鈎織工作坊獲天后級閨密撐場 甘比形容與鄭秀文鍾楚紅似「屋企人」

甘比在IG分享與鄭秀文和鍾楚紅的合照，並指二人是「已經唔可以用『好朋友』來形容的『屋企人』」。

富商「大劉」劉鑾雄的太太「甘比」陳凱韻雖然貴為香港女首富，但基層出身的她一向貼地，近年迷上鈎織，會親手鈎織包包、毛衣、飾品等，而且手藝相當好，除了將手藝傳授給兩個囡囡，她更在銅鑼灣開設鈎織工作坊，令鈎織成為不少城中名人及圈中人的新玩兒，唐詩詠、黎姿、鍾嘉欣、江美儀及馬天佑等都曾跟甘比學鈎織。日前，甘比兩位天后級閨密鄭秀文（Sammi）和鍾楚紅都齊齊織埋一份！

甘比熱愛鈎織。

在銅鑼灣開設鈎織工作坊。

5歲細女劉秀兒（Josie）織得有板有眼。

何超欣與阿嫂奚夢瑤早前一同去跟甘比學鈎織。

甘比與鄭秀文及鍾楚紅一直好老友。

甘比在IG分享與鄭秀文和鍾楚紅的合照，並興奮留言：「我今日好好好開心呀！認識我深嘅人都只我其實面皮紙咁薄，好少會叫朋友來撐我什麼什麼的！自從Happy yarn開店以來，我發現好多朋友仔都好錫我，又好支持我！非常感動及感謝！」她又以「屋企人」來形容與兩位閨密的關係，「今日呢兩位已經唔可以用『好朋友』來形容的『屋企人』成日想嚟，我又唔好意思安排佢哋嚟嘅Mi（鄭秀文）同Cherie（鍾楚紅），終於都去埋，佢哋話冇可能仲未去打卡。多謝你哋欣賞我的用心，亦多謝你們的窩心」。

甘比貼出與鄭秀文和鍾楚紅的合照。

早前自揭誤將隱形内衣清潔劑當成卸妝液抹眼，導致雙眼標紅筋的鄭秀文，雙眼的情況明顯已康復，她以淡妝上陣，到甘比的鈎織店打卡，並分享照片，留言道：「織嘢是一種很令人放鬆的嗜好。雖然Mi唔識。這小天地可聚合志同道合喜愛織東西的人，so nice.加油喔！加油喔！」她又在IG Story分享見到店中鈎織成品的片段，可見她興奮得擘大口，似好想將所有成品都買回家。

Sammi都貼出合照。

Sammi自言唔識鈎織。

不過，似乎對「便便」勾織公仔特意情有獨鍾。

見整個貨架都是成品好興奮。

似乎想將它們全部買回家。

而剛過64歲生日的鍾楚紅同樣以淡妝上陣，向來保養得宜的她依然靚爆鏡，甘比更鍾楚紅出PO，「代紅姑沒有IG，唯有我代筆，sharing account! 哈哈！紅姑愛大自然也愛花，她喜歡我鈎織的大花花！也愛Happy yarn 入面各式各樣的花花，行到唔捨得走#上述內容未經當時人同意如有類同實屬巧合」。

紅姑就鍾情花花。

紅姑保養得宜。

人比花嬌！

Sammi第10場演唱會的表演嘉賓是MIRROR成員柳應廷Jer。

天后鄭秀文（Sammi）昨晚（7月24日）在紅館舉行第10場「You & Mi 鄭秀文世界巡迴演唱會2023」（Rescheduled ），好友車婉婉與囝囝、Cookies成員吳雨霏Kary和區文詩Angela、岑寧兒YoYo、陳詠謙、歐陽靖MC Jin、天堂鳥的Gordon等捧場。表演嘉賓MIRROR的柳應廷Jer，他自製迷你盲盒扭蛋機給Sammi，透露原本想整巨型薯片包，卻被COLLAR截糊，非常搞笑。

Sammi紅館騷來到節10場了！

車婉婉與囝囝

吳雨霏Kary、區文詩Angela

歐陽靖MC Jin

岑寧兒YoYo

Sammi穿上Ralph Lauren牛仔晚裝配襯閃爆Swarovski珠寶，風騷在台上自轉，問觀眾：「今日我著咗牛仔裝，正唔正呀？轉個360度畀你睇吓，係咪好婀娜多姿呢？」觀眾大叫好索。「今晚呢位嘉賓，新與唔新之間，都算新，出道咗幾年，佢嘅唱功毋庸置疑，非常之好。幾位嘉賓不約而同都要同我合唱呢首歌，唔知點解呢？」然後音樂響起《不要驚動愛情》，全場大合唱，Jer升上舞台，他們擁抱後手拖合唱，跟四面台觀眾打招呼。

Sammi再次換新裝，穿上Ralph Lauren牛仔晚裝配襯閃爆Swarovski珠寶。

Jer升上舞台與Sammi合唱《不要驚動愛情》。

2019年MIRROR初出道時曾全隊擔任Sammi紅館「FOLLOW Mi演唱會」表演嘉賓，與Sammi演唱《默契》。昨晚Sammi與Jer合唱後對他說：「嘩，數數手指，上次同台已經係2019年，嗰次算係你哋第一次上紅館。」Jer說：「係呀，嗰次同今次感覺好唔同，上次12個人，成班傻更更，有班兄弟喺身邊陪住，今次得自己一個人特別緊張。今日綵排，同老師練咗好耐，和音同埋點樣分段唱好啲。」Sammi指他好緊張，叫觀眾給他掌聲鼓勵，「諗返自己以前去一個咁大舞台，都會好驚和腳震，但我覺得你今晚表現相當之好。」

Jer指今次只有自己一個人做嘉賓，所以特別緊張。

Jer準備了禮物給Sammi：「配合返你早前出新歌《盲盒》，特登整咗個『愉快盲盒扭蛋機』，裏面有啲關於我嘅小禮物，人型公仔啦，扭蛋裏面仲有啲神秘嘢，例如字條、祝福語、零食、糖果。（嘩，有零食我就夠）因為我知你鍾意食零食。（勁鍾意、超鍾意）其實我原本想整薯片包，畀COLLAR整咗呀！」他咬牙切齒，非常搞笑！

二人抱抱。

Jer又說：「我都好鍾意食零食，所以想將呢個小心意送畀你。仲有，時間關係，呢度已經有一隻扭蛋。」Sammi見他從褲袋拿出小扭蛋，笑說：「好似求婚咁，要送我首飾？嫁畀我啦！」Jer當然不敢，他掏出一個小公仔，Sammi說：「嘩，我老花喎，咁細。哦，公仔嚟嘅！」是Baby MIRROR的Jer公仔，Sammi笑說：「蝦我老花，好Cute，大過粒鼻屎！」全場爆笑。Jer拿出紙條說：「之前你喺一個po話過『食完有運動，無有怕，食飽先至係人生』。」Sammi將迷你Jer放入裙袋，然後落台。Jer台上獨唱由馮允謙JayFung作曲的新歌《約齊靈魂在墳墓前開生日派對》。

Jer之後獨唱新歌《約齊靈魂在墳墓前開生日派對》。

Jer之後獨唱新歌《約齊靈魂在墳墓前開生日派對》。

Encore時，Sammi穿著Tomas Chan的小背心牛仔褲配Tiffany & Co.珠寶型格登場唱新歌《盲盒》，期間不斷收禮物打亂了拍子，她立即要求重唱，自己encore自己。昨晚Fans送的禮物各色各樣，除了每晚都有的花束、薯片外，還有聖誕造型的咕𠱸，又有寫了「金像獎影后鄭秀文」的肩帶，Sammi立即戴上身，風騷轉圈讓觀眾欣賞。完騷後，Sammi孭住「薯片斜孭袋」到紅館外為Fans簽名和收禮物，幾百Fans企滿場外和火車站外，歡呼吶喊、吹哨子和唱歌，非常熱情。

Sammi在Encore時換上Tomas Chan的小背心牛仔褲配Tiffany & Co.珠寶型格登場。

並獻唱唱新歌《盲盒》。

完騷後，Sammi孭住「薯片斜孭袋」到紅館外為Fans簽名和收禮物。

幾百Fans企滿場外和火車站外等待Sammi，非常熱鬧！