陳樂頤Geor新歌紀錄失眠夜至親離世＋Beanies成員變動致情緒出問題從不知所措到學會反思

娛圈事

陳樂頤Geor新歌紀錄失眠夜至親離世＋Beanies成員變動致情緒出問題從不知所措到學會反思

2025年09月21日 12:00 最後更新：12:09

唱作女子組合Beanies成員陳樂頤Geor（阿左）近日推出今年第一首Solo歌《今夜無人入睡》，同樣是阿左親自作曲，請來小克填詞，Dick Wong編曲及吳林峰監製。歌曲記錄了阿左今年頭半年很多個失眠的夜晚，「我係咁問自己，究竟我可以點樣捱過去呢？我點樣搵返我嘅笑容呢？」最後，她發現這些失眠的夜晚都是令她變得更加好的養份，所以她希望這一首歌可以陪伴大家度過失眠的夜晚。

點擊看圖輯

Beanies成員Chiutung（右二）及Winky（右一）於今年6月初離隊。

阿左推出今年第一首Solo歌《今夜無人入睡》。

本網記者攝

《今夜無人入睡》MV圖片

本網記者攝

《今夜無人入睡》MV圖片

本網記者攝

Beanies成員Chiutung（右二）及Winky（右一）於今年6月初離隊。

Beanies現在是三人團，阿左、Jaime及Kay。

本網記者攝

IG圖片

本網記者攝

觀看相關影片按連結：https://youtu.be/_XX6Ilgthbk

2025年已經過去四分三，問到為何這麼遲才出Solo歌？阿左直言年初時整個人的狀態都時「麻麻地」，所以用了很多時間去處理自己的情緒，而且行動力很弱，而《今夜無人入睡》就是在這段時間寫下的，原本在7月中已準備好推出，但剛好撞正Beanie推出新歌《失戀（及其他災難）》，為了不撞期宣傳，便決定推遲推出。

問到為何情緒會出現問題？阿左坦言在過這一年半內情緒都處於高低起伏的狀態，因為13歲同母異父妹妹於去年2月輕生離世，加上Beanies成員的變動，令她不太懂去面對自己的情緒，在今年年初情況最差的時候，她主動去了見治療師，見了幾次後她開始能梳理自己的情緒，現在已回復正軌。

妹妹的離開對阿左影響非常大，就好像生命中好重要的一部份消失了，「應該係有啲不知所措，對於人生嘅意義，我會覺得我好似冇咗繼續落去嘅意義。」這對阿左來說是人生一個好大的課題，「令到我思考自己嘅人生，或者思考下，究竟自己想要啲乜嘢啦，就發現咗其實，我哋唔可以畀過去嘅唔開心嘅回憶，去影響自己將來嘅路。我最大嘅課題就係，究竟點樣帶住呢啲唔開心嘅回憶繼續move on呢？可能有人係原生家庭嘅問題，但唔可以用呢樣嘢做藉口，令到你停滯不前，你係要carry on with that，咁所以呢個係可能令到我學習或者反思得最多嘅嘢。」

問到妹妹的離開有否影響與家人的關係？阿左表示她是與公公婆婆一齊住，所以與老人家的關係好親密，而與父母及其他家人的關係就一直有些起伏不定，但她明白每一個家庭成員都有自己的情緒，所以她並不急於去即刻處理所有問題，治療師亦和她說：「你將會有一個好嘅timing去處理佢，但係嗰個timing未到。」而她今年亦抽時間和家人去了上海旅行，「因為我同屋企人係好少去旅行，咁嗰次係帶住香港嘅婆婆公公，係瑞士嘅阿姨姨長，同埋兩表妹，再係廣州嚟嘅姨婆，即係大家係唔同地區gather咗一齊去上海旅行，我覺得呢件事好難得，亦都係真係好多年冇試過同屋企人去旅行，嗰個感覺好唔同，亦都因為好坦白講因為妹妹嘅事，大家珍惜多咗同屋企人一齊相處嘅時間。」

至於Beanies成員的變動，成員潘釗彤（Chiutung）及黃健怡（Winky）於今年6月初離隊，阿左透露二人與經理人在溝通上或意見上有分歧，她們亦曾經開會討論，但因為合約屬於個人，所以她和張天穎（Jaime）及李凱翹（Kay）也沒有過問太多。阿左坦言雖然不捨得她們離開，但並活有特別嘗試去挽留，「因為一講到合約上呢，有少少法律上嘅嘢，其實我哋係冇辦法去插手，咁我覺得其實兩位成員都好知自己想要咩嘅，佢哋好清楚自己想要啲乜嘢，所以佢哋嘅選擇，我哋好尊重，亦都希望佢哋依家係好開心咁做緊自己想做嘅嘢，亦都得到佢哋想要嘅嘢。」

雖然阿左在過去這年半情緒出現問題，但她沒有停下來，她除了是Beanie成員、獨立歌手外，亦是和音歌手和音樂老師，「咁我其實年頭都做咗幾場嘅演唱會和音，譬如Stephy（鄧麗欣）嘅紅館啦，亦都有KKBOX呀等等咁樣啦，咁我嚟緊年尾都會繼續係有和音嘅工作，例如Stephy會去澳門啦，跟住Kenny（關智斌）係啟德啦，仲有唔同嘅和音表演，跟住我音樂老師其實我本身自己有教一啲小朋友音樂，我一路都係咁樣運作緊。」

阿左又笑言她最多時間是用在旅行上，「因為年頭嘅我有少少想逃離呢個現實，逃避世界咁樣，咁所以我就係咁去旅行，同埋係咁去澳洲探friend。」當中她在澳洲之旅期間就拍了上一首歌《從天際破滅找到祝福》的MV，「我上一個mv係我去咗澳洲跳傘，我本身係有少少驚，但我唔知點解走咗去跳傘，好似要挑戰人體極限咁樣，跟住我就發現自己好驚死，咁係一個好好嘅體驗，如果我去到最extreme sports呢啲咁極端嘅運動，我係會點樣呢？」她又分享了與好友在當地的蝦碌事，「我同個friend揸車，喺高速公路落雨夜晚爆胎，但係我（發現）原來可以好冷靜咁樣去應對，我仲喺度撳電話，喺度改一陣打邊爐嗰個時間，原來我係一個咁chill嘅人，遇到危關嘅時候，我可以咁chill咁樣面對，我好proud of自己！」而車胎最後是由路過的警察「睇唔過眼」幫手換。

《今夜無人入睡》是由吳林峰監製，所以阿左希望推出一個與吳林峰的男女合唱版，「我哋都仲係好初步嘅階段，傾緊會唔會work到，係咪今年可以做到呢件事就未知啦，但係希望可以做到，希望大家鍾意呢一個solo版先，跟住之後就可能衍生到一個合唱版！」此外，阿左就暫時未來再出新歌的計劃，「如果真係有嘅都可能會畀咗喺Beenies先，因為Beenies今年都係出咗一隻歌，我哋係Beenies係有溝通過究竟我哋嚟緊會唔會出啲唔同嘅曲風，我哋係有被勒令要減肥，同埋要學跳舞，咩曲風就大家估下！」

hair by @michaellam_hairwork @beijinghairculturehk
outfit by @sandroparis @purplepr

往下看更多文章

專訪｜「東張女神」俞可程主動挑戰追訪棘手個案樂為網民製造新Cap圖

由測量師轉戰幕前、憑《東張西望》中敢言採訪風格令人印象深刻的俞可程（Kanis），近日接受本網專訪，暢談參選港姐的另類原因、父親對其轉行的反對，以及擔任主持的各種「奇遇」。

分手後想搵新目標計過數覺得選美「冇蝕底」
Kanis參選港姐的決定，背後有段鮮為人知的故事：「當時同男朋友分手冇幾耐，個人空虛虛，想搵啲嘢填滿個生活。」恰巧完成測量師牌照考試及累積四年工作經驗後，她對刻板生涯感到「好悶」，渴望「走出舒適圈」。她更以一套現實計算解釋動機：「出面學禮儀班、化妝班好貴㗎！選港姐免費有得學，仲可以去旅行拍外景，我覺得點計都冇蝕底。」她笑言自己首次面試時「求其打個底，連眼影都冇化」，正是抱著學習心態踏出第一步。

父親傳統盼女穩定　三女一男家中靠母親家姐支持
轉行之路並非一帆風順，Kanis透露父親一直不贊成：「佢好傳統，覺得我讀咁多書應該做返份穩定工，唔好拋頭露面。」她理解父親的擔憂：「佢覺得呢一行好唔穩定，都擔心我收入唔穩定同壓力大。」然而，家中「三個女人」——母親同家姐均全力支持她追夢，父親最終亦無奈尊重女兒選擇。Kanis坦言現時父親態度沒有改變過，但她會以行動證明自己。

主動要求追訪棘手個案試過驚到心都離一離
加入《東張西望》後，Kanis主動要求挑戰前線追訪工作：「我專登打聽邊組係做麻煩個案，主動加入，反正入得行就想試多啲啦！」她分享曾因追訪一名樣子兇神惡煞的健碩男子而感到害怕，但更多時候是為受訪者故事動容。她特別提到「名校補習社」及「虐老」兩個個案，直言聽到受害人心聲時感觸落淚：「做人點可以咁冇良心？」

認真備案親自「起底」網民Cap圖當宣傳
Kanis對工作極為認真，每接到個案都會提前做足功課：「會自己上網『起底』，睇晒對方嘅舊Post，諗定幾個訪問方法。」對於網民經常截圖其採訪畫面，戲稱為「魔鬼視角」，她大方回應：「我覺得其實都幾creative，最緊要大家肯關注單新聞，係好事。」

面對負評反省調整　盼嘗試拍劇拓展戲路
面對網絡負評，Kanis自認是「絲打」，會仔細審視網民留言：「最唔開心係連自己都覺得做得唔好嗰陣。」她以「公屋賣淫」個案為例，指曾反思自己語氣是否過硬，並會主動與監製、編導溝通，尋求改善。展望未來，她希望嘗試拍劇：「咩類型都得，我係新人乜都想試！」她更不介意被傳媒稱為「意外界KOL」，笑言：「希望下年可以大紫大紅！」