陳子聰復出Band騷成焦點 何超儀為滿分老公設計造型

已有3、4年沒上台演出的子聰表示再踏舞台感覺開心！

久未露面的陳子聰聯同24味出席由AXA安盛贊助《The Wild Ones Music Festival》第二場，陳子聰出場成為全場焦點，台下歡呼聲不絕為他打氣！

Hip Hop組合廿四味

陳子聰已有3、4年沒上台演出

台下歡呼聲不絕為他打氣！

子聰表示再踏舞台感覺開心，笑言每次演出都會緊張，見到台下觀眾投入，大讚香港Fans好氣氛：「有一樣嘢真係好多謝香嘅港市民，真係好多愛，我喺邊都會走埋嚟祝福我身體健康，真係好感謝！香港人真係好多愛！」隊友台上飲酒唱歌，陳子聰就話自己戒酒多年，珍惜身邊嘅一切：「我2016年開始已經冇飲酒，我飲夠啦！依家飲食都好清淡，經歷過呢啲階段，你會感恩，你嘅生命會自然乖啲。」而隊友Brain見陳子聰重回舞台感興奮，激動到爆粗為好友打氣：「只要佢搞掂晒，我哋就可以做多啲騷！」太太何超儀亦在場支持，直言老公表現滿分：「其實佢身體仲好過我，我覺得我老公今晚係好型！好在佢聽我話，本來佢好想紮髻，我就叫佢放翻啲頭髮落嚟，仲帶佢去行街買衫添。」

子聰表示再踏舞台感覺開心

太太何超儀亦在場支持，直言老公表現滿分

同場嘅盧巧音現身為樂迷帶驚喜，除外套更搞到熱血沸騰：「咁耐冇見大家咪除吓囉（再性感啲？）夠啦，問吓Sammy先啦！」而KOLOR即將舉行巡演，更計劃去英國放假：「好多朋友喺英國，可能邀請啲朋友陪我地跑步做運動，了解吓大家啲文化。下年我地20周年，會出威士忌紀念版，應該會搞演唱會慶祝。」而吳浩康近日工作不斷，呢日以組合CLOSER單位現身：「嚟緊兩邊都會參與，因為都係兩批觀眾，而下一站個人演唱會嚟緊都會公佈。」

盧巧音現身

盧巧音為樂迷帶驚喜。

KOLOR

KOLOR

吳浩康以樂隊Closer主音身份演出。

Tonick

樂隊ToNick的主唱趙善恆（恆仔）

樂隊ToNick的主唱趙善恆（恆仔）

吳浩康、阿正、舒文樂出席《The Singleton Just Sing》記者會

源於1838年的The Singleton為知名蘇格蘭威士忌品牌，多年支持香港音樂會事業，除贊助不少音樂節活動外，亦支持香港音樂發展，近日全力支持耀榮文化舉行《The Singleton Just Sing》歌唱比賽，發掘樂壇超新星。於2024年4月11日，吳浩康、阿正、舒文樂出席《The Singleton Just Sing》記者會，吳浩康表示近日工作忙碌，感謝老闆願「夾期」開工：「最近都多翻好多工作，多謝咁多客戶支持、網民每一個Like！（日期地盤火災，家人擔心？）地盤好多意外潛伏，每日返工都唔係講玩，家人都知地盤危險，佢地一早都擔心咗。」

合照

吳浩康表示近日工作忙碌，感謝老闆願「夾期」開工

而電台節目主持阿正就話自己鍾意同閨蜜飲兩杯， 不過自爆酒量「麻麻地」：「 因為我平時都要做司儀，要長期保持清醒都唔敢飲，所以返到屋企先至會同啲朋。」不過講到阿正至愛嘅Jeffrey 魏浚笙，阿正話見到Jeffrey「自帶酒精效果」，望住佢長期都「暈暈哋」好有魔力，但坐對方座駕就會即時酒醒：「如果喺坐Jeffrey嘅車就冇酒醉感，反而係清醒咗，因為危機意識好強，要掹大眼睇清楚周圍，可能會喺最後一秒睇到呢個世界。 」

電台節目主持阿正就話自己鍾意同閨蜜飲兩杯

音樂監製人舒文樂見新人湧現，坦言要新血令樂壇添朝氣：「每個人的聲線都有不同的特質，我盼活動為樂壇找到新血，上去舞台放鬆去唱、享受當下最重要。」至於音樂人係咪大部份都會鍾意飲酒? 舒文話大部份音樂人都係唔清醒嘅，因為喺唔清醒狀態表現係最好，而音樂係潛意識，要用盡方法將理性抹走，而好味嘅酒精係幫助到。

音樂監製人舒文樂見新人湧現，坦言要新血令樂壇添朝氣