恩怡參與，成為故事中Ian的傾慕對象，但Ian指這次的主角其實是他至愛的結他。
點擊看圖輯
Ian以《Lost at First Sight》向結他示愛。
陳卓賢（Ian）三度情人節出冧歌！
Ian以《Lost at First Sight》向結他示愛。
入行前Ian多以結他創作歌曲，但成為歌手後反而少了， 所以今次《Lost at First Sight》，就以電結他創作出厚實Funky Style，Ian道：「自己本身係彈開結他，入行前好多創作都係用結他寫，近年作品反而少咗呢個元素，所以就有呢隻歌誕生。今年推出嘅歌曲，會攞返呢支寶劍擺喺自己身邊。」
作為第一支登場的結他，Ian特別揀選了人生第一支重鎚出擊添置的Fender Stratocaster，他分享道：「係儲咗好耐錢，終於買到嗰一種，亦係喺我有嘅結他入面最元祖嘅一支，未夠20歲已經喺我身邊，所以陪伴咗我好長一段時間。」MV中Ian拿著這支珍藏一Show結他技倆，相信Hellosss望著熒幕也會興奮得尖叫。
相關影片可以按以下畫面觀看：
VIDEO
影片連結：https://youtu.be/Uc9HJTwOwB0?si=f8K6AJ4xOPxRy95l
在MV中，許恩怡成為Ian的傾慕對象。
但Ian指這次的主角其實是他至愛的結他。
Ian打算每首歌都會讓不同的結他登場。
其實Ian點只一支結他，為了讓大家可以見識每支結他的靚樣與靚聲，Ian打算每首歌都會讓不同的結他登場，他道：「今次《Lost at First Sight》就係屬於呢支結他，下一首歌就係屬於另一支結他，咁嘅安排幾好，之後出Live、開concert或者拍MV，呢支結他一出現，就代表《Lost at First Sight》呢首歌要出現。」除了有不同的結他登場，Ian今年的作品，都會以系列形式推出，他說：「用故事性貫穿，形容一段關係唔同嘅Stage，由初相識、發展到Ending會係點。好多人會睇究竟係Happy Ending定係Sad Ending，但呢要賣關子，因為未完全肯定故事嘅句號係屬於點樣一個Ending，大家要多加留意。」
因為喜歡結他，所以為每一支結他寫一首歌，Ian鍾情結他的佐證在MV現場也有跡可尋，他俏俏透露：「而家科技發達，好容易買到嘢。啱啱拍緊MV彈緊結他，同啲朋友又傾開啲結他，喺網上突然見到一支幾靚，於是又納入即將收藏系列。未喺我度，但我會帶佢返屋企，可能係之後其中一首歌嘅主角，但我都幾肯定呢支新結他，嚟緊開Show大家會見到佢嘅出現。」
結他不離手！
情人節推出愛情故事Chapter 1！
Sammi第10場演唱會的表演嘉賓是MIRROR成員柳應廷Jer。
天后鄭秀文（Sammi）昨晚（7月24日）在紅館舉行第10場「You & Mi 鄭秀文世界巡迴演唱會2023」（Rescheduled ），好友車婉婉與囝囝、Cookies成員吳雨霏Kary和區文詩Angela、岑寧兒YoYo、陳詠謙、歐陽靖MC Jin、天堂鳥的Gordon等捧場。表演嘉賓MIRROR的柳應廷Jer，他自製迷你盲盒扭蛋機給Sammi，透露原本想整巨型薯片包，卻被COLLAR截糊，非常搞笑。
Sammi紅館騷來到節10場了！
車婉婉與囝囝
吳雨霏Kary、區文詩Angela
歐陽靖MC Jin
岑寧兒YoYo
Sammi穿上Ralph Lauren牛仔晚裝配襯閃爆Swarovski珠寶，風騷在台上自轉，問觀眾：「今日我著咗牛仔裝，正唔正呀？轉個360度畀你睇吓，係咪好婀娜多姿呢？」觀眾大叫好索。「今晚呢位嘉賓，新與唔新之間，都算新，出道咗幾年，佢嘅唱功毋庸置疑，非常之好。幾位嘉賓不約而同都要同我合唱呢首歌，唔知點解呢？」然後音樂響起《不要驚動愛情》，全場大合唱，Jer升上舞台，他們擁抱後手拖合唱，跟四面台觀眾打招呼。
Sammi再次換新裝，穿上Ralph Lauren牛仔晚裝配襯閃爆Swarovski珠寶。
Jer升上舞台與Sammi合唱《不要驚動愛情》。
2019年MIRROR初出道時曾全隊擔任Sammi紅館「FOLLOW Mi演唱會」表演嘉賓，與Sammi演唱《默契》。昨晚Sammi與Jer合唱後對他說：「嘩，數數手指，上次同台已經係2019年，嗰次算係你哋第一次上紅館。」Jer說：「係呀，嗰次同今次感覺好唔同，上次12個人，成班傻更更，有班兄弟喺身邊陪住，今次得自己一個人特別緊張。今日綵排，同老師練咗好耐，和音同埋點樣分段唱好啲。」Sammi指他好緊張，叫觀眾給他掌聲鼓勵，「諗返自己以前去一個咁大舞台，都會好驚和腳震，但我覺得你今晚表現相當之好。」
Jer指今次只有自己一個人做嘉賓，所以特別緊張。
Jer準備了禮物給Sammi：「配合返你早前出新歌《盲盒》，特登整咗個『愉快盲盒扭蛋機』，裏面有啲關於我嘅小禮物，人型公仔啦，扭蛋裏面仲有啲神秘嘢，例如字條、祝福語、零食、糖果。（嘩，有零食我就夠）因為我知你鍾意食零食。（勁鍾意、超鍾意）其實我原本想整薯片包，畀COLLAR整咗呀！」他咬牙切齒，非常搞笑！
二人抱抱。
Jer又說：「我都好鍾意食零食，所以想將呢個小心意送畀你。仲有，時間關係，呢度已經有一隻扭蛋。」Sammi見他從褲袋拿出小扭蛋，笑說：「好似求婚咁，要送我首飾？嫁畀我啦！」Jer當然不敢，他掏出一個小公仔，Sammi說：「嘩，我老花喎，咁細。哦，公仔嚟嘅！」是Baby MIRROR的Jer公仔，Sammi笑說：「蝦我老花，好Cute，大過粒鼻屎！」全場爆笑。Jer拿出紙條說：「之前你喺一個po話過『食完有運動，無有怕，食飽先至係人生』。」Sammi將迷你Jer放入裙袋，然後落台。Jer台上獨唱由馮允謙JayFung作曲的新歌《約齊靈魂在墳墓前開生日派對》。
Jer之後獨唱新歌《約齊靈魂在墳墓前開生日派對》。
Jer之後獨唱新歌《約齊靈魂在墳墓前開生日派對》。
Encore時，Sammi穿著Tomas Chan的小背心牛仔褲配Tiffany & Co.珠寶型格登場唱新歌《盲盒》，期間不斷收禮物打亂了拍子，她立即要求重唱，自己encore自己。昨晚Fans送的禮物各色各樣，除了每晚都有的花束、薯片外，還有聖誕造型的咕𠱸，又有寫了「金像獎影后鄭秀文」的肩帶，Sammi立即戴上身，風騷轉圈讓觀眾欣賞。完騷後，Sammi孭住「薯片斜孭袋」到紅館外為Fans簽名和收禮物，幾百Fans企滿場外和火車站外，歡呼吶喊、吹哨子和唱歌，非常熱情。
Sammi在Encore時換上Tomas Chan的小背心牛仔褲配Tiffany & Co.珠寶型格登場。
並獻唱唱新歌《盲盒》。
完騷後，Sammi孭住「薯片斜孭袋」到紅館外為Fans簽名和收禮物。
幾百Fans企滿場外和火車站外等待Sammi，非常熱鬧！
