新歌親自作曲填詞 釗彤@Beanies終恨到有男主角一齊拍MV

唱作女團Beanies成員之一的Chiutung於上星期推出今年的首支solo歌曲《不是你的形狀》，MV亦於日前上架。
 
選擇在3月7日《ILUBeanies聯校Live》當日推出solo新歌《不是你的形狀》，釗彤（Chiutung）說因為想在show day當日送上新作品給樂迷，「距離上一首solo歌曲《Say Nothing》已經係隔了5個月的時間，由完成咗上一首歌之後已經開始籌備呢一首歌，寫好Demo之後一直都未搵到一個適合嘅監製，直至到我遇到陳考威，所以，好想將呢首作品喺開show嘅時候可以唱畀大家聽。」

Chiutung在3月7日《ILUBeanies聯校Live》當日推出solo新歌《不是你的形狀》。

觀看相關影片按連結：https://youtu.be/UZQ3LDPmbfQ?si=HiRVOMFoqwj0siXQ

新歌《不是你的形狀》，作曲及填詞都是出自Chiutung，當她創作時是在寫一個愛情故事，關於兩個不同性格的人在一起，卻不想改變自己去迎合對方，所以都是選擇分手，而歌名方面，卻是有另一件事去inspire Chiutung，她笑說：「我好鍾意睇日劇，而呢套日劇裏面，當男女主角做愛做的事嘅時候，男主角同女主角講『你已經唔係我嘅形狀喇』，歌名係來自呢個幾得意嘅情節出現嘅。」

Chiutung指歌名靈感來自日劇潮語。

曲風上面，Chiutung與監製陳考威溝通了很久，「到底要一個乜嘢嘅style，一直都好願意嘗試不同嘅風格，所以過去嘅作品都會有唔同嘅風格畀到大家。」Chiutung表示，《Say Nothing》之後愛上了日本文化，「巧合地，陳考威了解完我嘅聲音及性格後，佢建議我玩Pop Rock，佢一講我就已經好鍾意，可以玩一直好想彈嘅電結他。」

監製陳考威建議Chiutung玩Pop Rock。

Chiutung好鍾意，又可以玩一直好想彈的電結他。

過去的歌曲MV，Chiutung都是自己一個演繹，今次，終於恨到有男主角同自己一齊拍MV，她說：「今次呢首歌係講兩個唔同性格嘅人走埋一齊，最後都係覺得大家唔適合，應該要保持返自己嘅形狀，所以同男主角都有一啲互動去演繹呢首歌嘅故事。喺出Teaser嘅時候有一個親熱嘅鏡頭，所以喺未有完整MV之前fans都好緊張，以為我會奉獻咗個螢幕初吻。」

Chiutung終於恨到有男主角同自己一齊拍MV。

Teaser有親熱鏡頭，令fans好緊張，以為Chiutung會奉獻螢幕初吻。

今次，是Chiutung第一次拍有劇情需要的MV，所以，拍之前她很緊張，因為不肯定自己的演技能夠應付得來，「每日對住塊鏡練習表情，而喺造型方面，本來諗住今次呢首歌係講一個女仔唔想為男仔扮可愛，但導演為咗將個故事完整地拍出嚟，為我設計咗一個非常可愛嘅造型，當然，亦會有另一個好有型嘅造型，當中嘅對比好大，但兩個造型我自己都私心好鍾意！」

Chiutung為新歌設計了一個非常可愛的造型。

亦有另一個好有型的造型。

對於2024年，Chiutung計劃於年底可以推出一隻Digital EP，「今年預計會出三至四首歌，不過，而家時間上面都仲安排緊，因為啱啱完咗show，所以仍然努力籌備當中。」

Chiutung預計今年會出三至四首歌，並計劃於年底推出一隻Digital EP。

Kay李凱翹直言：「呢半年賺到嘅所有錢都擺咗喺做歌上，好耐無試過咁熱血！」

唱作女團Beanies成員之一的Kay李凱翹，日前推出首支個人單飛歌曲《分手的決心》！作為一位獨立歌手，Kay為了出新歌傾囊而出，將近半年因為Beanies所賺到的錢都押上，她說：「除咗Beanies賺到嘅錢，連呢半年返菲林店part time、教瑜珈賺到嘅所有錢都擺咗喺做歌上，好耐無試過咁熱血，希望我嘅作品大家會喜歡同有共嗚。」

Kay李凱翹日前推出首支個人單飛歌曲《分手的決心》。

Kay更為了出新歌傾囊而出，將近半年所賺到的錢都押上。

觀看相關影片按連結：https://youtu.be/kBMumZE6RIs?si=qQgWtkwVCJD6vfMr

未入行當歌手前，Kay是一名空姐，做了8年後選擇裸辭，成為了獨立歌手，去年與Jaime張天穎、Geor陳樂頤、Winky黃健怡及Chiutung潘釗彤組成唱作女團Beanies。眼見其他成員陸續單飛出solo歌曲，Kay亦趕上步伐，推出個人單曲《分手的泱心》。對於裸辭一事，Kay說：「原來全心全意做自己喜歡嘅嘢，真係好值得！由裸辭到而家，都係用緊自己嘅儲蓄，最希望可以有多啲班教，有多啲機會接主持工作，同埋要再慳啲。」Kay笑言自從裸辭後，成為了一位精明的消費者，最喜歡留意各樣的優惠。

Kay未入行前是一名空姐，做了8年後選擇裸辭，成為了獨立歌手。

眼見其他Beanies成員陸續單飛出solo歌曲，Kay亦趕上步伐，推出個人單曲《分手的泱心》。

對於裸辭一事，Kay認為能全心全意做自己喜歡的事，真的好值得！

《分手的決心》由Kay與Patrick Yip合作寫曲部份，填詞找來小克，編曲及監製由Patrick Yip負責。日前，Kay為歌曲拍攝MV，請來中學師弟KF做導演及曾參與ViuTV真人show節目《戀愛staycation》的林嘉宏當男主角，由於拍攝的景點很多，所以分了兩日拍攝。

Kay與Patrick Yip合作為《分手的決心》寫曲。

MV男主角找來曾參與ViuTV真人show節目《戀愛staycation》的林嘉宏擔任。

喜歡攝影的Kay最難忘的除了是可以在黑房親手手沖黑白菲林，還有拍爆喊的過程，她說：「室內拍嗰日，一roll機就要我爆喊，本身好擔心，但好多謝我嘅acting coach（演戲導師） Donovan，佢好了解我，知道要點去引導我，喺我隔離一路講嘢，已經可以令我好快投入到個情緒爆喊出嚟！」

MV中，Kay最難忘的是可以在黑房親手手沖黑白菲林。

拍爆喊的過程亦相當難忘。

Kay感謝演戲導師Donovan，一直引導她。

另外，Kay表示第一日拍完外景，收工的時候租用的車卻忽然爆軚，她說：「最後全部人喺維修區嘅空地度等咗個半鐘，但係嗰個半鐘大家傾偈傾得好開心。」Kay表示以前做空姐，旅行佔了她的人生很大部份的時間，所以，MV其中一個景點是在機場維修區拍攝，令她重拾不少回憶，份外感觸和開心。

MV其中一個景點是在機場維修區拍攝，令Kay重拾不少以前做空姐的回憶。

Kay透露今次的MV是想用第一身視覺去記錄，所以用了DV機去拍攝，至於MV及歌曲的故事，她說：「係講一對情侶一齊及同居多年，感情由濃轉淡，說好嘅冰島之旅已經去唔到。喺沖曬菲林及執拾家中物件時回憶以往種種，最後雖然係好唔捨得，但都係決定放手離去。」

Kay又指今次的MV是想用第一身視覺去記錄，所以用了DV機去拍攝。

MV及歌曲的故事是關於一對情侶感情由濃轉淡。