少爺占填詞×洪助昇執導MV Locksmiths開鎖佬新歌玩「早婚哲學」

娛圈事

少爺占填詞×洪助昇執導MV Locksmiths開鎖佬新歌玩「早婚哲學」

2025年06月17日 23:00 最後更新：06月18日 10:09

樂隊Locksmiths開鎖佬推出甜蜜新歌《二十婚》，直率地表達「假如人生有一百二十歲，廿歲結婚都唔算早」的浪漫想法。這隊由主音大雄、結他手阿東、低音結他手Harry、鍵盤手Eric及鼓手Tom組成的樂隊，這次繼續同師兄洪助昇（Aiden）合作拍MV，又自爆原來個個都有過「衝動結婚」念頭，Harry更直認自己係「戀愛腦」，認真搞笑。

新歌《二十婚》跟上次《陪我去台北》風格完全唔同，這次的甜蜜愛情小品，由少爺占操刀填詞，帶點他早年作品《中學生應該談戀愛》的青春氣息，同時同時亦受到組合Shine《簡單而隆重》的啟發。歌曲指「廿歲結婚可能係衝動，但大個咗先發現，當初嘅心動先最珍貴」，更唱出「既然你值一百分，那就原地結婚不必等」，甜到漏！

點擊看圖輯

Locksmiths開鎖佬

Locksmiths開鎖佬推出新歌《二十婚》。

主音大雄

低音吉他手Harry

鍵盤手Eric

吉他手阿東

鼓手Tom

MV圖片

觀看相關影片按連結：https://youtu.be/PW_rbR9NZnc

問到成員們有否想過結婚，Harry即自爆：「我都不怕直認，其實我有時都會好戀愛腦！」大雄就話：「我自己都估唔到，原來我都幾想結婚。細個嘅時候，有一位長輩成日同我講：『唔好結婚呀！無自由㗎！』大個咗發現，如果我願意拋開所謂嘅自由去結婚，我相信我一定好幸福！」Eric就笑說：「細個諗住十八歲就結婚，而家就覺得順其自然啦！」最淡定是阿東：「結婚係人生必經階段，但都要等啱嘅時機。」

提到新人年過去，成員但都感觸良多。Harry坦言第二年的路會難得很多，因為大家對他們的期望會更高；大雄則說：「而家只係一個開始，我哋會繼續努力創作！」Tom跟Eric就多謝公司同同事支持，阿東就話：「喺香港做音樂唔容易，好慶幸遇到欣賞我哋嘅樂迷。」

往下看更多文章

泳兒攜師弟妹為「25+英皇群星演唱會」宣傳造勢現身Busking活動率先預演熱唱

英皇娛樂主辦《25+英皇群星演唱會》舉行在即，為隆重其事，昨日（4月12日）下午於觀塘apm舉行「EEG 25+Busking」活動，邀得旗下歌手泳兒Vincy、女團VIVA、黃明德Dark、黎展峯Andy及洪助昇Aiden出席，即場獻唱多首經典及人氣歌曲，為演唱會進行精彩預熱。

活動吸引了大批粉絲蜂擁到場，粉絲們揮動應援牌熱情支持，現場氣氛迅速升溫，瞬間化身小型演唱會。歌手們不時與觀眾近距離互動，回應粉絲呼喊，展現親民魅力。

活動上，五組嘉賓輪流登場獻唱，帶來多首人氣作品。洪助昇率先以《憑實力單身》、《別想跟我在和好》及《生活復常》炒熱氣氛；黎展峯則演繹《免費升級》、《無限+1》及《宇宙煙火》，展現舞台魅力；黃明德以《自我反省》、《實現情緒自由》及《我的世界不只有你》打動觀眾；VIVA帶來《BABYSavage》、《FOMO》及《不夠浪漫的我們》，青春活力感染全場；壓軸登場的泳兒則以《感應》、《葉落冰川》、《溝渠暢泳》及《所有遺失的東西》掀起高潮。