Beanies有好消息宣佈!無錯,Beanies開騷喇!今次,Beanies請來ILUB一齊玩,齊齊帶樂迷走入校園,3月7日(星期四)在麥花臣場館舉行《ILUBeanies 聯校Live》!
當晚,ILUB的少爺占與Donald分別化身訓導主任及純正西人(外語老師),與Beanies五位成員化身成的:大家姐Jaime、班長Kay、學霸Geor、Drama的Chiutung及haha的Winky,日在音樂無代溝、無年紀限制下,與樂迷齊齊瘋狂一晚,享受音樂帶來的無限可能!在麥花臣這個校園內,會發生甚麼事?想知的朋友,快啲撲飛啦,今日(1月31日)正式公開開售!
點擊看圖輯
Beanies有好消息宣佈!無錯,Beanies開騷喇!今次,Beanies請來ILUB一齊玩,齊齊帶樂迷走入校園,3月7日(星期四)在麥花臣場館舉行《ILUBeanies 聯校Live》!
今次將會以「重返校園」為主題,艾粒會扮演訓導主任同外語老師,而Beanies就會扮演學生,將校園元素融入音樂表演入面。
Beanies與ILUB大纜扯唔埋,但卻合作舉行音樂會,意想不到就是最大的化學作用!就好似音樂會海報,本來想book影樓攝影師影,點知,少爺占一句:「不如用AI app搞?」Beanies聽到覺得很有趣,秒速贊成,而且,整出來的效果大家都讚靚過真人,一take過不用再retake,齊齊變成時間管理大師,慳了的時間,令到ILUB與Beanies七人多了時間開會商討音樂會rundown。
《ILUBeanies 聯校Live》 演出日期: 2024年 3月7日(星期四) 演出地點: 麥花臣場館 演出時間: 20:15 門票: 港幣 $688 座位/$488座位 公開發售:2024年 1月31日(星期三)早上10時正
ILUB同Beanies開show啦!
今次將會以「重返校園」為主題,艾粒會扮演訓導主任同外語老師,而Beanies就會扮演學生,將校園元素融入音樂表演入面。
Beanies與ILUB大纜扯唔埋,但卻合作舉行音樂會,意想不到就是最大的化學作用!就好似音樂會海報,本來想book影樓攝影師影,點知,少爺占一句:「不如用AI app搞?」Beanies聽到覺得很有趣,秒速贊成,而且,整出來的效果大家都讚靚過真人,一take過不用再retake,齊齊變成時間管理大師,慳了的時間,令到ILUB與Beanies七人多了時間開會商討音樂會rundown。
張天穎(Jaime)
潘釗彤(Chiutung)
陳樂頤(Georgina)
李凱翹(Kay)
黃健怡(Winky)
《ILUBeanies 聯校Live》
演出日期: 2024年 3月7日(星期四)
演出地點: 麥花臣場館
演出時間: 20:15
門票: 港幣 $688 座位/$488座位
公開發售:2024年 1月31日(星期三)早上10時正
《ILUBeanies 聯校Live》由YHYS6243主辦、票務bookyay、麥花臣場館、Candy Magic贊助、聯校插班生𠮟咤903及特別鳴謝deliveroo、bonaqua。
少爺占
Donald
唱作女團Beanies成員之一的Chiutung於上星期推出今年的首支solo歌曲《不是你的形狀》,MV亦於日前上架。
選擇在3月7日《ILUBeanies聯校Live》當日推出solo新歌《不是你的形狀》,釗彤(Chiutung)說因為想在show day當日送上新作品給樂迷,「距離上一首solo歌曲《Say Nothing》已經係隔了5個月的時間,由完成咗上一首歌之後已經開始籌備呢一首歌,寫好Demo之後一直都未搵到一個適合嘅監製,直至到我遇到陳考威,所以,好想將呢首作品喺開show嘅時候可以唱畀大家聽。」
Chiutung在3月7日《ILUBeanies聯校Live》當日推出solo新歌《不是你的形狀》。
觀看相關影片按連結:https://youtu.be/UZQ3LDPmbfQ?si=HiRVOMFoqwj0siXQ
新歌《不是你的形狀》,作曲及填詞都是出自Chiutung,當她創作時是在寫一個愛情故事,關於兩個不同性格的人在一起,卻不想改變自己去迎合對方,所以都是選擇分手,而歌名方面,卻是有另一件事去inspire Chiutung,她笑說:「我好鍾意睇日劇,而呢套日劇裏面,當男女主角做愛做的事嘅時候,男主角同女主角講『你已經唔係我嘅形狀喇』,歌名係來自呢個幾得意嘅情節出現嘅。」
Chiutung指歌名靈感來自日劇潮語。
曲風上面,Chiutung與監製陳考威溝通了很久,「到底要一個乜嘢嘅style,一直都好願意嘗試不同嘅風格,所以過去嘅作品都會有唔同嘅風格畀到大家。」Chiutung表示,《Say Nothing》之後愛上了日本文化,「巧合地,陳考威了解完我嘅聲音及性格後,佢建議我玩Pop Rock,佢一講我就已經好鍾意,可以玩一直好想彈嘅電結他。」
監製陳考威建議Chiutung玩Pop Rock。
Chiutung好鍾意,又可以玩一直好想彈的電結他。
過去的歌曲MV,Chiutung都是自己一個演繹,今次,終於恨到有男主角同自己一齊拍MV,她說:「今次呢首歌係講兩個唔同性格嘅人走埋一齊,最後都係覺得大家唔適合,應該要保持返自己嘅形狀,所以同男主角都有一啲互動去演繹呢首歌嘅故事。喺出Teaser嘅時候有一個親熱嘅鏡頭,所以喺未有完整MV之前fans都好緊張,以為我會奉獻咗個螢幕初吻。」
Chiutung終於恨到有男主角同自己一齊拍MV。
Teaser有親熱鏡頭,令fans好緊張,以為Chiutung會奉獻螢幕初吻。
今次,是Chiutung第一次拍有劇情需要的MV,所以,拍之前她很緊張,因為不肯定自己的演技能夠應付得來,「每日對住塊鏡練習表情,而喺造型方面,本來諗住今次呢首歌係講一個女仔唔想為男仔扮可愛,但導演為咗將個故事完整地拍出嚟,為我設計咗一個非常可愛嘅造型,當然,亦會有另一個好有型嘅造型,當中嘅對比好大,但兩個造型我自己都私心好鍾意!」
Chiutung為新歌設計了一個非常可愛的造型。
亦有另一個好有型的造型。
對於2024年,Chiutung計劃於年底可以推出一隻Digital EP,「今年預計會出三至四首歌,不過,而家時間上面都仲安排緊,因為啱啱完咗show,所以仍然努力籌備當中。」
Chiutung預計今年會出三至四首歌,並計劃於年底推出一隻Digital EP。