公屋婆婆倒地不起 熱心外賣員隔住鐵閘救人 網民大讚：好彩遇到你

有外賣員送外賣到一公屋單位時，發現屋內有婆婆倒地，最終隔住鐵閘成功救人。網民大讚：好彩遇到你。

外賣員於Facebook分享事發經過。（FB截圖）

該外賣員於Facebook群組發文，表示日前送外賣到一個舊式天井公屋單位，當時單位大門打開，但鐵閘鎖上「屋入面冇開燈，只開住電視機，比較暗」，突然單位內傳出一名女性微弱的呼喊聲「等陣！我喐唔到，我跌倒，拎唔到鎖匙呀！」

樓主於是望入屋內，發現一名婆婆倒卧在地上「我望入去，睇真d，原來婆婆早就跌倒訓左係地吓，嚇得我丫」。面對這突發狀況，樓主努力保持冷靜，他首先對婆婆表示「得得得，你郁唔到，唔好格硬郁，我會幫你！」然後拍門向婆婆的鄰居求助「有兩公婆好好，即刻冲出來幫手」，然而，鐵閘緊鎖，他們也是愛莫能助。

外賣員見到屋內婆婆跌倒，但鐵閘緊鎖，未能即時伸出援手。（Getty示意圖）

大家心急如焚之際，樓主臨危不亂，撥打外賣程式顯示的顧客電話「估計都係阿婆婆屋人叫外賣比佢」。打通後，他告知家屬婆婆的情況「你好，我送外賣㗎，你屋企婆婆跌倒訓咗係到郁唔到，但佢清醒講到嘢，我而家同鄰居喺門口，但開唔到個鐵閘，你快d揾人返黎呀！」對方則表示需要10至15分鐘才能趕到。最後，樓主請鄰居幫忙看顧婆婆，等待家屬到來，自己則先行離開，繼續送外賣。

幸好，外賣員成功聯絡婆婆的家屬，加上鄰居的幫忙，成功化解危機。（示意圖）

網民看到帖文後，紛紛大讚樓主見義勇為之舉「師兄做得好，好彩佢遇到你。如果係南亞送餐。可能聽唔明呀婆講廣東話，咁就可能錯過左求救既黃金機會」、「老人家如果冇人發現，分分鐘凍死。我朋友阿媽又係冬天係廁所沖涼跣到，咁就凍死走左。師兄你真係救人一命，功德無量。婆婆真係好彩，遇貴人」、「呢個真心比讚，好彩遇到你，感謝樓主救左婆婆一命」。

不過有網民認為報警才是上策「下次記得報警，消防員會爆門，送婆婆入醫院」、「叻仔，其實打埋999送去醫院檢查下更安全」、「老人家跌親可大可小，要call白車去醫院check check」。

樓主回覆表示「嗰一刻好大壓力，我真係嚇到，但要冷靜，我一定要幫佢！多謝大家，我唔太識怎樣講，我幫到就幫啦」。

網民大讚外賣員善心之舉。（FB截圖）

帖文來源：Facebook群組「香港啤酒關注組」

大埔老翁疑偷豬肉斷正，被店員攔截，他為求脫身即施展「碰瓷式」跌倒引公憤。有街坊認出是「慣犯」。

(FB影片截圖）

老翁偷豬肉，當場斷正

有網民於Facebook群組「大埔 TAI PO」上載影片，並表示「路過大埔墟佳寶門口豬肉檔，唔知發生咩事？有人話偷肉唔畀錢⋯」影片顯示，大埔墟佳寶門前有一名戴口罩及拉著手推車的老翁，疑似於豬肉檔偷肉後被發現，於是落荒而逃，一名年青及一名年長的店員即上前阻止。

(FB影片截圖）

店員以手推撞，老翁「碰瓷式」倒地

年長店員疑似正在報警，一邊打電話一邊攔著老翁。年青店員則用手推撞老翁，阻止其離開，老翁退後幾步又想逃離，年青店員再以手推撞，老翁即以「碰瓷式」姿勢慢慢倒地。老翁坐在地上作狀受傷，兩店員不知所措，路人疑勸不要硬碰「豬肉佬見佢跌坐，唔敢再接觸佢」，二人於是返回店內。老翁即乘機站起來，快步離開。

(FB影片截圖）

街坊認出是「慣犯」，但有網民批評店員出手不妥

影片曝光後，有街坊認出涉事老翁，指他是慣犯「又係呢個阿叔，之前佢早上六點喺佳寶旁邊偷香蕉」；有網民則批評店員出手推撞的行為「唔使郁手郁腳啊」、「唔使郁手郁腳啊。冇人有頭髮要做癩痢頭」、「咁多cctv報警啦，出手推人，阿叔一陣後腦落地死咗，坐監唔係阿叔」。

(FB影片截圖）

兩派網民意見分歧

有網民表示「唔係咩大件事，就原諒個阿伯啦。都咁老啦，當做下好心啦」，此留言一出，即引來其他網民反擊「發神經，老人家大哂？」、「咁你做吓好心好無，派啲物資比老人家啦...」、「香港地好多恃老賣老」、「個個唔洗返工去偷野就得啦」、「可以去乞，可以問人攞，但唔係去偷，如果好似你咁教下一代就死得」。

帖文來源：Facebook群組「大埔 TAI PO」