天水圍有私家車違泊阻出入口，導致出現車龍，失蹤司機姍姍來遲更態度惡劣，焫着一眾久等的司機遭公審。
天水圍有私家車違泊阻出入口，導致出現車龍。（FB圖片）
有網民於Facebook群組「車cam L（香港群組）」發文兼上載影片，事發地點為天水圍T Town 商場的交通交匯處，影片顯示一輛黑色私家車違規停泊在出入口位置，令其他車輛無法前行，導致出現車龍。
一般來說，司機違規泊車時會留下聯絡電話，方便其他受阻的司機通知他們及時移車，但涉事司機卻大安旨意沒有留下任何紙條。樓主怒斥「無留電話塞到成個天水圍天TOWN死哂」。
有指「「無留電話塞到成個天水圍天TOWN死哂」。（FB圖片）
其他受影響的司機無奈之下只能白等，一段時間後，涉事司機才施施然現身「番到黎仲要話入唔到停車場梗係咁擺啦」。影片顯示，當他被圍攻時，並沒有表現出應有的歉意，反而一副理直氣壯的樣子。拍片者怒懟「麻煩你講多次」、「講聲唔好意思大家都好，你而家乜嘢態度？」，有人則指責「你犯眾憎呀」，自私司機則大聲反嗆「你哋咩態度我就咩態度！」。
涉事司機姍姍來遲卻絲毫沒有歉意，焫着一眾其他司機。（FB影片截圖）
事件曝光後，網民紛紛遣責涉事司機「依條能樣都幾能夠薑，仲夠膽死理直氣壯甘講嘢，部車比人攪唔好喊，抵死架」、「佢咁做完全唔會覺得有問題，正XX！」、「好自私，成村人等佢，仲咁型，抵出名！」、「呢條友都冇腦，唔X住你咁唔通拍手歡迎你返嚟揸走佢咩」、「無腦都可以揸車」。
帖文來源：Facebook群組「車cam L（香港群組）」
有民眾於太子街頭目睹一名猥瑣男當街「咸豬手」非禮女童，縱然女童不斷推開男子及慘哭，一旁母親仍懵然不知。事件引全網震怒。
FB圖片
猥瑣男「咸豬手」非禮女童 目擊者誤以為父女打鬧
該網民於Facebook發文，表示日前於太子地鐵站旁的麵包店門口，目擊一名男子疑似非禮女童。當時身穿連身裙的女童拖著母親的手在走路，男子則與她們並列而行，更一邊行一邊摸女童的屁股。雖然男子行徑過分，女童亦表現不安「摸到個細路女推開佢隻手同埋喊」，但由於女童與母親同行，樓主誤以他們是一家三口，以為父女二人在打鬧，故沒有上前制止。
目擊者折返欲揭發惡行 母親懵然不知 猥瑣男失踪影
及後，樓主見三人一同走進一家藥房，更確信「以為佢哋一家人，跟住行過咗佢哋」。不過很快，樓主在良心的驅使下折返「跟住諗咗一輪，所以返轉頭搵嗰個女人點都想提一提醒佢小心佢老公」，可惜的是此時男子已失去蹤影「我問嗰個女人原來佢唔識嗰個男人，佢完全唔知個女俾人摸囉」。
FB圖片
目擊者感自責稱已通知巡警
樓主對此心感自責「激死呀，我應該要拍片影埋佢正面」、「其實就算係親生老竇咁樣摸，我都應該捉住咗佢先，我唔應該咁糾結」；並表示「見到巡警有同警察講咗，俾咗相佢哋睇，叫佢哋留意呢個人」，但警察指「報案要時機，當時就應該即刻報」。
示意圖
事件引起全網震怒
帖文引熱議，網民激動表示「我喺到會衝上去捉住佢落地砌」、「覺得報警都唔夠，應該要攪大件事佢，起碼要有東張西望報道，跟住全城關注，咁啲警察先會落力去捉人」、「咁樣隨街非禮兒童，好嚴重」、「我日日都喺嗰邊，見到一定的起佢，大把兄弟同佢慢慢玩」。
有人則指責母親警覺性低「個亞媽咁攪笑，有個男人行到咁貼個女佢都唔知，佢對眼剩係向前望」、「個阿媽咁冇警覺性。有人行咁近行咗咁耐都唔知？」、「唔x係呀，黐到咁實都唔知有個男人喺隔籬」、「佢阿媽有無望過其他方向架？正常行行下有個唔識既男人行咁近俾我都會彈開啦點會企咁耐都唔覺有問題？」、「個老母係咪弱智㗎？個女俾人咁樣非禮都唔知？」
設計圖片（非當事人）
網民懷疑母親認識猥瑣男
有網民提出了細思極恐之處「明顯係一家人啦，電視都做過啦，個阿媽討好個老襯咪俾個女人地搞囉」、「反而覺得係一家人，不過個女人吾認姐，應該問個小朋友比較好」、「有冇諗過個女人講大話話唔識個男人呢？可能真係確實唔係佢老公，但係唔係唔識㗎囉」。
帖文來源：Facebook
