由新城知訊台主辦、愉景灣全力支持的「聖誕音樂會 Best Music · Best Taste」於昨日（12月26日）Boxing Day在愉景北商場熱鬧舉行，雖然氣溫急降，但絲毫不減粉絲的熱情，大批粉絲冒著寒風高舉應援牌到場支持偶像，場面相當熱鬧。邀得周吉佩（吉吉）、羅啟豪，以及女子組合Beanies與IdG Bubbles獻唱，更與現場歌迷互動玩遊戲，並送上寫滿聖誕祝福的心鎖，傳遞愛與關懷，用歌聲為大家打氣，場面溫馨又熱鬧。
周吉佩、羅啟豪、IdG Bubbles及Beanies出席愉景灣聖誕音樂會。
Beanies青春登場
女子組合 Beanies 三位成員 Kay（李凱翹）、阿左（陳樂頤）、Jaime（張天穎）率先亮相，分別獨唱展現個人魅力，再合唱一曲。她們更邀請粉絲上台玩遊戲「扮靚靚」，笑聲不斷。
點擊看圖輯
周吉佩、羅啟豪、IdG Bubbles及Beanies出席愉景灣聖誕音樂會。
Beanies
IdG Bubbles活力爆發
接著登場的 IdG Bubbles 一口氣又唱又跳三首歌，活力爆發。之後與觀眾玩問答遊戲及繼續派「福利」演唱聖誕歌，氣氛高漲。
羅啟豪真摯互動
羅啟豪以清唱聖誕歌開場，再揀選幸運粉絲上台玩遊戲，講出關於聖誕的事與物，講得最好的幸運兒獲得大獎，就是與啟豪合照。
IdG Bubbles
周吉佩壓軸登場 親民落台在粉絲面前演唱
壓軸的周吉佩同樣先清唱聖誕歌，之後親民落台，在粉絲群前面近距離演唱，大批粉絲爭相握手及拍照，吉吉親切得來者不拒，逐一握手，對粉絲來說這是今個聖誕收到最寶貴及興奮的聖誕禮物。吉吉並與粉絲玩「吉吉聖誕大電視」遊戲，吉吉親自做動作，參賽者鬥快估出答案，十分搞笑。
周吉佩
心鎖傳情
活動中，歌手們送上寫滿聖誕祝福的心鎖，象徵愛與關懷，與全場觀眾在歌聲與歡笑中度過難忘的 Boxing Day。
周吉佩與fans合照。
羅啟豪（Ramon）近日忙於籌備六月偕譚輝智合作的紅館《雙聲演唱會》，仍不忘在社交平台分享新搞作「羅啟豪音樂小劇場之《歌單中的密碼》」，Ramon說：「最近有音樂串流平台邀請我主持一個鐘頭嘅音樂節目，可以揀自己鍾意嘅歌、同聽眾傾吓偈，一收到呢個邀請就好開心，我真係有好多sidetrack或者滄海遺珠想同大家分享。」
羅啟豪忙於籌備六月紅館演唱會仍不忘創作小搞作。
Ramon靈機一觸，想到將所選的14首歌串連成一個故事，並以劇場版呈現網上最熱門劇情「撞跌對方耳機」去開展的愛情故事 ，可惜基於技術問題，直播時聽眾聽不清楚部分獨白，Ramon決定動手將整個小劇場重新錄製一次，並放在社交平台分享。
啟豪完成音樂小劇場好有滿足感。
Ramon表示，完成後好有滿足感，首先今次與團隊一起創作獨白，亦有運用AI幫助，啟豪坦言：「自己中文真係唔叻，而家入咗行真係要進步得快啲，AI幫自己創作之餘，亦有幫自己改善中文。」小劇場當中有好多精警或者感動嘅句子，問到是否自身經歷，Ramon說：「都有啲㗎，亦有啲係觀察身邊人嘅故事。」獨白包含迷惘、深情、激動、失而復得等各種情緒演繹，啟豪解釋：「其實自己都好有興趣演戲，但暫時未有機會，正好借住呢個音樂小劇場過吓戲癮，希望可以不定時咁做落去，當成係試鏡等導演監製睇吓我有冇演戲潛質！」Ramon外表斯文，心底裏卻渴望嘗試不同片種，甚至殺手、奸角等等反差極大的角色，他笑言：「總之我想演啲同自己完全唔同嘅角色，俾人知道其實我仲有其他面貌！」
羅啟豪以關淑怡舊作《告別戀曲》作爲音樂小劇場《歌單中的密碼》之開場歌曲並配以療癒系動畫。
今次選曲類型非常廣泛，由關淑怡、鄭秀文、許茹芸，到英文歌甚至衛蘭今年新歌《因爲你世界又多一份光亮》，以及許志安剛剛推出的《信天翁》，Ramon忙於預備演唱會都有時間聽新歌？他說：「入行前已習慣每一日都會上網，睇吓當日出咗乜嘢新歌或者新碟，而家確實係忙咗，但係都擺低唔到呢個熱愛，當日一聽到《信天翁》就好鍾意，諗過喺網上面翻唱，點知遇到呢個機緣，就一定要揀呢首歌，感覺仲特別！」
啟豪為新歌及演唱會宣傳，接受譚玉瑛及何基佑電台訪問。
在《雙聲演唱會》又會不會演繹《信天翁》及小劇場的歌單？Ramon說：「我同製作團隊開咗好多次會，希望帶嚟最精彩嘅成果畀每一位入場嘅觀眾，rundown 暫時要保持神秘感，可以講除咗會唱自己歌之外，順應近期八、九十年代經典廣東歌嘅熱潮，我同輝智會唱好多大家一定好鍾意嘅金曲，亦有一啲大家可能少啲聽，但係一聽就心諗：『係喎，唔記得咗呢首咁正嘅歌添！』我哋會用各自唔同得嚟又好夾嘅方法去演繹呢啲歌，有信心觀眾一定會好鐘意！」
「豪吧」在畫展場內所設餐廳特設演唱會主題餐飲。
有啟豪所喜愛之小鴨及水豚甜品布甸。
羅啟豪音樂小劇場之《歌單中的密碼》 介紹：
羅啟豪：「我鍾意聽歌尤其是sidetrack，鍾意到一個病態嘅地步，決定會不定期將我喜愛嘅歌曲製作成一個小劇場去分享俾大家，希望更多滄海遺珠被聽見、被欣賞，希望你會喺我分享嘅歌單裏面，搵到你都想循環播放嘅旋律 。」
啟豪形容自己喜愛sidetracks至病態地步。
歌迷會「豪吧」於進行中之畫展向歌迷送上劇場版獨白收藏卡坐紀念品。
