Skip to Content Facebook Feature Image

林奕匡登The First Take 大唱十周年代表歌《高山低谷》

娛圈事

娛圈事

娛圈事

林奕匡登The First Take 大唱十周年代表歌《高山低谷》

2024年03月05日 23:00 最後更新:23:02

林奕匡在家模仿The First Take錄音環境瘋狂綵排。

適逢林奕匡(Phil)的經典歌曲《高山低谷》推出十周年,他早前應邀參與日本著名音樂頻道The First Take(TFT)的一鏡到底一次性錄音演出,演繹了全新編曲的《高山低谷》。Phil昨晚更與歌曲監製Edward Chan,以及作詞的陳詠謙開Live,談及參與TFT的感受,以及即將為人父的心情。

更多相片
林奕匡登上The First Take。

林奕匡登上The First Take。

大唱十周年代表歌《高山低谷》!

大唱十周年代表歌《高山低谷》!

林奕匡是繼陳柏宇及MIRROR後,第3個歌手單位成為香港代表。

林奕匡是繼陳柏宇及MIRROR後,第3個歌手單位成為香港代表。

在家模仿The First Take錄音環境。

在家模仿The First Take錄音環境。

《高山低谷》對於林奕匡來說別具意義。

《高山低谷》對於林奕匡來說別具意義。

林奕匡登上The First Take。

林奕匡登上The First Take。

大唱十周年代表歌《高山低谷》!

大唱十周年代表歌《高山低谷》!

今次Phil是繼陳柏宇及MIRROR後,第3個歌手單位成為香港代表,參與The First Take錄音,他為此作出了周詳的準備,他道:「我哋重新度過首歌嘅編排,同埋唱法都唔同咗,會諗下受眾係邊個,唔想一模一樣嘅感覺去唱,因為都事隔十年,自己嘅人生同經驗會令自己有唔同感受。我都有練習多啲,仲特登買咗喺正式錄音時會用到嘅Headphone喺屋企練習,又會睇下唔同嘅表演者喺TFT佢會點唱,台風係點,又研究下鏡頭擺位,自己喺屋企事先預演一次,希望可以減低緊張程度。」

相關影片可以按以下畫面觀看:

影片連結:https://youtu.be/lhfOVgSiFoc?si=EbNmp2tyVv0EIONV

林奕匡是繼陳柏宇及MIRROR後,第3個歌手單位成為香港代表。

林奕匡是繼陳柏宇及MIRROR後,第3個歌手單位成為香港代表。

在家模仿The First Take錄音環境。

在家模仿The First Take錄音環境。

不過進入錄音室時,Phil還是免不了緊張,他道:「進入錄音室嘅時候,緊張一定有,但估唔到原來大家平時見到個畫面好似只有自己一個人喺度,但入到去其實鏡頭後有最少接近30人喺度做準備,所以有啲意想不到,不過到正式錄音時,大家就會全部離場。」從錄影片段可見到Phil初時以一貫的微笑表示:「Okay I’m Ready!」然後他便完全陶醉於音樂之中,中段唱到肉緊之時更緊握拳頭呢!錄音過後,Phil也即是鬆一口氣,他道:「當下第一時間諗到『Oh My God! 錄完喇!』因為籌備期間練習幾多次都好,正式嘅時候係有好多Pressure,但完成嗰一下成個人即刻放鬆,可以真係Enjoy The Moment多啲,我仲同每個同事都擁抱,哈!」能夠在《高山低谷》推出十周年登上TFT,Phil坦言這是莫大的榮幸,更道:「能夠唱廣東歌實在太好,希望可以俾全球認識廣東音樂。」

《高山低谷》對於Phil來說別具意義,因為當時這是一首決定Phil歌唱事業的一首作品,所以他一直銘記歌詞內容,他更道:「《高山低谷》記載住我人生好重要嘅一刻,由最唔開心到我企得返起身,而家呢首歌成為咗鞭策我嘅歌,佢唔係淨係講低谷要點樣面對,佢仲可以講到喺人生唔同期間,都會遇上唔同高山低谷,會時刻提醒我,要繼續行落去,個終點依然未達到,所以唔可以停唔可以放棄,就好似歌詞咁講:腳下路程難以削短。」

另外,在昨晚開Live的時候,陳詠謙特別提到〈高山低谷〉歌名的由來,他說:「本身未有歌名,係先寫咗『你界定了生活 我侮辱了生存』呢句,但前面加多句『你快樂過生活 我拼命去生存』,令成份歌詞有一份推進。後來見副歌前有三連音的部份,想到『高的山低的谷』呢幾隻字,加上香港好多山,有錢人又多數住喺半山,配合埋前面歌詞,就有《高山低谷》〉呢個歌名。」昨晚TFT首播,加上早前宣布太太陀B,今年準備當爸爸,正值人生美好的時光,但Phil分享心情道:「我唔覺得自己而家喺高山,因為覺得可以再好啲,同時亦都會提醒自己唔好俾自己入到低谷,繼續鞭策。」不過當談及BB的時候,Phil仍難掩將為人父的喜悅,他笑著透露:「今(昨)日開Live前啱啱陪太太睇完醫生,BB又大咗好多,今(昨)晚 又有另一個BB TFT出世,的確係開心!」

《高山低谷》對於林奕匡來說別具意義。

《高山低谷》對於林奕匡來說別具意義。

Tags:

林奕匡

往下看更多文章

出爐金像最佳男配角姜大衛首參演MV 林奕匡為新歌慘被扔至全身瘀傷 

2024年05月25日 14:00 最後更新:14:22

Phil林奕匡新歌《波希米亞(沒有)狂想曲》更邀來黃偉文填詞,MV則邀請到新出爐「金像獎最佳男配角」姜大偉以及小演員何珀廉參演。

剛完成個人音樂會的Phil林奕匡為回饋樂迷一路支持及期待,今終推出個人新歌《波希米亞(沒有)狂想曲》。今次除卻是Phil自己作曲外,更邀來詞人黃偉文(Wyman)填詞,成為Phil出道以來首次獨唱Wyman作品,意義重大!

Phil推出新歌《波希米亞(沒有)狂想曲》。

Phil推出新歌《波希米亞(沒有)狂想曲》。

Wyman今次為Phil填詞,首先想到的是他「唱作人」的身份。因而在歌詞中用上「波希米亞」這具自由創作意義的思想作主軸,透過Phil這位唱作人的歌聲,唱出於這創作漸被輕視時代下,於不同產業下堅持固我、默默耕耘的一眾「創作者」心聲。Phil提到錄音之初,Wyman亦為他提供感情投射的入口:「啱啱收到份歌詞,佢(Wyman)就話:『阿Phil你幻想如果呢個世界無咗音樂會點』去唱呢隻歌。」使Phil可以馬上投入歌詞世界之中。

《波希米亞(沒有)狂想曲》邀來黃偉文Wyman填詞。

《波希米亞(沒有)狂想曲》邀來黃偉文Wyman填詞。

觀看相關影片按連結:https://youtu.be/S7ux2B2PbCA?si=6yb7jDL3vJdKApat

團隊為拍攝《波希米亞(沒有)狂想曲》MV亦費盡心思,請來去年港產片兩部話題之作《白日之下》及《年少日記》演員,新出爐「金像獎最佳男配角」姜大偉「John哥」以及小演員何珀廉參演,分別飾演Phil的老年與少年時期。從影多年的前輩John哥透露今次是他生涯當中的首個MV,更分享拍攝MV與以往電影或電視劇的分別。Phil亦因John哥的專業而讚歎:「John哥拍攝時會睇住我點拎起本書、手點擺,跟到一模一樣!」

MV請來新出爐「金像獎最佳男配角」姜大偉以及小演員何珀廉參演。

MV請來新出爐「金像獎最佳男配角」姜大偉以及小演員何珀廉參演。

二人分別飾演Phil的老年與少年時期。

二人分別飾演Phil的老年與少年時期。

Phil大讚John哥專業。

Phil大讚John哥專業。

拍攝期間,Phil則與John哥分享現今年輕人用語,稱自己為了「自肥」而邀請對方擔演男主角;John哥亦學以致用,說自己拍攝MV時要裝作「很Emo」。至於何珀廉對於參與Phil的MV拍攝亦十分興奮,交談過程中更得知原來父親都是Phil的歌迷!

Phil又與John哥分享現今年輕人用語。

Phil又與John哥分享現今年輕人用語。

何珀廉自揭爸爸都是Phil的歌迷。

何珀廉自揭爸爸都是Phil的歌迷。

Phil於今次《波希米亞(沒有)狂想曲》MV中擔任主角,期間除要與兩位專業演員「對戲」、大展演技外,更為藝術犧牲慘受「皮肉之苦」。於MV當中一幕為形象化展現人生中會遇到的衝擊與考驗,僅穿一件低胸白襯衫的Phil更要被其他演員接連不斷地投擲「漆蛋」。除當時弄得滿身油漆外,Phil在拍攝完成後更發現自己被扔至渾身瘀傷,實在令人心痛,但Phil坦言痛楚並非最大困難:「百隻蛋飛埋嚟一定會想閃避,但係盡量都保持『Poker Face』真係有啲難度」,亦因Phil的付出與堅持,才有現時MV中這令人深刻一幕,絕對值得大家花時間欣賞。

Phil今次MV中為藝術犧牲慘受「皮肉之苦」。

Phil今次MV中為藝術犧牲慘受「皮肉之苦」。

要被其他演員接連不斷地投擲「漆蛋」。

要被其他演員接連不斷地投擲「漆蛋」。

拍攝完成後,Phil發現自己被扔至渾身瘀傷。

拍攝完成後,Phil發現自己被扔至渾身瘀傷。

你 或 有 興 趣 的 文 章