雙語之歌爭入10強,全線選手獲得80分以上
歌唱真人騷《香港何濟公止痛退熱散呈獻:中年好聲音2》,周日(18日)晚8點30分翡翠台播出,節目由車婉婉擔任主持。本集是第十部曲《雙語之歌,累積排名榜 十強隆重登場!》上半場,有肥媽、伍仲衡、張佳添、周國豐和陳慧嫻擔任評審。本回合12強選手將輪流獻唱雙語之歌爭入10強,由本回合開始起增設累積排名分,第一名獲得12分、第二名獲得11分如此類推,獲得MVP者則再加2分,每回合最低分2位被淘汰!是集出場名單如下:《只想你會意/認錯》鄭梓浩、《守望麥田/百年孤寂》陳俞霏、《不如不見/Desperado》古淖文、《明知故犯/明知道》黃劍文、《衹願一生愛一人/讓我一次愛過夠》劉威煌和《紅葉斜落我心寂寞時/Right Here Waiting》沈宗賢。
![鄭梓浩](https://image.bastillepost.com/1200x/wp-content/uploads/hongkong/2024/02/18-2.jpg.webp)
鄭梓浩
![古淖文](https://image.bastillepost.com/1200x/wp-content/uploads/hongkong/2024/02/20-3.jpg.webp)
古淖文
![劉威煌](https://image.bastillepost.com/800x/wp-content/uploads/hongkong/2024/02/22-3.jpg.webp)
劉威煌
![沈宗賢](https://image.bastillepost.com/1200x/wp-content/uploads/hongkong/2024/02/24-7.jpg.webp)
沈宗賢
肥媽求陳俞霏關注:佢直情係睬你都傻
《中年好聲音2》進入白熱化階 段,12強選手為爭奪10強使盡渾身解數,據知本回合全線選手皆獲得80分以上,值得期待!以全白Look上陣的陳俞霏獻唱《守望麥田/百年孤寂》,她坦言被歌詞感動,悟出不少人生道理。對於俞霏演出,張佳添說:「你揀啱歌,好表現到你嘅個性,(情感)啱啱好唔會過多或者過少,你喺台上有一種揮灑(自如)感覺,唔會覺得好煩。」肥媽則指俞霏過於忘我:「佢直情係睬你都傻,冇睇過我哋,佢真係好享受個舞台,呢樣係啱嘅,但要畀番少少面班評判,好似唔當我哋存在咁,係咁意得閒望吓我哋啦!」非常搞笑。
![陳俞霏表現越嚟越瀟灑。](https://image.bastillepost.com/1200x/wp-content/uploads/hongkong/2024/02/03-2.jpg.webp)
陳俞霏表現越嚟越瀟灑。
![肥媽話陳俞霏唱得好忘我。](https://image.bastillepost.com/1106x/wp-content/uploads/hongkong/2024/02/05-2.jpg.webp)
肥媽話陳俞霏唱得好忘我。
陳俞霏家有超級嚴母:99.5分對佢嚟講已經係瑕疵
另俞霏賽前接受製作組訪問時,透露育有一名3歲多的女兒,女兒現在於廣州生活,她坦言當初其實沒有想過要生小朋友:「講真我呢世人最唔想要嘅就係小朋友,因為唔想我嘅小朋友過住我以前過嘅生活。」俞霏直指兒時媽媽對她十分嚴厲:「佢希望我成績全部係滿分,99.5分對佢嚟講已經係瑕疵,令我有少少心理陰影,覺得自己一直為人哋而活。」俞霏指最終沒想到反而在女兒身上找到救贖:「佢畀咗好多快樂我,我人生一直係我媽咪話晒事,有咗囡囡先發現人生原來唔係咁。」最後她寄語女兒:「做自己,唔好理人哋,開心就得!」
![俞霏育有一名3歲幾嘅囡囡,佢話喺囡囡身上搵到救贖。](https://image.bastillepost.com/1200x/wp-content/uploads/hongkong/2024/02/08-2.jpg.webp)
俞霏育有一名3歲幾嘅囡囡,佢話喺囡囡身上搵到救贖。
![俞霏話兒時媽媽對佢好嚴厲,令佢有心理陰影。](https://image.bastillepost.com/1200x/wp-content/uploads/hongkong/2024/02/10-4.jpg.webp)
俞霏話兒時媽媽對佢好嚴厲,令佢有心理陰影。
張佳添周國豐伍仲衡異口同聲讚黃劍文恰到好處
黃劍文則再度挑戰女歌男唱獻唱《明知故犯/明知道》,越唱越強的劍文來到10強爭奪戰再有出色發揮,獲張佳添大讚:「你聲靚同感情恰到好處,我覺得你鬥心開始出嚟,係其中一隻黑馬!」周國豐亦說:「呢幾集你嘅信心返晒嚟,你嘅Vocal Performance表現得好好,你好唱到作為第三者嗰種痛,你激情得嚟又唔會太Over 恰到好處。」伍仲衡亦大表認同:「你啲哭腔依家恰到好處呀,之前係多到漏!」
![黃劍文越唱越強!](https://image.bastillepost.com/800x/wp-content/uploads/hongkong/2024/02/13-4.jpg.webp)
黃劍文越唱越強!
![張佳添話佢係一隻黑馬。](https://image.bastillepost.com/981x/wp-content/uploads/hongkong/2024/02/15-6.jpg.webp)
張佳添話佢係一隻黑馬。
![周國豐話劍文信心返晒嚟。](https://image.bastillepost.com/878x/wp-content/uploads/hongkong/2024/02/16-1.jpg.webp)
周國豐話劍文信心返晒嚟。
![伍仲衡笑言劍文嘅哭腔依家恰到好處。](https://image.bastillepost.com/967x/wp-content/uploads/hongkong/2024/02/17-4.jpg.webp)
伍仲衡笑言劍文嘅哭腔依家恰到好處。