洪助昇萬聖節1.5米長髮粵劇Look埋伏 Locksmiths開鎖佬四子輪流中伏

昨日（10月31日）是萬聖節，又是歌手洪助昇（Aiden）年度整蠱大日子！繼去年Aiden扮貞子嚇到樂隊Locksmiths開鎖佬的Keyboard手Eric腳軟癱在地，今年Aiden「食過返尋味」，再度鎖定Locksmiths做目標，今次以粵劇造型上陣，六呎的身高穿上紅色戲服，再戴上1.5米長假髮，未出場已經夠晒驚嚇。

Aiden今年萬聖節又玩大整蠱！

影片截圖

影片截圖

今次突襲計劃精心部署，除了主音大雄倖免於難，事前早被招攬一同策劃，其餘四子全部成為被嚇對象。殊不知首個目標Bass手Harry一入Band房就眼利發現門口旁邊的攝影機，搞到Aiden出師不利，埋伏計劃即刻穿煲。第二個登場的Keyboard手Eric就沒那麼好彩，一推門Aiden即刻由暗處衝出！Eric嚇到擘大口狂叫，成個人彈起，之後先死死氣笑着說：「又到Halloween啦！Oh My God！而家10月21咋嘛，駛唔駛咁急啫？」反應搞笑！

主音大雄事前早被招攬一同策劃。

Bass手Harry

Bass手Harry

Keyboard手Eric

Keyboard手Eric

輪到鼓手Tom，他邊行邊在袋中找東西，完全沒為意轉角位站着一個六呎高的「大佬倌」，直到幾乎撞埋身才發現兼即刻大叫：「嚇死我呀！」而最後登場的結他手阿東雖然機警，一開門便已覺得「唔對路」，更醒目開着手機燈四圍照，但最終都敵不過Aiden從後殺出，照樣被嚇到跳起！

鼓手Tom

結他手阿東

今年Aiden的萬聖節突襲再度成功，Locksmiths Band房慘叫聲此起彼落，看來這個年度嚇鬼傳統，將會繼續玩落去。

整蠱大成功！

洪助昇（Aiden）今日（7月7日）推出全新歌曲《一億歲後》，新歌對他來說別具意義，這不單止是他入行以來第一首自己作曲的作品，更是他代今年年頭離世的爸爸，寫給媽媽的一首情歌，將父親最後的心聲用旋律記錄下來。

洪助昇推出全新歌曲《一億歲後》。

觀看相關影片按連結：https://youtu.be/ASmKIhE32rw

Aiden透露，這首歌的創作靈感，正正是源自他跟爸爸在生命最後時光的一次深夜對談。他憶述：「記憶最深嘅嗰日凌晨，我同爸爸傾偈，我同佢講：『不如我幫你寫一首歌送畀媽媽吖！』爸爸微笑咁點點頭。」就是這個點頭，令Aiden決心要將爸爸對媽媽那份藏在心底的愛意，用音樂延續落去。Aiden說：「對我而言，婚姻嘅承諾從來唔止係當初交換戒指嗰一刻嘅盟誓，而係用盡一生嘅呼吸，去實踐陪彼此行到最後嘅責任。」爸爸以一輩子實踐這個承諾，而Aiden則用這首歌，幫爸爸說出最後那句「我愛你」。

MV圖片

MV圖片

MV由Aiden自編自導自演，將前世今生的概念融入畫面。而選擇古裝造型，原來因為Aiden爸爸很喜歡看古裝片，所以他特意用古裝造型向爸爸致敬。Aiden指歌曲帶着前世今生概念，歌詞中講到恐龍時期白堊紀遠，笑說：「因為我又冇可能將自己變成一隻恐龍，所以去到最遠嘅人類文明只可以拍古裝。」

MV圖片

MV圖片

首次嘗試古裝造型，Aiden最大感受是「玩自己」！為咗上鏡好睇，更減磅六公斤，「嗰段時間每一日都迫自己一瞓醒就去做運動，每日食番薯。」不過最慘是戴頭套，「因為我個頭比正常人大，但係我哋已經搵最大嘅尺寸，但我個頭仍然唔夠cover，然後因為要黐膠水貼實個頭套，拆返落嚟嘅時候，皮膚敏感咗兩個星期，到而家偶爾都仲會好痕，今鋪真係玩自己。」

MV圖片

MV圖片

而MV女主角、VIVA成員Macy亦遇到同樣問題，「我個頭唔算細，喺VIVA入面都成日俾人笑我個頭大，我就好驚自己做咗古裝頭之後個頭變咗兩倍大，同埋身形比例會再唔啱啲。」試造型當日已經笑料百出，Macy話：「我哋試嘅時候每一次睇到大家試咗一套新衫出嚟，都會笑到傻咗，試衫嗰日同時一齊睇景，所以大家望到大家古裝造型，加埋個景都覺得好神奇。」

MV圖片

Macy指拍攝MV當日對着Aiden有不少笑場，「同Aiden都叫熟，我望住佢對眼嘅時候，我真係好難想像到佢係我嘅另一半，哈哈。」同時，Macy坦言有點壓力，因為道歌曲背後的意義，「自己都緊張，因為知道呢首歌係佢代爸爸寫俾媽咪，我想做好件事。」最後當然順利完成，Aiden亦大讚Macy專業，「Macy一埋位就進入狀態，令到成個拍攝過程好順利，第一次無OT嘅情況下完成拍攝。」

MV圖片

MV圖片